<p><strong>ನವದೆಹಲಿ:</strong> ಭಾರತ ಹಾಕಿ ತಂಡದ ಮುಂಚೂಣಿ ಆಟಗಾರ್ತಿ ದೀಪಿಕಾ ಅವರು ಕೌಶಲದ ಗೋಲಿಗಾಗಿ ‘ಪಾಲಿಗ್ರಾಸ್ ಮ್ಯಾಜಿಕ್ ಸ್ಕಿಲ್’ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ. ಭುವನೇಶ್ವರದಲ್ಲಿ ನಡೆದ 2024–25ನೇ ಸಾಲಿನ ಪಂದ್ಯದಲ್ಲಿ ನೆದರ್ಲೆಂಡ್ಸ್ ವಿರುದ್ಧ ಅವರು ಆ ಚಮತ್ಕಾರದ ಫೀಲ್ಡ್ ಗೋಲು ಗಳಿಸಿದ್ದರು.</p>.<p>ಕೌಶಲ ಮತ್ತು ಸೃಜನಶೀಲ ಆಟದಿಂದ ಗಳಿಸಿದ ಗೋಲನ್ನು ಈ ಪ್ರಶಸ್ತಿಗೆ ನಾಮನಿರ್ದೇಶನ ಮಾಡಲಾಗುತ್ತದೆ. ಈ ಪ್ರಶಸ್ತಿಗೆ ಅಂತಿಮಗೊಂಡ ಆಟಗಾರರನ್ನು ವಿಶ್ವದಾದ್ಯಂತ ಹಾಕಿ ಅಭಿಮಾನಿಗಳು ಮತದಾನದ ಮೂಲಕ ಆಯ್ಕೆ ಮಾಡುತ್ತಾರೆ.</p>.<p>ವಿಶ್ವದ ಅಗ್ರಮಾನ್ಯ ತಂಡದ ವಿರುದ್ಧ ಆ ಪಂದ್ಯದಲ್ಲಿ, ದೀಪಿಕಾ 35ನೇ ನಿಮಿಷ ಏಕಾಂಗಿಯಾಗಿ ಎಡಗಡೆಯಿಂದ ಮುನ್ನುಗ್ಗಿ ಚೆಂಡನ್ನು ಡ್ರಿಬಲ್ ಮಾಡಿ ಎದುರಾಳಿ ಡಿಫೆಂಡರ್ಗಳನ್ನು ತಪ್ಪಿಸಿಕೊಂಡು ಗೋಲು ಗಳಿಸಿದ್ದರು. ಭಾರತ ಆ ಪಂದ್ಯದಲ್ಲಿ 0–2 ಹಿನ್ನಡೆಯಲ್ಲಿತ್ತು. ಆ ಗೋಲಿನಿಂದ ಭಾರತ ಚೇತರಿಸಿತ್ತು. ನಂತರ ಸ್ಕೋರ್ 2–2 ಸಮನಾಗಿ ಶೂಟೌಟ್ನಲ್ಲಿ ನೆದರ್ಲೆಂಡ್ಸ್ ಗೆದ್ದಿತ್ತು.</p>.<p>‘ನನಗೆ ಪ್ರಶಸ್ತಿ ದೊರಕಿರುವುದು ದೊಡ್ಡ ಗೌರವ. ನೆದರ್ಲೆಂಡ್ಸ್ನಂಥ ತಂಡದ ಎದುರು ಗೋಲು ಗಳಿಸಿದ ಆ ಗೋಲು ನಿಜಕ್ಕೂ ವಿಶೇಷ ಎನಿಸುತ್ತದೆ. ನನ್ನ ಸಹ ಆಟಗಾರ್ತಿಯರು, ಕೋಚ್ಗಳು, ಕುಟುಂಬ ಸದಸ್ಯರು ಮತ್ತು ಸ್ನೇಹಿತರಿಗೆ ಧನ್ಯವಾದ ಸಲ್ಲಿಸುತ್ತೇನೆ’ ಎಂದಿದ್ದಾರೆ 21 ವರ್ಷ ವಯಸ್ಸಿನ ದೀಪಿಕಾ.</p>.<p>‘ಇದು ನನಗೆ ಮಾತ್ರ ದೊರೆತ ಪ್ರಶಸ್ತಿಯಲ್ಲ. ಇದು ಭಾರತದ ಹಾಕಿಗೆ ಸೇರಿದ್ದು. ಎಲ್ಲರೂ ಜೊತೆಯಾಗಿ ಮುಂದೆ ಸಾಗೋಣ’ ಎಂದು ಹೇಳಿದ್ದಾರೆ.</p>.<p>ದೀಪಿಕಾ ಜೊತೆ, ಸ್ಪೇನ್ನ ಪೆಟ್ರೀಷಿಯಾ ಆಳ್ವಾರೆಝ್ ಮತ್ತು ಆಸ್ಟ್ರೇಲಿಯಾ ಮಹಿಳಾ ತಂಡ ಗಳಿಸಿದ ಗೋಲು ಸ್ಪರ್ಧೆಯಲ್ಲಿದ್ದವು. </p>.<p>ಪುರುಷರ ವಿಭಾಗದಲ್ಲಿ ಈ ಗೌರವ ಬೆಲ್ಜಿಯಂನ ವಿಕ್ಟರ್ ವೆಗ್ನೆಝ್ ಅವರ ಪಾಲಾಯಿತು. ಸ್ಪೇನ್ ಎದುರು ಮಿಡ್ಫೀಲ್ಡ್ನಲ್ಲಿ ಅವರು ಆಡಿದ ಚಮತ್ಕಾರಿಕ ಆಟದಿಂದ ತಂಡ ಗೋಲು ಗಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಭಾರತ ಹಾಕಿ ತಂಡದ ಮುಂಚೂಣಿ ಆಟಗಾರ್ತಿ ದೀಪಿಕಾ ಅವರು ಕೌಶಲದ ಗೋಲಿಗಾಗಿ ‘ಪಾಲಿಗ್ರಾಸ್ ಮ್ಯಾಜಿಕ್ ಸ್ಕಿಲ್’ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ. ಭುವನೇಶ್ವರದಲ್ಲಿ ನಡೆದ 2024–25ನೇ ಸಾಲಿನ ಪಂದ್ಯದಲ್ಲಿ ನೆದರ್ಲೆಂಡ್ಸ್ ವಿರುದ್ಧ ಅವರು ಆ ಚಮತ್ಕಾರದ ಫೀಲ್ಡ್ ಗೋಲು ಗಳಿಸಿದ್ದರು.</p>.<p>ಕೌಶಲ ಮತ್ತು ಸೃಜನಶೀಲ ಆಟದಿಂದ ಗಳಿಸಿದ ಗೋಲನ್ನು ಈ ಪ್ರಶಸ್ತಿಗೆ ನಾಮನಿರ್ದೇಶನ ಮಾಡಲಾಗುತ್ತದೆ. ಈ ಪ್ರಶಸ್ತಿಗೆ ಅಂತಿಮಗೊಂಡ ಆಟಗಾರರನ್ನು ವಿಶ್ವದಾದ್ಯಂತ ಹಾಕಿ ಅಭಿಮಾನಿಗಳು ಮತದಾನದ ಮೂಲಕ ಆಯ್ಕೆ ಮಾಡುತ್ತಾರೆ.</p>.<p>ವಿಶ್ವದ ಅಗ್ರಮಾನ್ಯ ತಂಡದ ವಿರುದ್ಧ ಆ ಪಂದ್ಯದಲ್ಲಿ, ದೀಪಿಕಾ 35ನೇ ನಿಮಿಷ ಏಕಾಂಗಿಯಾಗಿ ಎಡಗಡೆಯಿಂದ ಮುನ್ನುಗ್ಗಿ ಚೆಂಡನ್ನು ಡ್ರಿಬಲ್ ಮಾಡಿ ಎದುರಾಳಿ ಡಿಫೆಂಡರ್ಗಳನ್ನು ತಪ್ಪಿಸಿಕೊಂಡು ಗೋಲು ಗಳಿಸಿದ್ದರು. ಭಾರತ ಆ ಪಂದ್ಯದಲ್ಲಿ 0–2 ಹಿನ್ನಡೆಯಲ್ಲಿತ್ತು. ಆ ಗೋಲಿನಿಂದ ಭಾರತ ಚೇತರಿಸಿತ್ತು. ನಂತರ ಸ್ಕೋರ್ 2–2 ಸಮನಾಗಿ ಶೂಟೌಟ್ನಲ್ಲಿ ನೆದರ್ಲೆಂಡ್ಸ್ ಗೆದ್ದಿತ್ತು.</p>.<p>‘ನನಗೆ ಪ್ರಶಸ್ತಿ ದೊರಕಿರುವುದು ದೊಡ್ಡ ಗೌರವ. ನೆದರ್ಲೆಂಡ್ಸ್ನಂಥ ತಂಡದ ಎದುರು ಗೋಲು ಗಳಿಸಿದ ಆ ಗೋಲು ನಿಜಕ್ಕೂ ವಿಶೇಷ ಎನಿಸುತ್ತದೆ. ನನ್ನ ಸಹ ಆಟಗಾರ್ತಿಯರು, ಕೋಚ್ಗಳು, ಕುಟುಂಬ ಸದಸ್ಯರು ಮತ್ತು ಸ್ನೇಹಿತರಿಗೆ ಧನ್ಯವಾದ ಸಲ್ಲಿಸುತ್ತೇನೆ’ ಎಂದಿದ್ದಾರೆ 21 ವರ್ಷ ವಯಸ್ಸಿನ ದೀಪಿಕಾ.</p>.<p>‘ಇದು ನನಗೆ ಮಾತ್ರ ದೊರೆತ ಪ್ರಶಸ್ತಿಯಲ್ಲ. ಇದು ಭಾರತದ ಹಾಕಿಗೆ ಸೇರಿದ್ದು. ಎಲ್ಲರೂ ಜೊತೆಯಾಗಿ ಮುಂದೆ ಸಾಗೋಣ’ ಎಂದು ಹೇಳಿದ್ದಾರೆ.</p>.<p>ದೀಪಿಕಾ ಜೊತೆ, ಸ್ಪೇನ್ನ ಪೆಟ್ರೀಷಿಯಾ ಆಳ್ವಾರೆಝ್ ಮತ್ತು ಆಸ್ಟ್ರೇಲಿಯಾ ಮಹಿಳಾ ತಂಡ ಗಳಿಸಿದ ಗೋಲು ಸ್ಪರ್ಧೆಯಲ್ಲಿದ್ದವು. </p>.<p>ಪುರುಷರ ವಿಭಾಗದಲ್ಲಿ ಈ ಗೌರವ ಬೆಲ್ಜಿಯಂನ ವಿಕ್ಟರ್ ವೆಗ್ನೆಝ್ ಅವರ ಪಾಲಾಯಿತು. ಸ್ಪೇನ್ ಎದುರು ಮಿಡ್ಫೀಲ್ಡ್ನಲ್ಲಿ ಅವರು ಆಡಿದ ಚಮತ್ಕಾರಿಕ ಆಟದಿಂದ ತಂಡ ಗೋಲು ಗಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
