<p><strong>ತೈಪೆ ಸಿಟಿ</strong>: ಭಾರತದ ಅಥ್ಲೀಟ್ಗಳು ತೈವಾನ್ ಓಪನ್ ಇಂಟರ್ನ್ಯಾಷನಲ್ ಅಥ್ಲೆಟಿಕ್ಸ್ ಕೂಟದ ಅಂತಿಮ ದಿನವಾದ ಭಾನುವಾರ 6 ಚಿನ್ನದ ಪದಕಗಳನ್ನು ಗೆದ್ದರು. ಶನಿವಾರವೂ 6 ಚಿನ್ನ ಗೆದ್ದಿದ್ದ ಭಾರತ, ಕೂಟದಲ್ಲಿ ಪ್ರಾಬಲ್ಯ ಮೆರೆಯಿತು.</p>.<p>ಪುರುಷರ 4x400 ಮೀ. ರಿಲೆ ಸ್ಪರ್ಧೆಯಲ್ಲಿ ಭಾರತ ತಂಡವು ನೂತನ ಕೂಟ ದಾಖಲೆಯೊಂದಿಗೆ ಸ್ವರ್ಣ ಪದಕ ಜಯಿಸಿತು. ಸಂತೋಷ್ ಟಿ., ವಿಶಾಲ್ ಟಿ.ಕೆ., ಧರ್ಮವೀರ್ ಚೌಧರಿ ಹಾಗೂ ಮನು ಟಿ.ಎಸ್. ಅವರನ್ನೊಳಗೊಂಡ ತಂಡ 3 ನಿಮಿಷ, 5.58 ಸೆಕೆಂಡುಗಳಲ್ಲಿ ಗುರಿ ತಲುಪಿತು.</p>.<p>ಮೂರು ಬಾರಿ ರಾಷ್ಟ್ರೀಯ ಚಾಂಪಿಯನ್ ಆಗಿರುವ ವಿದ್ಯಾ ರಾಮರಾಜ್ ಅವರು ಮಹಿಳೆಯರ 400 ಮೀ. ಹರ್ಡಲ್ಸ್ನಲ್ಲಿ ಚಿನ್ನದ ಪದಕ ಪಡೆದುಕೊಂಡರು. ಮೂಲತಃ ತಮಿಳುನಾಡಿನವರಾದ ವಿದ್ಯಾ, ಗುರಿ ಮುಟ್ಟಲು 56.53 ಸೆಕೆಂಡುಗಳನ್ನು ತೆಗೆದುಕೊಂಡರು. ಇದು, ಈ ವರ್ಷದಲ್ಲಿ ಅವರ ಮೂರನೇ ವೈಯಕ್ತಿಕ ಶ್ರೇಷ್ಠ ಸಾಧನೆಯಾಗಿದೆ. ಇದಕ್ಕೂ ಮೊದಲು, ಫೆಡರೇಷನ್ ಕಪ್ ಫೈನಲ್ನಲ್ಲಿ 56.04 ಸೆಕೆಂಡುಗಳಲ್ಲಿ ಹಾಗೂ ಏಷ್ಯನ್ ಚಾಂಪಿಯನ್ಷಿಪ್ ಫೈನಲ್ನಲ್ಲಿ 56.46 ಸೆಕೆಂಡುಗಳಲ್ಲಿ ಅವರು ಗುರಿ ಮುಟ್ಟಿದ್ದರು.</p>.<p>ಮಹಿಳೆಯರ 800 ಮೀ. ಓಟದ ಸ್ಪರ್ಧೆಯಲ್ಲಿ ಪೂಜಾ ಅವರು ಕೂಟ ದಾಖಲೆಯೊಂದಿಗೆ (2 ನಿ., 02.79 ಸೆ.) ಸ್ವರ್ಣ ಪದಕ ಜಯಿಸಿದರು. ಭಾರತದವರೇ ಆದ ಟ್ವಿಂಕಲ್ ಚೌಧರಿ ಅವರು 2 ನಿಮಿಷ, 6.96 ಸೆಕೆಂಡುಗಳಲ್ಲಿ ಗುರಿ ತಲುಪಿ, ಬೆಳ್ಳಿ ಪದಕ ಗೆದ್ದರು. ಪುರುಷರ ವಿಭಾಗದ 800 ಮೀ. ಸ್ಪರ್ಧೆಯಲ್ಲಿ ಕೃಷ್ಣ ಕುಮಾರ್ 1 ನಿಮಿಷ, 48.46 ಸೆಕೆಂಡುಗಳಲ್ಲಿ ಗುರಿ ತಲುಪಿ, ಕೂಟ ದಾಖಲೆಯೊಂದಿಗೆ ಚಿನ್ನದ ಪದಕ ತಮ್ಮದಾಗಿಸಿಕೊಂಡರು.</p>.<p>ಪುರುಷರ ವಿಭಾಗದ 400 ಮೀ. ಸ್ಪರ್ಧೆಯಲ್ಲಿ ಯಶಸ್ ಫಾಲಾಕ್ಷ ಅವರು ವೈಯಕ್ತಿಕ ಶ್ರೇಷ್ಠ ಸಾಧನೆಯೊಂದಿಗೆ (49.22 ಸೆ.) ಬೆಳ್ಳಿ ಪದಕ ಪಡೆದುಕೊಂಡರು. ಆತಿಥೇಯ ತೈಪೆಯ ಶುಂಗ್ ವೈ–ಲಿನ್ ಅವರು 49 ಸೆಕೆಂಡುಗಳಲ್ಲಿ ಗುರಿ ತಲುಪಿ, ಚಿನ್ನ ಗಳಿಸಿದರು.</p>.<p>ಮಹಿಳೆಯರ ವಿಭಾಗದ ಉದ್ದ ಜಿಗಿತ ಸ್ಪರ್ಧೆಯಲ್ಲಿ ಭಾರತದ ಶೈಲಿ ಸಿಂಗ್ (6.41 ಮೀ.) ಆ್ಯನ್ಸಿ ಸೋಜನ್ (6.39 ಮೀ.) ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಳ್ಳಬೇಕಾಯಿತು. ಆಸ್ಟ್ರೇಲಿಯಾದ ಡೆಲ್ಟಾ ಅಮಿಝೊವ್ಸ್ಕಿ ಅವರು 6.49 ಮೀ. ಜಿಗಿದು ಚಿನ್ನದ ಪದಕ ತಮ್ಮದಾಗಿಸಿಕೊಂಡರು.</p>.<p><strong>ಜಾವೆಲಿನ್ನಲ್ಲಿ ಭಾರತ ಪಾರಮ್ಯ</strong>: ಪುರುಷರ ವಿಭಾಗದ ಜಾವೆಲಿನ್ ಎಸೆತದಲ್ಲಿ ಭಾರತದ ರೋಹಿತ್ ಯಾದವ್ 74.42 ಮೀ. ದೂರ ಎಸೆದು ಚಿನ್ನದ ಪದಕವನ್ನು ತಮ್ಮದಾಗಿಸಿಕೊಂಡರು. ತೈಪೆಯ ಯುವಾಂಗ್ ಶಿಹ್–ಫೆಂಗ್ (74.04 ಮೀ.) ಹಾಗೂ ಶೆಂಗ್ ಶಾಯೊ–ಸುನ್ (73.95 ಮೀ.) ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕಕ್ಕೆ ತೃಪ್ತಿಪಟ್ಟರು.</p>.<p>ಮಹಿಳೆಯರ ವಿಭಾಗದ ಸ್ಪರ್ಧೆಯಲ್ಲಿ ಅನ್ನು ರಾಣಿ ಅವರು (56.82 ಮೀ.) ಚಿನ್ನದ ಪದಕ ಪಡೆದುಕೊಂಡರು. ಶ್ರೀಲಂಕಾದ ಹತರಬಗೆ ಲೆಕಮಾಲಾಗೆ (56.62 ಮೀ.) ಬೆಳ್ಳಿ ಹಾಗೂ ಆತಿಥೇಯ ತೈಪೆಯ ಪಿನ್–ಸುನ್ ಶು (53.03 ಮೀ.) ಕಂಚಿನ ಪದಕ ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತೈಪೆ ಸಿಟಿ</strong>: ಭಾರತದ ಅಥ್ಲೀಟ್ಗಳು ತೈವಾನ್ ಓಪನ್ ಇಂಟರ್ನ್ಯಾಷನಲ್ ಅಥ್ಲೆಟಿಕ್ಸ್ ಕೂಟದ ಅಂತಿಮ ದಿನವಾದ ಭಾನುವಾರ 6 ಚಿನ್ನದ ಪದಕಗಳನ್ನು ಗೆದ್ದರು. ಶನಿವಾರವೂ 6 ಚಿನ್ನ ಗೆದ್ದಿದ್ದ ಭಾರತ, ಕೂಟದಲ್ಲಿ ಪ್ರಾಬಲ್ಯ ಮೆರೆಯಿತು.</p>.<p>ಪುರುಷರ 4x400 ಮೀ. ರಿಲೆ ಸ್ಪರ್ಧೆಯಲ್ಲಿ ಭಾರತ ತಂಡವು ನೂತನ ಕೂಟ ದಾಖಲೆಯೊಂದಿಗೆ ಸ್ವರ್ಣ ಪದಕ ಜಯಿಸಿತು. ಸಂತೋಷ್ ಟಿ., ವಿಶಾಲ್ ಟಿ.ಕೆ., ಧರ್ಮವೀರ್ ಚೌಧರಿ ಹಾಗೂ ಮನು ಟಿ.ಎಸ್. ಅವರನ್ನೊಳಗೊಂಡ ತಂಡ 3 ನಿಮಿಷ, 5.58 ಸೆಕೆಂಡುಗಳಲ್ಲಿ ಗುರಿ ತಲುಪಿತು.</p>.<p>ಮೂರು ಬಾರಿ ರಾಷ್ಟ್ರೀಯ ಚಾಂಪಿಯನ್ ಆಗಿರುವ ವಿದ್ಯಾ ರಾಮರಾಜ್ ಅವರು ಮಹಿಳೆಯರ 400 ಮೀ. ಹರ್ಡಲ್ಸ್ನಲ್ಲಿ ಚಿನ್ನದ ಪದಕ ಪಡೆದುಕೊಂಡರು. ಮೂಲತಃ ತಮಿಳುನಾಡಿನವರಾದ ವಿದ್ಯಾ, ಗುರಿ ಮುಟ್ಟಲು 56.53 ಸೆಕೆಂಡುಗಳನ್ನು ತೆಗೆದುಕೊಂಡರು. ಇದು, ಈ ವರ್ಷದಲ್ಲಿ ಅವರ ಮೂರನೇ ವೈಯಕ್ತಿಕ ಶ್ರೇಷ್ಠ ಸಾಧನೆಯಾಗಿದೆ. ಇದಕ್ಕೂ ಮೊದಲು, ಫೆಡರೇಷನ್ ಕಪ್ ಫೈನಲ್ನಲ್ಲಿ 56.04 ಸೆಕೆಂಡುಗಳಲ್ಲಿ ಹಾಗೂ ಏಷ್ಯನ್ ಚಾಂಪಿಯನ್ಷಿಪ್ ಫೈನಲ್ನಲ್ಲಿ 56.46 ಸೆಕೆಂಡುಗಳಲ್ಲಿ ಅವರು ಗುರಿ ಮುಟ್ಟಿದ್ದರು.</p>.<p>ಮಹಿಳೆಯರ 800 ಮೀ. ಓಟದ ಸ್ಪರ್ಧೆಯಲ್ಲಿ ಪೂಜಾ ಅವರು ಕೂಟ ದಾಖಲೆಯೊಂದಿಗೆ (2 ನಿ., 02.79 ಸೆ.) ಸ್ವರ್ಣ ಪದಕ ಜಯಿಸಿದರು. ಭಾರತದವರೇ ಆದ ಟ್ವಿಂಕಲ್ ಚೌಧರಿ ಅವರು 2 ನಿಮಿಷ, 6.96 ಸೆಕೆಂಡುಗಳಲ್ಲಿ ಗುರಿ ತಲುಪಿ, ಬೆಳ್ಳಿ ಪದಕ ಗೆದ್ದರು. ಪುರುಷರ ವಿಭಾಗದ 800 ಮೀ. ಸ್ಪರ್ಧೆಯಲ್ಲಿ ಕೃಷ್ಣ ಕುಮಾರ್ 1 ನಿಮಿಷ, 48.46 ಸೆಕೆಂಡುಗಳಲ್ಲಿ ಗುರಿ ತಲುಪಿ, ಕೂಟ ದಾಖಲೆಯೊಂದಿಗೆ ಚಿನ್ನದ ಪದಕ ತಮ್ಮದಾಗಿಸಿಕೊಂಡರು.</p>.<p>ಪುರುಷರ ವಿಭಾಗದ 400 ಮೀ. ಸ್ಪರ್ಧೆಯಲ್ಲಿ ಯಶಸ್ ಫಾಲಾಕ್ಷ ಅವರು ವೈಯಕ್ತಿಕ ಶ್ರೇಷ್ಠ ಸಾಧನೆಯೊಂದಿಗೆ (49.22 ಸೆ.) ಬೆಳ್ಳಿ ಪದಕ ಪಡೆದುಕೊಂಡರು. ಆತಿಥೇಯ ತೈಪೆಯ ಶುಂಗ್ ವೈ–ಲಿನ್ ಅವರು 49 ಸೆಕೆಂಡುಗಳಲ್ಲಿ ಗುರಿ ತಲುಪಿ, ಚಿನ್ನ ಗಳಿಸಿದರು.</p>.<p>ಮಹಿಳೆಯರ ವಿಭಾಗದ ಉದ್ದ ಜಿಗಿತ ಸ್ಪರ್ಧೆಯಲ್ಲಿ ಭಾರತದ ಶೈಲಿ ಸಿಂಗ್ (6.41 ಮೀ.) ಆ್ಯನ್ಸಿ ಸೋಜನ್ (6.39 ಮೀ.) ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಳ್ಳಬೇಕಾಯಿತು. ಆಸ್ಟ್ರೇಲಿಯಾದ ಡೆಲ್ಟಾ ಅಮಿಝೊವ್ಸ್ಕಿ ಅವರು 6.49 ಮೀ. ಜಿಗಿದು ಚಿನ್ನದ ಪದಕ ತಮ್ಮದಾಗಿಸಿಕೊಂಡರು.</p>.<p><strong>ಜಾವೆಲಿನ್ನಲ್ಲಿ ಭಾರತ ಪಾರಮ್ಯ</strong>: ಪುರುಷರ ವಿಭಾಗದ ಜಾವೆಲಿನ್ ಎಸೆತದಲ್ಲಿ ಭಾರತದ ರೋಹಿತ್ ಯಾದವ್ 74.42 ಮೀ. ದೂರ ಎಸೆದು ಚಿನ್ನದ ಪದಕವನ್ನು ತಮ್ಮದಾಗಿಸಿಕೊಂಡರು. ತೈಪೆಯ ಯುವಾಂಗ್ ಶಿಹ್–ಫೆಂಗ್ (74.04 ಮೀ.) ಹಾಗೂ ಶೆಂಗ್ ಶಾಯೊ–ಸುನ್ (73.95 ಮೀ.) ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕಕ್ಕೆ ತೃಪ್ತಿಪಟ್ಟರು.</p>.<p>ಮಹಿಳೆಯರ ವಿಭಾಗದ ಸ್ಪರ್ಧೆಯಲ್ಲಿ ಅನ್ನು ರಾಣಿ ಅವರು (56.82 ಮೀ.) ಚಿನ್ನದ ಪದಕ ಪಡೆದುಕೊಂಡರು. ಶ್ರೀಲಂಕಾದ ಹತರಬಗೆ ಲೆಕಮಾಲಾಗೆ (56.62 ಮೀ.) ಬೆಳ್ಳಿ ಹಾಗೂ ಆತಿಥೇಯ ತೈಪೆಯ ಪಿನ್–ಸುನ್ ಶು (53.03 ಮೀ.) ಕಂಚಿನ ಪದಕ ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
