ಬೆಂಗಳೂರು: ಕರ್ನಾಟಕದ ಬಾಲಕ ಮತ್ತು ಬಾಲಕಿಯರ ತಂಡದವರು ತಮಿಳುನಾಡಿನ ತಿರುಪುರ್ನಲ್ಲಿ ನಡೆದ ರಾಷ್ಟ್ರೀಯ ಜೂನಿಯರ್ ಥ್ರೋಬಾಲ್ ಚಾಂಪಿಯನ್ಷಿಪ್ನಲ್ಲಿ ಚಿನ್ನದ ಪದಕ ಗೆದ್ದುಕೊಂಡರು.
ಭಾನುವಾರ ನಡೆದ ಬಾಲಕರ ವಿಭಾಗದ ಫೈನಲ್ನಲ್ಲಿ ಕರ್ನಾಟಕ 25–23, 25–20 ರಿಂದ ಆತಿಥೇಯ ತಮಿಳುನಾಡು ತಂಡವನ್ನು ಮಣಿಸಿತು. ಸೆಮಿಫೈನಲ್ನಲ್ಲಿ ರಾಜ್ಯದ ತಂಡ ಮಹಾರಾಷ್ಟ್ರ ವಿರುದ್ಧವೂ, ತಮಿಳುನಾಡು ತಂಡ ತೆಲಂಗಾಣ ಎದುರೂ ಗೆಲುವು ಸಾಧಿಸಿದ್ದವು.
ಬಾಲಕಿಯರ ವಿಭಾಗದ ಫೈನಲ್ನಲ್ಲಿ ಕರ್ನಾಟಕ 25–20, 25–18 ರಿಂದ ಆಂಧ್ರಪ್ರದೇಶ ತಂಡವನ್ನು ಸೋಲಿಸಿತು. ಸೆಮಿಫೈನಲ್ನಲ್ಲಿ ಇವೆರಡು ತಂಡಗಳು ಕ್ರಮವಾಗಿ ತಮಿಳುನಾಡು ಹಾಗೂ ತೆಲಂಗಾಣ ವಿರುದ್ಧ ಗೆಲುವು ಪಡೆದಿದ್ದವು.
