'ಇಂಪಾವಿಡ್' ಹ್ಯಾಟ್ರಿಕ್ ಗೆಲುವು ಪಡೆದ ನಂತರ ಕೋಲ್ಟ್ಸ್ ಚಾಂಪಿಯನ್ಶಿಪ್ ಸ್ಟೇಕ್ಸ್ನಲ್ಲಿ 'ವಾರ್ ಹ್ಯಾಮರ್'ಗೆ ನೇರ ಅಂತರದಲ್ಲಿ ಸೋತಿದೆ. 'ಫಿಲ್ಲೀಸ್ ಚಾಂಪಿಯನ್ಶಿಪ್ ಸ್ಟೇಕ್ಸ್'ನಲ್ಲಿ ನಿರಾಯಾಸ ಗೆಲುವು ಸೇರಿದಂತೆ 'ವೆಲ್ ಕನೆಕ್ಟೆಡ್' ತನ್ನ ಎರಡೂ ಓಟಗಳನ್ನೂ ಗೆದ್ದಿದ್ದು ಬುಕ್ ಮೇಕರ್ಸ್ ಲೆಕ್ಕಾಚಾರದಲ್ಲಿ ಈ ಡರ್ಬಿ ಗೆಲ್ಲುವ ನೆಚ್ಚಿನ ಕುದುರೆ ಎನಿಸಿದೆ. ಆದರೆ, ಈ ಹೆಣ್ಣು ಕುದುರೆಗೆ, ಉತ್ತಮ ಫಾರಂನಲ್ಲಿರುವ ನುರಿತ ಗಂಡು ಕುದುರೆ 'ಇಂಪಾವಿಡ್' ಸೋಲಿಸಲು ಅನುಭವದ ಕೊರತೆ ಕಾರಣವಾಗಬಹುದು. ಆದ್ದರಿಂದ, ಈ ಡರ್ಬಿ ರೇಸ್ನಲ್ಲಿ 'ಇಂಪಾವಿಡ್' ತುಸು ಹೆಚ್ಚಿನ ಸಾಧ್ಯತೆ ಹೊಂದಿದ್ದರೂ, ಇವೆರಡರ ನಡುವಿನ ಪೈಪೋಟಿ ರೇಸ್ ಪ್ರಿಯರ ಕುತೂಹಲ ಕೆರಳಿಸಿದೆ.