ಪ್ಯಾರಾ ಶೂಟಿಂಗ್ ವಿಶ್ವಕಪ್: ಭಾರತದ ಮೋನಾ–ಆದಿತ್ಯ ಜೋಡಿಗೆ ಬೆಳ್ಳಿ

ನವದೆಹಲಿ : ಭಾರತದ ಮೋನಾ ಅಗರವಾಲ್ ಮತ್ತು ಆದಿತ್ಯ ಗಿರಿ ಜೋಡಿಯು ವಿಶ್ವ ಶೂಟಿಂಗ್ ಪ್ಯಾರಾ ಸ್ಪೋರ್ಟ್ಸ್ (ಡಬ್ಲ್ಯುಎಸ್ಪಿಎಸ್) ವಿಶ್ವಕಪ್ ಸ್ಪರ್ಧೆಯಲ್ಲಿ ಭಾನುವಾರ ಮಿಶ್ರ ತಂಡ ಏರ್ ರೈಫಲ್ ಸ್ಟ್ಯಾಂಡಿಂಗ್ ಎಸ್ಎಚ್1 ವಿಭಾಗದಲ್ಲಿ ಬೆಳ್ಳಿ ಪದಕ ಪಡೆದರು.

. ಆತಿಥೇಯರು ಎರಡು ಬೆಳ್ಳಿ ಮತ್ತು ಎರಡು ಕಂಚಿನ ಪದಕಗಳನ್ನು ಗೆದ್ದಿದ್ದಾರೆ. ಟೋಕಿಯೊ ಪ್ಯಾರಾಲಿಂಪಿಕ್ ಚಿನ್ನದ ಪದಕ ವಿಜೇತ ಮನೀಶ್ ನರ್ವಾಲ್ ಮತ್ತು ಅವರ ಜೊತೆಗಾರ ರುಬಿನಾ ಫ್ರಾನ್ಸಿಸ್ ಅವರು ಮಿಶ್ರ ತಂಡ 10 ಮೀಟರ್ ಏರ್ ಪಿಸ್ತೂಲ್ (ಎಸ್ಎಚ್1) ಚಿನ್ನದ ಪದಕ ಪಂದ್ಯದಲ್ಲಿ ಚೀನಾದ ಲಿ ಮಿನ್ ಮತ್ತು ಯಾಂಗ್ ಚಾವೊ ವಿರುದ್ಧ 12–1 ಅಂತರದಲ್ಲಿ ಸೋತರು.

. ಇದೇ ಸ್ಪರ್ಧೆಯಲ್ಲಿ ಭಾರತ ಕಂಚಿನ ಪದಕ ಗೆದ್ದುಕೊಂಡಿತು. ಭಕ್ತಿ ಶರ್ಮಾ ಮತ್ತು ರುದ್ರಾಂಶ್ ಖಂಡೇಲ್ವಾಲ್ ಅವರು ಕ್ಯೂಬಾ ಜೋಡಿ ಯೆನಿಗ್ಲಾಡಿಸ್ ಸೌರೆಜ್ ಮತ್ತು ಲೋರಿಗಾ ರೋಡ್ರಿಗಸ್ ಅವರನ್ನು 16-8 ರಿಂದ ಸೋಲಿಸಿದರು.

. ಶನಿವಾರ ನಡೆದ ಮಹಿಳೆಯರ 10 ಮೀಟರ್ ಏರ್ ರೈಫಲ್ (ಎಸ್ಎಚ್ 1ಕೆಟಗೆರಿ) ಸ್ಪರ್ಧೆಯಲ್ಲಿ ಚಿನ್ನ ಗೆದ್ದು, ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ ಅರ್ಹತೆ ಪಡೆದಿದ್ದ 37 ವರ್ಷದ ಮೋನಾ, ಗಿರಿ ಅವರೊಂದಿಗೆ ಜೋಡಿಯಾಗಿದ್ದರು. ಆದರೆ ಫೈನಲ್ನಲ್ಲಿ ಚೀನಾದ ಜೋಡಿ ಝಾಂಗ್ ಯಿಕ್ಸಿನ್ ಮತ್ತು ಡಾಂಗ್ ಚಾವೊ ವಿರುದ್ಧ 16-4 ಅಂತರದಲ್ಲಿ ಸೋತು ಬೆಳ್ಳಿಗೆ ತೃಪ್ತಿಪಟ್ಟರು.

. ಇದೇ ಸ್ಪರ್ಧೆಯಲ್ಲಿ ಕಂಚಿನ ಪದಕಕ್ಕಾಗಿ ನಡೆದ ಪಂದ್ಯದಲ್ಲಿ ಭಾರತದ ಮತ್ತೊಂದು ಜೋಡಿ, ಟೋಕಿಯೊ ಪ್ಯಾರಾಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ಅವನಿ ಲೇಖಾರಾ ಮತ್ತು ಮಹಾವೀರ್ ಸ್ವರೂಪ್ ಅವರು ಉಕ್ರೇನ್ ಜೋಡಿ ಇರಿನಾ ಶೆಟ್ನಿಕ್ ಮತ್ತು ಆಂಡ್ರಿ ಡೊರೊಶೆಂಕೊ ವಿರುದ್ಧ ಅದೇ ಅಂತರದಿಂದ ಸೋತರು.

. ಅರ್ಹತಾ ಸುತ್ತಿನಲ್ಲಿ ಮೋನಾ 315.4 ಅಂಕ ಗಳಿಸಿದರೆ, ಗಿರಿ 307.5 ಅಂಕ ಗಳಿಸಿದರು. ಭಾರತದ ಇತರ ಜೋಡಿ ಅವನಿ (310.9) ಮತ್ತು ಸ್ವರೂಪ್ (308.6) ಒಟ್ಟು 619.5 ಅಂಕಗಳನ್ನು ಗಳಿಸಿ ಅರ್ಹತಾ ಸುತ್ತಿನಲ್ಲಿ ಉಕ್ರೇನ್ ನಂತರ ನಾಲ್ಕನೇ ಸ್ಥಾನ ಪಡೆದರು.

. ಮಿಶ್ರ ತಂಡ ಸ್ಪರ್ಧೆಗಳಲ್ಲಿ ಕೇವಲ ನಾಲ್ಕು ತಂಡಗಳು ಮಾತ್ರ ಪದಕ ಸುತ್ತಿಗೆ ಹೋಗುತ್ತವೆ. ಅಗ್ರ ಎರಡು ತಂಡಗಳು ಚಿನ್ನದ ಪದಕಕ್ಕೆ ಮತ್ತು ಕೊನೆಯ ಎರಡು ತಂಡಗಳು ಕಂಚಿನ ಪದಕಕ್ಕಾಗಿ ಸ್ಪರ್ಧಿಸುತ್ತವೆ.

. ಮಿಶ್ರ ತಂಡ 10 ಮೀಟರ್ ಏರ್ ರೈಫಲ್ ಸ್ಟ್ಯಾಂಡಿಂಗ್ (ಎಸ್ಎಚ್ 2 ಕೆಟಗರಿ) ಸ್ಪರ್ಧೆಯಲ್ಲಿ ಭಾರತದ ಪವಾನಿ ಬಾನೋತ್ ಮತ್ತು ಸತ್ಯ ಜನಾರ್ದನ ರಾಯನಾ ಅವರು ನ್ಯೂಜಿಲೆಂಡ್ನ ನಟಾಲಿ ಬ್ರುನ್ಜೆಲ್ ಮತ್ತು ಕಿರಣ್ಜಿತ್ ಸಿಂಗ್ ಅವರನ್ನು 17-15 ಅಂತರದಿಂದ ಸೋಲಿಸಿ ಕಂಚಿನ ಪದಕ ಗೆದ್ದರು.

. ಬ್ರೆಜಿಲ್ನ ಜೆಸ್ಸಿಕಾ ಡೈನೆ ಮೈಚಲಾಕ್ ಮತ್ತು ಬ್ರೂನೋ ಸ್ಟೋವ್ ಕೀಫರ್ ಅವರು ಅಮೆರಿಕದ ಮ್ಯಾಡಿಸನ್ ಚಾಂಪಿಯನ್ ಮತ್ತು ಬೆನ್ ಹೇಸ್ ತಂಡವನ್ನು 16-6ರಿಂದ ಸೋಲಿಸಿ ಚಿನ್ನ ಗೆದ್ದರು.

. ಮಿಶ್ರ ತಂಡ 10 ಮೀಟರ್ ಏರ್ ಪಿಸ್ತೂಲ್ (ಎಸ್ಎಚ್ 1ಕೆಟಗರಿ) ಸ್ಪರ್ಧೆಯಲ್ಲಿ ಮನೀಶ್ ನರ್ವಾಲ್ ಮತ್ತು ರುಬಿನಾ ಫ್ರಾನ್ಸಿಸ್ ಜೋಡಿ 570 ಅಂಕಗಳೊಂದಿಗೆ ಅರ್ಹತಾ ವಿಶ್ವ ದಾಖಲೆಯನ್ನು (ಕ್ಯೂಡಬ್ಲ್ಯುಆರ್) ಸರಿಗಟ್ಟುವ ಮೂಲಕ ಪ್ರಾಥಮಿಕ ಸುತ್ತಿನಲ್ಲಿ ಅಗ್ರಸ್ಥಾನ ಪಡೆದ ನಂತರ ಚಿನ್ನದ ಪದಕಕ್ಕೆ ನೆಚ್ಚಿನ ಜೋಡಿಯಾಗಿತ್ತು. ನರ್ವಾಲ್ 284 ಅಂಕ ಗಳಿಸಿದರೆ, ರುಬಿನಾ 286 ಅಂಕ ಗಳಿಸಿದರು.

. ಚೀನಾದ ಲಿ ಮಿನ್ ಮತ್ತು ಯಾಂಗ್ ಚಾವೊ ಒಟ್ಟು 562 ಅಂಕಗಳೊಂದಿಗೆ ಎರಡನೇ ಸ್ಥಾನ ಪಡೆದರು. ಆದರೆ, ಫೈನಲ್ನಲ್ಲಿ ಭಾರತಕ್ಕಿಂತ ಉತ್ತಮ ಆಟವಾಡಿ ಚಿನ್ನವನ್ನು ತಮ್ಮದಾಗಿಸಿಕೊಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ಯಾರಾ ಶೂಟಿಂಗ್ ವಿಶ್ವಕಪ್: ಭಾರತದ ಮೋನಾ–ಆದಿತ್ಯ ಜೋಡಿಗೆ ಬೆಳ್ಳಿ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ