<p><strong>ಚಾಂಗ್ಝೌ</strong>: ಭಾರತದ ಅನುಭವಿ ಆಟಗಾರ ಎಚ್.ಎಸ್.ಪ್ರಣಯ್ ಅವರು ಚೀನಾ ಓಪನ್ ಸೂಪರ್ 1000 ಬ್ಯಾಡ್ಮಿಂಟನ್ ಟೂರ್ನಿಯ ಮೊದಲ ಸುತ್ತಿನಲ್ಲಿ ಜಪಾನ್ನ ಕೋಕಿ ವತಾನಬೆ ವಿರುದ್ಧ ಸೋಲಿನ ಅಂಚಿನಿಂದ ಪಾರಾಗಿ ಎರಡನೇ ಸುತ್ತಿಗೆ ಮುನ್ನಡೆದರು. ಆದರೆ ಲಕ್ಷ್ಯ ಸೇನ್ ಮೊದಲ ಸುತ್ತಿನಲ್ಲೇ ಹೊರಬಿದ್ದರು.</p>.<p>ಮಂಗಳವಾರ ಆರಂಭವಾದ ಈ ಟೂರ್ನಿಯ ಮೊದಲ ಪಂದ್ಯದಲ್ಲಿ, 35ನೇ ಕ್ರಮಾಂಕದ ಆಟಗಾರ ಪ್ರಣಯ್ 8–21, 21–16, 23–21ರಿಂದ 18ನೇ ಕ್ರಮಾಂಕದ ವತಾನಬೆ ಅವರನ್ನು ಮಣಿಸಿದರು.</p>.<p>2023ರಲ್ಲಿ ವಿಶ್ವ ಚಾಂಪಿಯನ್ಷಿಪ್ ಕಂಚಿನ ಪದಕ ಗೆದ್ದಿದ್ದ ಪ್ರಣಯ್, ಜಪಾನ್ ಆಟಗಾರನಿಗೆ ಹೆಚ್ಚು ಹೋರಾಟ ತೋರಲಿಲ್ಲ. ಆದರೆ ಎರಡನೇ ಗೇಮ್ನಲ್ಲಿ ಉತ್ತಮ ‘ಕೋರ್ಟ್ ಕವರೇಜ್’ ಮತ್ತು ಹೊಡೆತಗಳ ಮೇಲೆ ನಿಯಂತ್ರಣ ಸಾಧಿಸಿ ಮೇಲುಗೈ ಪಡೆದರು. ಹೀಗಾಗಿ ಪಂದ್ಯ ನಿರ್ಣಾಯಕ ಗೇಮ್ಗೆ ಹೋಯಿತು.</p>.<p>ಅಂತಿಮ ಗೇಮ್ನಲ್ಲಿ ಪ್ರಣಯ್ 2–11ರಿಂದ ಹಿಂದೆಬಿದ್ದಿದ್ದರು. ನಂತರ ಚೇತರಿಸಿ ಸತತ ನಾಲ್ಕು ಪಾಯಿಂಟ್ ಪಡೆದರು. ನಂತರ ಮತ್ತೊಮ್ಮೆ 15–20ರಲ್ಲಿ ಹಿಂದೆಬಿದ್ದು ಸೋಲಿನ ಸುಳಿಯಲ್ಲಿದ್ದರು. ಐದು ಬಾರಿ ಮ್ಯಾಚ್ ಪಾಯಿಂಟ್ ರಕ್ಷಿಸಿದರು. ನಂತರ 21–20ರಲ್ಲಿ ಮುನ್ನಡೆ ಪಡೆದು ಕೊನೆಗೂ ಸ್ಮರಣೀಯ ಗೆಲುವು ಸಾಧಿಸಿದರು.</p>.<p>‘ನನ್ನ ವೃತ್ತಿಜೀವನದ ಈ ಹಂತದಲ್ಲಿ ಪ್ರತಿ ಗೆಲುವು ಗಣನೆಗೆ ಬರುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ಆಟದ ಮಟ್ಟ ಬಹಳಷ್ಟು ಉತ್ತಮವಾಗುಯತ್ತಿದೆ. ಪ್ರತಿ ಸುತ್ತಿನ ಪಂದ್ಯ ಗೆಲ್ಲುವುದು ಕಠಿಣವಾಗುತ್ತಿದೆ’ ಎಂದು 33 ವರ್ಷ ವಯಸ್ಸಿನ ಪ್ರಣಯ್ ಪ್ರತಿಕ್ರಿಯಿಸಿದರು.</p>.<p>‘ಇದ್ದಕ್ಕಿದ್ದಂತೆ ಪುರುಷರ ಸಿಂಗಲ್ಸ್ನಲ್ಲಿ ಸರಾಸರಿ ವಯಸ್ಸು 22–23ಕ್ಕೆ ಇಳಿದಿದೆ. ಹೊಸಮುಖಗಳು ಸಾಕಷ್ಟು ಸಂಖ್ಯೆಯಲ್ಲಿದ್ದು, ಅವರ ಆಟ ಹೇಗಿರುತ್ತದೆಂದು ಹೇಳಲಸಾಧ್ಯ. ಹೀಗಾಗಿ ಅನುಭವಿಯಾದರೂ ಆಡುವುದು ಸುಲಭವಲ್ಲ’ ಎಂದರು.</p>.<p>ಲಕ್ಷ್ಯಗೆ ಸೋಲು: ಆದರೆ ಲಕ್ಷ್ಯ ಸೇನ್ ಅವರ ನಿರಾಶಾದಾಯಕ ಓಟ ಮುಂದುವರಿಯಿತು. ಅವರು 21–14, 22–24, 11–21 ರಲ್ಲಿ ಐದನೇ ಶ್ರೇಯಾಂಕದ ಚೀನಾ ಆಟಗಾರ ಲಿ ಶಿ ಫೆಂಗ್ ಅವರಿಗೆ ಮಣಿದರು.</p>.<p>ಮಹಿಳಾ ಸಿಂಗಲ್ಸ್ನಲ್ಲಿ ಅನುಪಮಾ ಉಪಾಧ್ಯಾಯ ಕೂಡ ಮೊದಲ ಸುತ್ತಿನಲ್ಲೇ ನಿರ್ಗಮಿಸಿದರು. 23–21, 11–21, 10–21ರಲ್ಲಿ ಚೀನಾ ತೈಪೆಯ ಲಿನ್ ಹ್ಸಿಯಾಂಗ್ ಟಿ ಎದುರು ಸೋಲನುಭವಿಸಿದರು.</p>.<p>ಮಿಶ್ರ ಡಬಲ್ಸ್ ಜೋಡಿಯಾದ ಅಶಿತ್ ಸೂರ್ಯ– ಎ.ಪ್ರಮುತೇಶ್ ಕೂಡ ಮೊದಲ ಸುತ್ತನ್ನು ದಾಟಲಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಾಂಗ್ಝೌ</strong>: ಭಾರತದ ಅನುಭವಿ ಆಟಗಾರ ಎಚ್.ಎಸ್.ಪ್ರಣಯ್ ಅವರು ಚೀನಾ ಓಪನ್ ಸೂಪರ್ 1000 ಬ್ಯಾಡ್ಮಿಂಟನ್ ಟೂರ್ನಿಯ ಮೊದಲ ಸುತ್ತಿನಲ್ಲಿ ಜಪಾನ್ನ ಕೋಕಿ ವತಾನಬೆ ವಿರುದ್ಧ ಸೋಲಿನ ಅಂಚಿನಿಂದ ಪಾರಾಗಿ ಎರಡನೇ ಸುತ್ತಿಗೆ ಮುನ್ನಡೆದರು. ಆದರೆ ಲಕ್ಷ್ಯ ಸೇನ್ ಮೊದಲ ಸುತ್ತಿನಲ್ಲೇ ಹೊರಬಿದ್ದರು.</p>.<p>ಮಂಗಳವಾರ ಆರಂಭವಾದ ಈ ಟೂರ್ನಿಯ ಮೊದಲ ಪಂದ್ಯದಲ್ಲಿ, 35ನೇ ಕ್ರಮಾಂಕದ ಆಟಗಾರ ಪ್ರಣಯ್ 8–21, 21–16, 23–21ರಿಂದ 18ನೇ ಕ್ರಮಾಂಕದ ವತಾನಬೆ ಅವರನ್ನು ಮಣಿಸಿದರು.</p>.<p>2023ರಲ್ಲಿ ವಿಶ್ವ ಚಾಂಪಿಯನ್ಷಿಪ್ ಕಂಚಿನ ಪದಕ ಗೆದ್ದಿದ್ದ ಪ್ರಣಯ್, ಜಪಾನ್ ಆಟಗಾರನಿಗೆ ಹೆಚ್ಚು ಹೋರಾಟ ತೋರಲಿಲ್ಲ. ಆದರೆ ಎರಡನೇ ಗೇಮ್ನಲ್ಲಿ ಉತ್ತಮ ‘ಕೋರ್ಟ್ ಕವರೇಜ್’ ಮತ್ತು ಹೊಡೆತಗಳ ಮೇಲೆ ನಿಯಂತ್ರಣ ಸಾಧಿಸಿ ಮೇಲುಗೈ ಪಡೆದರು. ಹೀಗಾಗಿ ಪಂದ್ಯ ನಿರ್ಣಾಯಕ ಗೇಮ್ಗೆ ಹೋಯಿತು.</p>.<p>ಅಂತಿಮ ಗೇಮ್ನಲ್ಲಿ ಪ್ರಣಯ್ 2–11ರಿಂದ ಹಿಂದೆಬಿದ್ದಿದ್ದರು. ನಂತರ ಚೇತರಿಸಿ ಸತತ ನಾಲ್ಕು ಪಾಯಿಂಟ್ ಪಡೆದರು. ನಂತರ ಮತ್ತೊಮ್ಮೆ 15–20ರಲ್ಲಿ ಹಿಂದೆಬಿದ್ದು ಸೋಲಿನ ಸುಳಿಯಲ್ಲಿದ್ದರು. ಐದು ಬಾರಿ ಮ್ಯಾಚ್ ಪಾಯಿಂಟ್ ರಕ್ಷಿಸಿದರು. ನಂತರ 21–20ರಲ್ಲಿ ಮುನ್ನಡೆ ಪಡೆದು ಕೊನೆಗೂ ಸ್ಮರಣೀಯ ಗೆಲುವು ಸಾಧಿಸಿದರು.</p>.<p>‘ನನ್ನ ವೃತ್ತಿಜೀವನದ ಈ ಹಂತದಲ್ಲಿ ಪ್ರತಿ ಗೆಲುವು ಗಣನೆಗೆ ಬರುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ಆಟದ ಮಟ್ಟ ಬಹಳಷ್ಟು ಉತ್ತಮವಾಗುಯತ್ತಿದೆ. ಪ್ರತಿ ಸುತ್ತಿನ ಪಂದ್ಯ ಗೆಲ್ಲುವುದು ಕಠಿಣವಾಗುತ್ತಿದೆ’ ಎಂದು 33 ವರ್ಷ ವಯಸ್ಸಿನ ಪ್ರಣಯ್ ಪ್ರತಿಕ್ರಿಯಿಸಿದರು.</p>.<p>‘ಇದ್ದಕ್ಕಿದ್ದಂತೆ ಪುರುಷರ ಸಿಂಗಲ್ಸ್ನಲ್ಲಿ ಸರಾಸರಿ ವಯಸ್ಸು 22–23ಕ್ಕೆ ಇಳಿದಿದೆ. ಹೊಸಮುಖಗಳು ಸಾಕಷ್ಟು ಸಂಖ್ಯೆಯಲ್ಲಿದ್ದು, ಅವರ ಆಟ ಹೇಗಿರುತ್ತದೆಂದು ಹೇಳಲಸಾಧ್ಯ. ಹೀಗಾಗಿ ಅನುಭವಿಯಾದರೂ ಆಡುವುದು ಸುಲಭವಲ್ಲ’ ಎಂದರು.</p>.<p>ಲಕ್ಷ್ಯಗೆ ಸೋಲು: ಆದರೆ ಲಕ್ಷ್ಯ ಸೇನ್ ಅವರ ನಿರಾಶಾದಾಯಕ ಓಟ ಮುಂದುವರಿಯಿತು. ಅವರು 21–14, 22–24, 11–21 ರಲ್ಲಿ ಐದನೇ ಶ್ರೇಯಾಂಕದ ಚೀನಾ ಆಟಗಾರ ಲಿ ಶಿ ಫೆಂಗ್ ಅವರಿಗೆ ಮಣಿದರು.</p>.<p>ಮಹಿಳಾ ಸಿಂಗಲ್ಸ್ನಲ್ಲಿ ಅನುಪಮಾ ಉಪಾಧ್ಯಾಯ ಕೂಡ ಮೊದಲ ಸುತ್ತಿನಲ್ಲೇ ನಿರ್ಗಮಿಸಿದರು. 23–21, 11–21, 10–21ರಲ್ಲಿ ಚೀನಾ ತೈಪೆಯ ಲಿನ್ ಹ್ಸಿಯಾಂಗ್ ಟಿ ಎದುರು ಸೋಲನುಭವಿಸಿದರು.</p>.<p>ಮಿಶ್ರ ಡಬಲ್ಸ್ ಜೋಡಿಯಾದ ಅಶಿತ್ ಸೂರ್ಯ– ಎ.ಪ್ರಮುತೇಶ್ ಕೂಡ ಮೊದಲ ಸುತ್ತನ್ನು ದಾಟಲಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
