ಟೂರ್ನಿಯಲ್ಲಿ ಏಳನೇ ಶ್ರೇಯಾಂಕ ಹೊಂದಿರುವ ಎರಡು ಬಾರಿಯ ಒಲಿಂಪಿಕ್ ಪದಕ ವಿಜೇತೆ ಸಿಂಧು, ವಿಶ್ವ ರ‍್ಯಾಂಕ್‌ 32ನೇ ಆಟಗಾರ್ತಿ ಜಾಂಗ್ ಯಿ ವಿರುದ್ಧ ಕೇವಲ 28 ನಿಮಿಷಗಳಲ್ಲಿ ಪಂದ್ಯ ವಶಪಡಿಸಿಕೊಂಡರು.
ಎಂಟರ ಘಟ್ಟದಲ್ಲಿ ಸಿಂಧು ಅವರಿಗೆ ಕಠಿಣ ಸವಾಲು ಎದುರಾಗಲಿದ್ದು, ವಿಶ್ವ ನಂ. 2 ರ‍್ಯಾಂಕ್‌‌ನ ಚೈನೀಸ್ ತೈಪೆಯ ತಾಯ್ ತ್ಸು ಯಿಂಗ್ ಸವಾಲನ್ನು ಎದುರಿಸಲಿದ್ದಾರೆ.
ಕಳೆದ ವಾರ ನಡೆದ ಮಲೇಷ್ಯಾ ಓಪನ್ ಟೂರ್ನಿಯಲ್ಲಿ ತಾಯ್ ವಿರುದ್ಧವೇ ಸಿಂಧು ಸೋಲು ಅನುಭವಿಸಿದ್ದರು. ಈಗ ಸೇಡು ತೀರಿಸಿಕೊಳ್ಳುವ ತವಕದಲ್ಲಿದ್ದಾರೆ.
ಏತನ್ಮಧ್ಯೆ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಬಿ. ಸಾಯಿ ಪ್ರಣೀತ್ ಹೋರಾಟ ಅಂತ್ಯಗೊಂಡಿದೆ. ಚೀನಾದ ಲೀ ಶೆ ಫೆಂಗ್ ವಿರುದ್ಧ 14-21, 17-21ರ ಅಂತರದಲ್ಲಿ ಪರಾಭವಗೊಂಡರು.
