ಕಿರಿಯರ ಹಾಕಿ ತಂಡಕ್ಕೆ ಶ್ರಿಜೇಶ್‌ ಕೋಚ್‌

36 ವರ್ಷದ ಶ್ರೀಜೇಶ್ ಅವರು ಗುರುವಾರ ನಡೆದ ಕಂಚಿನ ಪದಕ ಪಂದ್ಯದಲ್ಲಿ ಸ್ಪೇನ್ ವಿರುದ್ಧ ಭಾರತ ಜಯ ಗಳಿಸಿದ ನಂತರ ತಮ್ಮ ಹಾಕಿ ವೃತ್ತಿಜೀವನಕ್ಕೆ ತೆರೆ ಎಳೆದರು.

‘ನಾವು ಕೆಲವೇ ದಿನಗಳಲ್ಲಿ ಶ್ರೀಜೇಶ್ ಅವರನ್ನು ಪುರುಷರ ಜೂನಿಯರ್ ತಂಡದ ಕೋಚ್ (21 ವರ್ಷದೊಳಗಿನವರು) ಆಗಿ ನೇಮಕ ಮಾಡುತ್ತೇವೆ. ಈ ಕುರಿತು ಅವರೊಂದಿಗೆ ಚರ್ಚಿಸಿದ್ದೇವೆ. ಯುವಕರಿಗೆ ಮಾರ್ಗದರ್ಶನ ನೀಡಲು ಅವರಿಗಿಂತ ಉತ್ತಮ ವ್ಯಕ್ತಿ ಸಿಗಲ್ಲ’ ಎಂದು ಹಾಕಿ ಇಂಡಿಯಾ ಅಧ್ಯಕ್ಷ ದಿಲೀಪ್ ಟಿರ್ಕಿ ಪ್ಯಾರಿಸ್‌ನಲ್ಲಿ ಪಿಟಿಐಗೆ ತಿಳಿಸಿದ್ದಾರೆ.