ಸವಾಯಿ ಮಾನ್‌ಸಿಂಗ್‌ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಲೀಗ್‌ನ (ಇದುವರೆಗೆ ಪಿಕೆೆಎಲ್‌ನ 999ನೇ) ಪಂದ್ಯದಲ್ಲಿ ಡೆಲ್ಲಿ ತಂಡ ವಿರಾಮದ ವೇಳೆಗೆ 20–14 ಪಾಯಿಂಟ್‌ಗಳಿಂದ ಮುಂದಿತ್ತು. ಡೆಲ್ಲಿ ಪರ ರೈಡರ್‌ ಆಶು ಮಲಿಕ್ 14 ಪಾಯಿಂಟ್ಸ್ ಗಳಿಸಿ ಮಿಂಚಿದರು. ಪಟ್ನಾ ಪರ ಮಂಜಿತ್ ಮತ್ತು ಸಚಿನ್ ‘ಸೂಪರ್‌ ಟೆನ್’ (ತಲಾ ಹತ್ತು ಪಾಯಿಂಟ್ಸ್) ಗಳಿಸಿದರು. ಐದು ನಿಮಿಷ ಉಳಿದಿದ್ದಾಗ ಡೆಲ್ಲಿ 37–29 ಪಾಯಿಂಟ್‌ಗಳಿಂದ ಮುಂದಿತ್ತು. ಆದರೆ ನಂತರ ಒಂದು ಬಾರಿ ಆಲೌಟ್‌ ಆಯಿತು. ಡೆಲ್ಲಿ ತಂಡ 12 ಪಂದ್ಯಗಳಿಂದ 43 ಪಾಯಿಂಟ್ಸ್ ಗಳಿಸಿ ಮೂರನೇ ಸ್ಥಾನದಲ್ಲಿ ಮುಂದುವರಿಯಿತು. ಡೆಲ್ಲಿಗೆ ಇದು ಎರಡನೇ ಟೈ. ಪಟ್ನಾ ತಂಡ ಎಂಟನೇ ಸ್ಥಾನದಲ್ಲಿದೆ.
