<p><strong>ಮ್ಯೂನಿಕ್</strong>: ಭಾರತದ ಶೂಟಿಂಗ್ ಕ್ರೀಡೆಯ ನವತಾರೆ ಸುರುಚಿ ಸಿಂಗ್ ಅವರು ಐಎಸ್ಎಸ್ಎಫ್ ವಿಶ್ವಕಪ್ ಶೂಟಿಂಗ್ನಲ್ಲಿ ಚಿನ್ನದ ಪದಕ ಜಯಿಸಿದರು. </p>.<p>ಶುಕ್ರವಾರ ಇಲ್ಲಿ ನಡೆದ ಮಹಿಳೆಯರ ವಿಭಾಗದ 10 ಮೀಟರ್ಸ್ ಪಿಸ್ತೂಲ್ ಫೈನಲ್ನಲ್ಲಿ ಅವರು ಚಿನ್ನಕ್ಕೆ ಗುರಿಯಿಟ್ಟರು. </p>.<p>19 ವರ್ಷದ ಸುರುಚಿ ಅವರು ಸ್ಪರ್ಧಿಸುತ್ತಿರುವ ಮೂರನೇ ವಿಶ್ವಕಪ್ ಇದಾಗಿದೆ. ವೈಯಕ್ತಿಕ ವಿಭಾಗದಲ್ಲಿ ಹ್ಯಾಟ್ರಿಕ್ ಚಿನ್ನದ ಪದಕ ಸಾಧನೆಯನ್ನೂ ಅವರು ಮಾಡಿದರು. ಹೋದ ಏಪ್ರಿಲ್ನಲ್ಲಿ ಬ್ಯೂನಸ್ ಏರಿಸ್ ಮತ್ತು ಲೀಮಾನಲ್ಲಿ ನಡೆದಿದ್ದ ಸ್ಪರ್ಧೆಗಳಲ್ಲಿಯೂ ಅವರು ಬಂಗಾರ ಬೇಟೆಯಾಡಿದ್ದರು. </p>.<p>ಇಲ್ಲಿ ನಡೆದ ಫೈನಲ್ನಲ್ಲಿ ಅವರು 241.9 ಅಂಕಗಳನ್ನು ಗಳಿಸಿದರು. ಈ ಹಾದಿಯಲ್ಲಿ ಸುರುಚಿ ಅವರು ಫ್ರಾನ್ಸ್ನ ಕ್ಯಾಮಿಲಿ ಜೆದ್ರಾಜೆಜೆವಾಸ್ಕಿ (241.7) ಮತ್ತು ಚೀನಾದ ಕಿಂಶನ್ ಯಾವೊ (221.7) ಅವರನ್ನು ಹಿಂದಿಕ್ಕಿದರು. ಕ್ಯಾಮಿಲಿ ಬೆಳ್ಳಿ ಮತ್ತು ಯಾವೊ ಕಂಚು ಗೆದ್ದರು. </p>.<p>ಫ್ರಾನ್ಸ್ ಸ್ಪರ್ಧಿಯಿಂದ ನಿಕಟ ಪೈಪೋಟಿ ಎದುರಿಸಿದ ಸುರುಚಿ ಅವರು ತಮ್ಮ ಕೊನೆಯ ಅವಕಾಶದಲ್ಲಿ ಗುರಿ ಕಟ್ಟಿದಾಗ 9.5 ಅಂಕಗಳನ್ನು ಬುಟ್ಟಿಗೆ ಹಾಕಿಕೊಂಡರು. </p>.<p>ಅರ್ಹತಾ ಘಟ್ಟದಲ್ಲಿ ಸುರುಚಿ ಅವರು 588 ಅಂಕಗಳೊಂದಿಗೆ ಎರಡನೇ ಸ್ಥಾನ ಪಡೆದರು. ಈ ಹಂತದಲ್ಲಿ ಭಾರತದ ಡಬಲ್ ಒಲಿಂಪಿಕ್ ಪದಕವಿಜೇತ ಶೂಟರ್ ಮನು ಭಾಕರ್ ಅವರು 574 ಅಂಕಗಳೊಂದಿಗೆ 25ನೇ ಸ್ಥಾನ ಪಡೆದರು. </p>.<p>ಫೈನಲ್ನಲ್ಲಿ ಕಾಮೆಂಟ್ರಿ ಮಾಡಿದ ಭಾಕರ್ ಅವರು ಯುವ ಶೂಟಿಂಗ್ ಪಟು ಸುರುಚಿಯವರ ಚಿನ್ನದ ಸಾಧನೆಯನ್ನು ಶ್ಲಾಘಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮ್ಯೂನಿಕ್</strong>: ಭಾರತದ ಶೂಟಿಂಗ್ ಕ್ರೀಡೆಯ ನವತಾರೆ ಸುರುಚಿ ಸಿಂಗ್ ಅವರು ಐಎಸ್ಎಸ್ಎಫ್ ವಿಶ್ವಕಪ್ ಶೂಟಿಂಗ್ನಲ್ಲಿ ಚಿನ್ನದ ಪದಕ ಜಯಿಸಿದರು. </p>.<p>ಶುಕ್ರವಾರ ಇಲ್ಲಿ ನಡೆದ ಮಹಿಳೆಯರ ವಿಭಾಗದ 10 ಮೀಟರ್ಸ್ ಪಿಸ್ತೂಲ್ ಫೈನಲ್ನಲ್ಲಿ ಅವರು ಚಿನ್ನಕ್ಕೆ ಗುರಿಯಿಟ್ಟರು. </p>.<p>19 ವರ್ಷದ ಸುರುಚಿ ಅವರು ಸ್ಪರ್ಧಿಸುತ್ತಿರುವ ಮೂರನೇ ವಿಶ್ವಕಪ್ ಇದಾಗಿದೆ. ವೈಯಕ್ತಿಕ ವಿಭಾಗದಲ್ಲಿ ಹ್ಯಾಟ್ರಿಕ್ ಚಿನ್ನದ ಪದಕ ಸಾಧನೆಯನ್ನೂ ಅವರು ಮಾಡಿದರು. ಹೋದ ಏಪ್ರಿಲ್ನಲ್ಲಿ ಬ್ಯೂನಸ್ ಏರಿಸ್ ಮತ್ತು ಲೀಮಾನಲ್ಲಿ ನಡೆದಿದ್ದ ಸ್ಪರ್ಧೆಗಳಲ್ಲಿಯೂ ಅವರು ಬಂಗಾರ ಬೇಟೆಯಾಡಿದ್ದರು. </p>.<p>ಇಲ್ಲಿ ನಡೆದ ಫೈನಲ್ನಲ್ಲಿ ಅವರು 241.9 ಅಂಕಗಳನ್ನು ಗಳಿಸಿದರು. ಈ ಹಾದಿಯಲ್ಲಿ ಸುರುಚಿ ಅವರು ಫ್ರಾನ್ಸ್ನ ಕ್ಯಾಮಿಲಿ ಜೆದ್ರಾಜೆಜೆವಾಸ್ಕಿ (241.7) ಮತ್ತು ಚೀನಾದ ಕಿಂಶನ್ ಯಾವೊ (221.7) ಅವರನ್ನು ಹಿಂದಿಕ್ಕಿದರು. ಕ್ಯಾಮಿಲಿ ಬೆಳ್ಳಿ ಮತ್ತು ಯಾವೊ ಕಂಚು ಗೆದ್ದರು. </p>.<p>ಫ್ರಾನ್ಸ್ ಸ್ಪರ್ಧಿಯಿಂದ ನಿಕಟ ಪೈಪೋಟಿ ಎದುರಿಸಿದ ಸುರುಚಿ ಅವರು ತಮ್ಮ ಕೊನೆಯ ಅವಕಾಶದಲ್ಲಿ ಗುರಿ ಕಟ್ಟಿದಾಗ 9.5 ಅಂಕಗಳನ್ನು ಬುಟ್ಟಿಗೆ ಹಾಕಿಕೊಂಡರು. </p>.<p>ಅರ್ಹತಾ ಘಟ್ಟದಲ್ಲಿ ಸುರುಚಿ ಅವರು 588 ಅಂಕಗಳೊಂದಿಗೆ ಎರಡನೇ ಸ್ಥಾನ ಪಡೆದರು. ಈ ಹಂತದಲ್ಲಿ ಭಾರತದ ಡಬಲ್ ಒಲಿಂಪಿಕ್ ಪದಕವಿಜೇತ ಶೂಟರ್ ಮನು ಭಾಕರ್ ಅವರು 574 ಅಂಕಗಳೊಂದಿಗೆ 25ನೇ ಸ್ಥಾನ ಪಡೆದರು. </p>.<p>ಫೈನಲ್ನಲ್ಲಿ ಕಾಮೆಂಟ್ರಿ ಮಾಡಿದ ಭಾಕರ್ ಅವರು ಯುವ ಶೂಟಿಂಗ್ ಪಟು ಸುರುಚಿಯವರ ಚಿನ್ನದ ಸಾಧನೆಯನ್ನು ಶ್ಲಾಘಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
