<p><strong>ಬೆಂಗಳೂರು:</strong> ಉದ್ಯಾನನಗರಿಯಲ್ಲಿ ಭಾನುವಾರ ಮುಂಜಾವು ಸುರಿದ ತುಂತುರು ಮಳೆಯು ಅಥ್ಲೀಟ್ಗಳ ಉತ್ಸಾಹಕ್ಕೆ ತಣ್ಣೀರೆರೆಚಲಿಲ್ಲ. ವಿಶ್ವದ ಹಲವೆಡೆಯಿಂದ ಬಂದು ಸೇರಿದ್ದ ಸಾವಿರಾರು ಸ್ಪರ್ಧಿಗಳು ಕಂಠೀರವ ಕ್ರೀಡಾಂಗಣದಲ್ಲಿ ಬೆಂಗಳೂರು ವಿಶ್ವ ಟೆನ್ ಕೆ ಓಟದ ಸಂಭ್ರಮದ ಮಳೆಯಲ್ಲಿ ಮಿಂದರು.</p>.<p>ಕೆನ್ಯಾದ ನಿಕೋಲಸ್ ಕಿಪ್ಕೊರಿರ್ ಕಿಮೇಲಿ ಮತ್ತು ಐರಿನ್ ಚೆಪ್ಟಾಯ್ ಅವರು ಟಾಟಾ ಕನ್ಸಲ್ಟನ್ಸಿ ಸರ್ವಿಸಸ್ (ಟಿಸಿಎಸ್) ಆಯೋಜಿಸಿದ್ದ ಸ್ಪರ್ಧೆಯಲ್ಲಿ ದಾಖಲೆಯೊಂದಿಗೆ ಚಿನ್ನದ ಪದಕಗಳಿಗೆ ಮುತ್ತಿಕ್ಕಿದರು.</p>.<p>ವಿಶ್ವ ಅಥ್ಲೆಟಿಕ್ಸ್ ಎಲೀಟ್ ಸ್ಪರ್ಧೆಯ ಪುರುಷರ ವಿಭಾಗದಲ್ಲಿ 10 ಕಿ.ಮೀ ದೂರವನ್ನು ನಿಕೋಲಸ್ 27 ನಿಮಿಷ 38 ಸೆಕೆಂಡುಗಳಲ್ಲಿ ತಲುಪಿದರು. ಇದರೊಂದಿಗೆ 2014ರಲ್ಲಿ ತಮ್ಮದೇ ದೇಶದ ಜಾಫ್ರಿ ಕಮ್ವೊರೊರ್ (27.44) ಸ್ಥಾಪಿಸಿದ್ದ ದಾಖಲೆಯನ್ನು ಮೀರಿದರು.</p>.<p>ಮಹಿಳೆಯರ ವಿಭಾಗದಲ್ಲಿ ಐರಿನ್ 30 ನಿಮಿಷ 35 ಸೆಕೆಂಡುಗಳ ಸಾಧನೆಯ ಮೂಲಕ 2018ರಲ್ಲಿ ಕೆನ್ಯಾದವರೇ ಆದ ಆ್ಯಗ್ನೆಸ್ ಟೈರಪ್ (31.19) ನಿರ್ಮಿಸಿದ್ದ ದಾಖಲೆಯನ್ನು ಹಿಂದಿಕ್ಕಿದರು.</p>.<p>ಟೋಕಿಯೊ ಒಲಿಂಪಿಕ್ಸ್ನ 5000 ಮೀಟರ್ ಓಟದಲ್ಲಿ ನಾಲ್ಕನೇ ಸ್ಥಾನ ಗಳಿಸಿದ್ದ ಕಿಪ್ಕೊರಿರ್, ಇಲ್ಲಿ, ಇಥಿಯೋಪಿಯಾದ ಟಡೆಸೆ ವೊರ್ಕು ಅವರನ್ನು ಹಿಂದಿಕ್ಕಿದರು. ಟೆಡೆಸೆ 20 ವರ್ಷದೊಳಗಿನವರ ವಿಶ್ವ 10 ಕಿ.ಮೀ. ಓಟದಲ್ಲಿ ಹಾಲಿ ಚಾಂಪಿಯನ್ ಆಗಿದ್ದಾರೆ. ಈ ಸ್ಪರ್ಧೆಯ ಆರಂಭದಿಂದ ಐದು ಕಿಲೋ ಮೀಟರ್ವರೆಗೆ ಮುನ್ನಡೆಯಲ್ಲಿದ್ದ ಕೆನ್ಯಾದ ರೆನಾಲ್ಡ್ ಕಿಪ್ಕೊರಿರ್ ಒಂಬತ್ತನೇ ಸ್ಥಾನ ಗಳಿಸಿದರು.</p>.<p>ಕೆನ್ಯಾದ ಕಿಬಿವೊಟ್ ಕ್ಯಾಂಡಿ ಮೂರನೇ ಸ್ಥಾನ ಗಳಿಸಿದರು. ಪದಕದ ನಿರೀಕ್ಷೆ ಹುಟ್ಟುಹಾಕಿದ್ದ ಇಥಿಯೋಪಿಯಾದ ಮುಖ್ತಾರ್ ಇದ್ರಿಸ್ ಮತ್ತು ಅಂಡಮಾಕ್ ಬೆಲಿಹು ಕ್ರಮವಾಗಿ ಏಳು ಮತ್ತು 12ನೇ ಸ್ಥಾನ ಗಳಿಸಿದರು.</p>.<p>ಮಹಿಳೆಯರ ವಿಭಾಗದಲ್ಲಿ ಆರಂಭದಲ್ಲಿ ಐರಿನ್, ಕೆನ್ಯಾದವರೇ ಆದ ಹೆಲೆನ್ ಒಬಿರಿ ಮತ್ತು ಜಾಯ್ಸ್ ಟೆಲಿ ಮುನ್ನಡೆ ಸಾಧಿಸಿದ್ದರು. ಐದು ಕಿ.ಮೀ. ಬಳಿಕ ಟೆಲಿ ಭಾರೀ ಅಂತರದಿಂದ ಹಿಂದುಳಿದರೆ, ಐರಿನ್ ಮತ್ತು ಒಬಿರಿ ಮುನ್ನಡೆ ಕಾಯ್ದುಕೊಂಡರು.</p>.<p>ಇಬ್ಬರ ಮಧ್ಯೆ ನಡೆದ ಜಿದ್ದಾಜಿದ್ದಿನ ಪೈಪೋಟಿಯಲ್ಲಿ ಅಂತಿಮವಾಗಿ ಐರಿನ್ ಚಿನ್ನ ಗೆಲ್ಲುವಲ್ಲಿ ಯಶಸ್ವಿಯಾದರು.</p>.<p>ಎಲೀಟ್ ಭಾರತೀಯರ ವಿಭಾಗದಲ್ಲಿ ಅಭಿಷೇಕ್ ಪಾಲ್ ಮತ್ತು ಪಾರುಲ್ ಚೌಧರಿ ಕ್ರಮವಾಗಿ ಪುರುಷ ಮತ್ತು ಮಹಿಳೆಯರ ವಿಭಾಗದಲ್ಲಿ ಕ್ರಮವಾಗಿ ಅಗ್ರಸ್ಥಾನ ಗಳಿಸಿದರು.</p>.<p>ಗೆಲುವಿನ ಹಾದಿಯಲ್ಲಿ ಅಭಿಷೇಕ್ (30:05) ಅವರು ಕಾರ್ತಿಕ್ ಕುಮಾರ್ ಮತ್ತು ಗುಲ್ವೀರ್ ಸಿಂಗ್ ಅವರನ್ನು ಹಿಂದಿಕ್ಕಿದರು. ಪಾರುಲ್ (34.38) ಸಂಜೀವನಿ ಜಾಧವ್ ಮತ್ತು ಕೋಮಲ್ ಜಗದಾಳೆ ಅವರ ಸವಾಲು ಮೀರಿದರು.</p>.<p><strong>ಫಲಿತಾಂಶಗಳು</strong></p>.<p>ಎಲೀಟ್ ಪುರುಷರು: ನಿಕೋಲಸ್ ಕಿಪ್ಕೊರಿರ್ ಕಿಮೇಲಿ (ಕೆನ್ಯಾ)–1, ಕಾಲ: 27 ನಿಮಿಷ 38 ಸೆಕೆಂಡುಗಳು (ಕೂಟ ದಾಖಲೆ) ಟಡೆಸೆ ವೊರ್ಕು (ಇಥಿಯೋಪಿಯಾ)–2, ಕಿಬಿವೊಟ್ ಕ್ಯಾಂಡಿ (ಕೆನ್ಯಾ)–3. (ಈ ಹಿಂದಿನ ದಾಖಲೆಯನ್ನು ಕೆನ್ಯಾದ ಜಾಫ್ರಿ ಕಮ್ವೊರೊರ್ 2014ರಲ್ಲಿ (27 ನಿ.44 ಸೆಕೆಂಡು) ಸ್ಥಾಪಿಸಿದ್ದರು)</p>.<p>ಎಲೀಟ್ ಮಹಿಳೆಯರು: ಐರಿನ್ ಚೆಪ್ಟಾಯ್ (ಕೆನ್ಯಾ)–1, ಕಾಲ: 30 ನಿಮಿಷ 35 ಸೆಕೆಂಡುಗಳು (ಕೂಟ ದಾಖಲೆ), ಹೆಲೆನ್ ಒಬಿರಿ (ಕೆನ್ಯಾ)–2, ಜಾಯ್ಸ್ ಟೆಲೆ (ಕೆನ್ಯಾ)–3. ( ಈ ಹಿಂದಿನ ದಾಖಲೆಯನ್ನು (31.19) 2018ರಲ್ಲಿ ಎಗ್ನೆಸ್ ಟೈರಪ್ ನಿರ್ಮಿಸಿದ್ದರು)</p>.<p>ಭಾರತೀಯರ ವಿಭಾಗ: ಪುರುಷರು: ಅಭಿಷೇಕ್ ಪಾಲ್–1, ಕಾಲ: 30 ನಿಮಿಷ 5 ಸೆಕೆಂಡುಗಳು, ಕಾರ್ತಿಕ್ ಕುಮಾರ್–2, ಗುಲ್ವೀರ್ ಸಿಂಗ್–3</p>.<p>ಮಹಿಳೆಯರು: ಪಾರುಲ್ ಚೌಧರಿ–1, ಕಾಲ: 34 ನಿಮಿಷ 38 ಸೆಕೆಂಡುಗಳು, ಸಂಜೀವನಿ ಜಾಧವ್–2, ಕೋಮಲ್ ಜಗದಾಳೆ–3</p>.<p>ಸಾಕ್ಷಿಯಾದ ಸಾವಿರಾರು ಜನರು: ಓಪನ್ 10ಕೆ, ಮಜಾ ರನ್ , ಹಿರಿಯ ನಾಗರಿಕರು ಮತ್ತು ಅಂಗವಿಕಲರಿಗಾಗಿ ಇದ್ದ ಸ್ಪರ್ಧೆಗಳಲ್ಲಿ 15000ಕ್ಕೂ ಹೆಚ್ಚು ಜನರು ಪಾಲ್ಗೊಂಡಿದ್ದರು. ಪರಿಸರ ಸಂರಕ್ಷಣೆ ಸೇರಿದಂತೆ ವಿವಿಧ ರೀತಿಯ ಜಾಗೃತಿ, ಅರಿವು ಮೂಡಿಸುವ ಫಲಕಗಳನ್ನು ಹಿಡಿದ ಜನರು ಸ್ಪರ್ಧೆಯ ಮಾರ್ಗದುದ್ದಕ್ಕೂ ಗಮನಸೆಳೆದರು. ವಿವಿಧ ರೀತಿಯ ಸಂಗೀತ, ನೃತ್ಯ ಮೇಳಗಳೂ ಮೇಳೈಸಿದ್ದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಉದ್ಯಾನನಗರಿಯಲ್ಲಿ ಭಾನುವಾರ ಮುಂಜಾವು ಸುರಿದ ತುಂತುರು ಮಳೆಯು ಅಥ್ಲೀಟ್ಗಳ ಉತ್ಸಾಹಕ್ಕೆ ತಣ್ಣೀರೆರೆಚಲಿಲ್ಲ. ವಿಶ್ವದ ಹಲವೆಡೆಯಿಂದ ಬಂದು ಸೇರಿದ್ದ ಸಾವಿರಾರು ಸ್ಪರ್ಧಿಗಳು ಕಂಠೀರವ ಕ್ರೀಡಾಂಗಣದಲ್ಲಿ ಬೆಂಗಳೂರು ವಿಶ್ವ ಟೆನ್ ಕೆ ಓಟದ ಸಂಭ್ರಮದ ಮಳೆಯಲ್ಲಿ ಮಿಂದರು.</p>.<p>ಕೆನ್ಯಾದ ನಿಕೋಲಸ್ ಕಿಪ್ಕೊರಿರ್ ಕಿಮೇಲಿ ಮತ್ತು ಐರಿನ್ ಚೆಪ್ಟಾಯ್ ಅವರು ಟಾಟಾ ಕನ್ಸಲ್ಟನ್ಸಿ ಸರ್ವಿಸಸ್ (ಟಿಸಿಎಸ್) ಆಯೋಜಿಸಿದ್ದ ಸ್ಪರ್ಧೆಯಲ್ಲಿ ದಾಖಲೆಯೊಂದಿಗೆ ಚಿನ್ನದ ಪದಕಗಳಿಗೆ ಮುತ್ತಿಕ್ಕಿದರು.</p>.<p>ವಿಶ್ವ ಅಥ್ಲೆಟಿಕ್ಸ್ ಎಲೀಟ್ ಸ್ಪರ್ಧೆಯ ಪುರುಷರ ವಿಭಾಗದಲ್ಲಿ 10 ಕಿ.ಮೀ ದೂರವನ್ನು ನಿಕೋಲಸ್ 27 ನಿಮಿಷ 38 ಸೆಕೆಂಡುಗಳಲ್ಲಿ ತಲುಪಿದರು. ಇದರೊಂದಿಗೆ 2014ರಲ್ಲಿ ತಮ್ಮದೇ ದೇಶದ ಜಾಫ್ರಿ ಕಮ್ವೊರೊರ್ (27.44) ಸ್ಥಾಪಿಸಿದ್ದ ದಾಖಲೆಯನ್ನು ಮೀರಿದರು.</p>.<p>ಮಹಿಳೆಯರ ವಿಭಾಗದಲ್ಲಿ ಐರಿನ್ 30 ನಿಮಿಷ 35 ಸೆಕೆಂಡುಗಳ ಸಾಧನೆಯ ಮೂಲಕ 2018ರಲ್ಲಿ ಕೆನ್ಯಾದವರೇ ಆದ ಆ್ಯಗ್ನೆಸ್ ಟೈರಪ್ (31.19) ನಿರ್ಮಿಸಿದ್ದ ದಾಖಲೆಯನ್ನು ಹಿಂದಿಕ್ಕಿದರು.</p>.<p>ಟೋಕಿಯೊ ಒಲಿಂಪಿಕ್ಸ್ನ 5000 ಮೀಟರ್ ಓಟದಲ್ಲಿ ನಾಲ್ಕನೇ ಸ್ಥಾನ ಗಳಿಸಿದ್ದ ಕಿಪ್ಕೊರಿರ್, ಇಲ್ಲಿ, ಇಥಿಯೋಪಿಯಾದ ಟಡೆಸೆ ವೊರ್ಕು ಅವರನ್ನು ಹಿಂದಿಕ್ಕಿದರು. ಟೆಡೆಸೆ 20 ವರ್ಷದೊಳಗಿನವರ ವಿಶ್ವ 10 ಕಿ.ಮೀ. ಓಟದಲ್ಲಿ ಹಾಲಿ ಚಾಂಪಿಯನ್ ಆಗಿದ್ದಾರೆ. ಈ ಸ್ಪರ್ಧೆಯ ಆರಂಭದಿಂದ ಐದು ಕಿಲೋ ಮೀಟರ್ವರೆಗೆ ಮುನ್ನಡೆಯಲ್ಲಿದ್ದ ಕೆನ್ಯಾದ ರೆನಾಲ್ಡ್ ಕಿಪ್ಕೊರಿರ್ ಒಂಬತ್ತನೇ ಸ್ಥಾನ ಗಳಿಸಿದರು.</p>.<p>ಕೆನ್ಯಾದ ಕಿಬಿವೊಟ್ ಕ್ಯಾಂಡಿ ಮೂರನೇ ಸ್ಥಾನ ಗಳಿಸಿದರು. ಪದಕದ ನಿರೀಕ್ಷೆ ಹುಟ್ಟುಹಾಕಿದ್ದ ಇಥಿಯೋಪಿಯಾದ ಮುಖ್ತಾರ್ ಇದ್ರಿಸ್ ಮತ್ತು ಅಂಡಮಾಕ್ ಬೆಲಿಹು ಕ್ರಮವಾಗಿ ಏಳು ಮತ್ತು 12ನೇ ಸ್ಥಾನ ಗಳಿಸಿದರು.</p>.<p>ಮಹಿಳೆಯರ ವಿಭಾಗದಲ್ಲಿ ಆರಂಭದಲ್ಲಿ ಐರಿನ್, ಕೆನ್ಯಾದವರೇ ಆದ ಹೆಲೆನ್ ಒಬಿರಿ ಮತ್ತು ಜಾಯ್ಸ್ ಟೆಲಿ ಮುನ್ನಡೆ ಸಾಧಿಸಿದ್ದರು. ಐದು ಕಿ.ಮೀ. ಬಳಿಕ ಟೆಲಿ ಭಾರೀ ಅಂತರದಿಂದ ಹಿಂದುಳಿದರೆ, ಐರಿನ್ ಮತ್ತು ಒಬಿರಿ ಮುನ್ನಡೆ ಕಾಯ್ದುಕೊಂಡರು.</p>.<p>ಇಬ್ಬರ ಮಧ್ಯೆ ನಡೆದ ಜಿದ್ದಾಜಿದ್ದಿನ ಪೈಪೋಟಿಯಲ್ಲಿ ಅಂತಿಮವಾಗಿ ಐರಿನ್ ಚಿನ್ನ ಗೆಲ್ಲುವಲ್ಲಿ ಯಶಸ್ವಿಯಾದರು.</p>.<p>ಎಲೀಟ್ ಭಾರತೀಯರ ವಿಭಾಗದಲ್ಲಿ ಅಭಿಷೇಕ್ ಪಾಲ್ ಮತ್ತು ಪಾರುಲ್ ಚೌಧರಿ ಕ್ರಮವಾಗಿ ಪುರುಷ ಮತ್ತು ಮಹಿಳೆಯರ ವಿಭಾಗದಲ್ಲಿ ಕ್ರಮವಾಗಿ ಅಗ್ರಸ್ಥಾನ ಗಳಿಸಿದರು.</p>.<p>ಗೆಲುವಿನ ಹಾದಿಯಲ್ಲಿ ಅಭಿಷೇಕ್ (30:05) ಅವರು ಕಾರ್ತಿಕ್ ಕುಮಾರ್ ಮತ್ತು ಗುಲ್ವೀರ್ ಸಿಂಗ್ ಅವರನ್ನು ಹಿಂದಿಕ್ಕಿದರು. ಪಾರುಲ್ (34.38) ಸಂಜೀವನಿ ಜಾಧವ್ ಮತ್ತು ಕೋಮಲ್ ಜಗದಾಳೆ ಅವರ ಸವಾಲು ಮೀರಿದರು.</p>.<p><strong>ಫಲಿತಾಂಶಗಳು</strong></p>.<p>ಎಲೀಟ್ ಪುರುಷರು: ನಿಕೋಲಸ್ ಕಿಪ್ಕೊರಿರ್ ಕಿಮೇಲಿ (ಕೆನ್ಯಾ)–1, ಕಾಲ: 27 ನಿಮಿಷ 38 ಸೆಕೆಂಡುಗಳು (ಕೂಟ ದಾಖಲೆ) ಟಡೆಸೆ ವೊರ್ಕು (ಇಥಿಯೋಪಿಯಾ)–2, ಕಿಬಿವೊಟ್ ಕ್ಯಾಂಡಿ (ಕೆನ್ಯಾ)–3. (ಈ ಹಿಂದಿನ ದಾಖಲೆಯನ್ನು ಕೆನ್ಯಾದ ಜಾಫ್ರಿ ಕಮ್ವೊರೊರ್ 2014ರಲ್ಲಿ (27 ನಿ.44 ಸೆಕೆಂಡು) ಸ್ಥಾಪಿಸಿದ್ದರು)</p>.<p>ಎಲೀಟ್ ಮಹಿಳೆಯರು: ಐರಿನ್ ಚೆಪ್ಟಾಯ್ (ಕೆನ್ಯಾ)–1, ಕಾಲ: 30 ನಿಮಿಷ 35 ಸೆಕೆಂಡುಗಳು (ಕೂಟ ದಾಖಲೆ), ಹೆಲೆನ್ ಒಬಿರಿ (ಕೆನ್ಯಾ)–2, ಜಾಯ್ಸ್ ಟೆಲೆ (ಕೆನ್ಯಾ)–3. ( ಈ ಹಿಂದಿನ ದಾಖಲೆಯನ್ನು (31.19) 2018ರಲ್ಲಿ ಎಗ್ನೆಸ್ ಟೈರಪ್ ನಿರ್ಮಿಸಿದ್ದರು)</p>.<p>ಭಾರತೀಯರ ವಿಭಾಗ: ಪುರುಷರು: ಅಭಿಷೇಕ್ ಪಾಲ್–1, ಕಾಲ: 30 ನಿಮಿಷ 5 ಸೆಕೆಂಡುಗಳು, ಕಾರ್ತಿಕ್ ಕುಮಾರ್–2, ಗುಲ್ವೀರ್ ಸಿಂಗ್–3</p>.<p>ಮಹಿಳೆಯರು: ಪಾರುಲ್ ಚೌಧರಿ–1, ಕಾಲ: 34 ನಿಮಿಷ 38 ಸೆಕೆಂಡುಗಳು, ಸಂಜೀವನಿ ಜಾಧವ್–2, ಕೋಮಲ್ ಜಗದಾಳೆ–3</p>.<p>ಸಾಕ್ಷಿಯಾದ ಸಾವಿರಾರು ಜನರು: ಓಪನ್ 10ಕೆ, ಮಜಾ ರನ್ , ಹಿರಿಯ ನಾಗರಿಕರು ಮತ್ತು ಅಂಗವಿಕಲರಿಗಾಗಿ ಇದ್ದ ಸ್ಪರ್ಧೆಗಳಲ್ಲಿ 15000ಕ್ಕೂ ಹೆಚ್ಚು ಜನರು ಪಾಲ್ಗೊಂಡಿದ್ದರು. ಪರಿಸರ ಸಂರಕ್ಷಣೆ ಸೇರಿದಂತೆ ವಿವಿಧ ರೀತಿಯ ಜಾಗೃತಿ, ಅರಿವು ಮೂಡಿಸುವ ಫಲಕಗಳನ್ನು ಹಿಡಿದ ಜನರು ಸ್ಪರ್ಧೆಯ ಮಾರ್ಗದುದ್ದಕ್ಕೂ ಗಮನಸೆಳೆದರು. ವಿವಿಧ ರೀತಿಯ ಸಂಗೀತ, ನೃತ್ಯ ಮೇಳಗಳೂ ಮೇಳೈಸಿದ್ದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
