ಟೋಕಿಯೊ: ಹಾಲಿ ಚಾಂಪಿಯನ್ ಶರೋನ್ ವ್ಯಾನ್ ರೌವೆಂಡಾಲ್ ಅವರನ್ನು ಹಿಂದಿಕ್ಕಿದಬ್ರೆಜಿಲ್ನ ಆ್ಯನಾ ಮಾರ್ಸೆಲಾ ಕುನ್ಹಾ ಮ್ಯಾರಥಾನ್ ಈಜು ಸ್ಪರ್ಧೆಯ 10 ಕಿ.ಮೀ. ವಿಭಾಗದಲ್ಲಿ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದರು.
ಒಡೈಬಾ ಮರೀನ್ ಪಾರ್ಕ್ನಲ್ಲಿ ನಡೆದ ಜಿದ್ದಾಜಿದ್ದಿನ ಪೈಪೋಟಿಯಲ್ಲಿ ಆ್ಯನಾ ಮತ್ತು ನೆದರ್ಲೆಂಡ್ಸ್ನ ಶೆರೋನ್ ಕೇವಲ ಒಂದು ಸೆಕೆಂಡಿಗೂ ಕಡಿಮೆ ಅಂತರದಲ್ಲಿ ಗುರಿ ತಲುಪಿದರು. ಆಸ್ಟ್ರೇಲಿಯಾದ ಕರೀನಾ ಲೀ ಕಂಚಿನ ಪದಕ ತಮ್ಮದಾಗಿಸಿಕೊಂಡರು.
ಆ್ಯನಾ ಅವರು ವಿಶ್ವ ಚಾಂಪಿಯನ್ಷಿಪ್ನ ವೈಯಕ್ತಿಕ ವಿಭಾಗದಲ್ಲಿ ಐದು ಚಿನ್ನ ಗೆದ್ದಿದ್ದರೂ ಒಲಿಂಪಿಕ್ಸ್ ಪದಕ ಅವರಿಗೆ ಮರೀಚಿಕೆಯಾಗಿತ್ತು. ಆದರೆ ಇಲ್ಲಿ ಯಶಸ್ಸು ಸಾಧಿಸುವಲ್ಲಿ ಅವರು ತಪ್ಪು ಮಾಡಲಿಲ್ಲ.