ಶನಿವಾರ, ಸೆಪ್ಟೆಂಬರ್ 25, 2021
29 °C

ಮ್ಯಾರಥಾನ್ ಈಜು: ಚಿನ್ನಕ್ಕೆ ಮುತ್ತಿಟ್ಟ ಬ್ರೆಜಿಲ್‌ನ ಆ್ಯನಾ

ರಾಯಿಟರ್ಸ್ Updated:

ಅಕ್ಷರ ಗಾತ್ರ : | |

Prajavani

ಟೋಕಿಯೊ: ಹಾಲಿ ಚಾಂಪಿಯನ್‌ ಶರೋನ್ ವ್ಯಾನ್‌ ರೌವೆಂಡಾಲ್ ಅವರನ್ನು ಹಿಂದಿಕ್ಕಿದ ಬ್ರೆಜಿಲ್‌ನ ಆ್ಯನಾ ಮಾರ್ಸೆಲಾ ಕುನ್ಹಾ ಮ್ಯಾರಥಾನ್ ಈಜು ಸ್ಪರ್ಧೆಯ 10 ಕಿ.ಮೀ. ವಿಭಾಗದಲ್ಲಿ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದರು.

ಒಡೈಬಾ ಮರೀನ್ ಪಾರ್ಕ್‌ನಲ್ಲಿ ನಡೆದ ಜಿದ್ದಾಜಿದ್ದಿನ ಪೈಪೋಟಿಯಲ್ಲಿ ಆ್ಯನಾ ಮತ್ತು ನೆದರ್ಲೆಂಡ್ಸ್‌ನ ಶೆರೋನ್ ಕೇವಲ ಒಂದು ಸೆಕೆಂಡಿಗೂ ಕಡಿಮೆ ಅಂತರದಲ್ಲಿ ಗುರಿ ತಲುಪಿದರು. ಆಸ್ಟ್ರೇಲಿಯಾದ ಕರೀನಾ ಲೀ ಕಂಚಿನ ಪದಕ ತಮ್ಮದಾಗಿಸಿಕೊಂಡರು.

ಆ್ಯನಾ ಅವರು ವಿಶ್ವ ಚಾಂಪಿಯನ್‌ಷಿಪ್‌ನ ವೈಯಕ್ತಿಕ ವಿಭಾಗದಲ್ಲಿ ಐದು ಚಿನ್ನ ಗೆದ್ದಿದ್ದರೂ ಒಲಿಂಪಿಕ್ಸ್ ಪದಕ ಅವರಿಗೆ ಮರೀಚಿಕೆಯಾಗಿತ್ತು. ಆದರೆ ಇಲ್ಲಿ ಯಶಸ್ಸು ಸಾಧಿಸುವಲ್ಲಿ ಅವರು ತಪ್ಪು ಮಾಡಲಿಲ್ಲ.

ಗುರಿ ತಲುಪಲು ಒಂದು ಕಿಲೊ ಮೀಟರ್‌ ದೂರ ಇರುವ ಸಂದರ್ಭದಲ್ಲಿ ಮುಂದೆ ಸಾಗಿದ ಆ್ಯನಾ ಬಳಿಕ ಹಿಂದುಳಿಯಲೇ ಇಲ್ಲ.

‘ಈ ಫಲಿತಾಂಶ ನಿರೀಕ್ಷಿಸಿರಲಿಲ್ಲ. ಅತ್ಯಂತ ಖುಷಿಯಾಗಿದೆ‘ ಎಂದು ಆ್ಯನಾ ಸಂಭ್ರದದ ನಗೆ ಬೀರಿದರು.

ಫಲಿತಾಂಶ
ಸ್ಪರ್ಧಿದೇಶಸಮಯ
ಆ್ಯನಾ ಮಾರ್ಸೆಲಾ ಕುನ್ಹಾ ಬ್ರೆಜಿಲ್‌1 ತಾಸು 59 ನಿ.30.8 ಸೆ.
ಶರೋನ್ ವ್ಯಾನ್ ರೌಂಡೇಲಾನೆದರ್ಲೆಂಡ್ಸ್1 ತಾಸು 59 ನಿ.31.7 ಸೆ.
ಕರೀನಾ ಲೀಆಸ್ಟ್ರೇಲಿಯಾ1 ತಾಸು 59 ನಿ. 32.5 ಸೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು