ವಿಜ್ಕ್ ಆನ್ ಜೀ, ನೆದರ್ಲೆಂಡ್ಸ್: ಮಾಜಿ ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್ ಟಾಟಾ ಸ್ಟೀಲ್ ಮಾಸ್ಟರ್ಸ್ ಚೆಸ್ ಟೂರ್ನಿಯಲ್ಲಿ ಮತ್ತೊಂದು ಪಂದ್ಯವನ್ನು ‘ಡ್ರಾ’ ಮಾಡಿಕೊಂಡರು. ಬುಧವಾರ 9ನೇ ಸುತ್ತಿನ ಪಂದ್ಯವನ್ನು ವಿಶಿ, ರಷ್ಯದ ಡ್ಯಾನಿಲ್ ಡುಬೊವ್ ಜೊತೆ ‘ಡ್ರಾ’ ಮಾಡಿಕೊಂಡರು.
4.5 ಪಾಯಿಂಟ್ಸ್ ಸಂಗ್ರಹಿಸಿರುವ ಆನಂದ್ ಸದ್ಯ 10ನೇ ಸ್ಥಾನದಲ್ಲಿದ್ದಾರೆ.
ವಿಶ್ವದ ಅಗ್ರಮಾನ್ಯ ಆಟಗಾರ ಮ್ಯಾಗ್ನಸ್ ಕಾರ್ಲ್ಸನ್, ಟೂರ್ನಿಯಲ್ಲಿ ಅಚ್ಚರಿ ಮೂಡಿಸಿರುವ ಇರಾನ್ನ ಪ್ರತಿಭೆ ಅಲಿರೇಜಾ ಫಿರೋಝಾ ಅವರ ರಕ್ಷಣೆಯನ್ನು ನುಚ್ಚುನೂರು ಮಾಡಿ ಪೂರ್ಣಪಾಯಿಂಟ್ ಪಡೆದರು. ಮಾತ್ರವಲ್ಲ, ಅಗ್ರಸ್ಥಾನಕ್ಕೇರುವ ಅವಕಾಶವನ್ನು ಜೀವಂತವಾಗಿಟ್ಟುಕೊಂಡರು.