ಬ್ಯಾಡ್ಮಿಂಟನ್‌ ಟೂರ್ನಿಗಳು ಸ್ಥಗಿತ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಅಂತರರಾಷ್ಟ್ರೀಯ, ಜೂನಿಯರ್‌, ಪ್ಯಾರಾ ಟೂರ್ನಿ ಗಳು ಸೇರಿದಂತೆ ಮೇ ತಿಂಗಳಿಂದ ಜುಲೈವರೆಗೆ ನಡೆಯಬೇಕಿದ್ದ ಎಲ್ಲ ಟೂರ್ನಿಗಳನ್ನು ವಿಶ್ವ ಬ್ಯಾಡ್ಮಿಂಟನ್‌ ಫೆಡರೇಷನ್‌ (ಬಿಡಬ್ಲ್ಯುಎಫ್) ಮುಂ ದೂಡಿದೆ. ಕೋವಿಡ್‌–19 ಭೀತಿಯ ಕಾರಣ ಈ ನಿರ್ಧಾರಕ್ಕೆ ಬರಲಾಗಿದೆ.
ಎಚ್‌ಎಸ್‌ಬಿಸಿ ಬಿಡಬ್ಲ್ಯುಎಫ್ ವಿಶ್ವ ಟೂರ್‌, ಬಿಡಬ್ಲ್ಯುಎಫ್ ಟೂರ್‌, ಹಲವು ಗ್ರೇಡ್‌ 2 ಹಾಗೂ ಮೂರನೇ ಗ್ರೇಡ್‌ ಟೂರ್ನಿಗಳು ಮುಂದೂಡಿಕೆಯಾಗಿರುವ ಟೂರ್ನಿಗಳಲ್ಲಿ ಸೇರಿವೆ. ‘ಆತಿಥೇಯ ಸದಸ್ಯ ಅಸೋಸಿಯೇಷನ್‌ಗಳು (ಎಚ್‌ಎಂಎ) ಹಾಗೂ ಕಾಂಟಿನೆಂಟಲ್‌ ಕಾನ್ಫೆಡರೇಷನ್ಸ್ (ಸಿಸಿ) ಜೊತೆ ಚರ್ಚಿಸಿದ ಬಳಿಕ ಈ ನಿರ್ಧಾರಕ್ಕೆ ಬರಲಾಗಿದೆ’ ಎಂದು ಬಿಡಬ್ಲ್ಯುಎಫ್
ಪ್ರಕಟಣೆಯಲ್ಲಿ ತಿಳಿಸಿದೆ.
ಇಂಡೊನೇಷ್ಯಾ ಓಪನ್‌ ಈ ಅವಧಿ ಯಲ್ಲಿ ಮುಂದೂಡಲ್ಪಟ್ಟ ಪ್ರಮುಖ ಟೂರ್ನಿಯಾಗಿದೆ. ಜೂನ್‌ 16ರಿಂದ 21ರವರೆಗೆ ಇದು ಜಕಾರ್ತದಲ್ಲಿ ನಡೆಯಬೇಕಿತ್ತು. ವಿಶ್ವ ಸೀನಿಯರ್‌ ಹಾಗೂ ಜೂನಿಯರ್‌ ರ‍್ಯಾಂಕಿಂಗ್‌ಗಳನ್ನು ಬಿಡಬ್ಲ್ಯುಎಫ್, ಸ್ಥಗಿತಗೊಳಿಸಿತ್ತು.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
