<p><strong>ಕ್ರೆಫೆಲ್ಡ್, ಜರ್ಮನಿ:</strong>ಯೂರೋಪ್ ಪ್ರವಾಸದಲ್ಲಿರುವ ಭಾರತ ಹಾಕಿ ತಂಡವು ಬುಧವಾರ ಎರಡನೇ ಪಂದ್ಯದಲ್ಲಿ ಜರ್ಮನಿ ತಂಡದೊಂದಿಗೆ 1–1 ಗೋಲುಗಳ ಸಮಬಲ ಸಾಧಿಸಿತು.</p>.<p>ಪಂದ್ಯದ ನಾಲ್ಕನೇ ನಿಮಿಷದಲ್ಲೇ ಗೋಲು ಗಳಿಸಿದ ಜರ್ಮನ್ಪ್ರೀತ್ ಸಿಂಗ್ ಭಾರತ ತಂಡಕ್ಕೆ ಮುನ್ನಡೆ ತಂದುಕೊಟ್ಟಿದ್ದರು. ಆದರೆ ಸಮಬಲದ ಗೋಲು ದಾಖಲಿಸಿದ ಜರ್ಮನಿಯ ಮಾರ್ಟಿನ್ ಹನೆರ್ ಪಂದ್ಯ ಡ್ರಾ ಮಾಡಿಕೊಳ್ಳುವಲ್ಲಿ ಯಶಸ್ವಿಯಾದರು.</p>.<p>ವಿಶ್ವ ಕ್ರಮಾಂಕದಲ್ಲಿ ನಾಲ್ಕನೇ ಸ್ಥಾನದಲ್ಲಿರುವ ಭಾರತ ತಂಡವು, ಮೊದಲ ಪಂದ್ಯದಲ್ಲಿ 6–1ರಿಂದ ಜಯ ಗಳಿಸಿ ಪಾರಮ್ಯ ಮೆರೆದಿತ್ತು. ಈ ಪಂದ್ಯದಲ್ಲೂ ಆಕ್ರಮಣಕಾರಿಯಾಗಿ ಆಟ ಪ್ರಾರಂಭಿಸಿತ್ತು. ಹೀಗಾಗಿ ನಾಲ್ಕನೇ ನಿಮಿಷದಲ್ಲಿ ಪೆನಾಲ್ಟಿ ಅವಕಾಶ ಸಿಕ್ಕಿತು. ಇದನ್ನು ಸೊಗಸಾದ ಹೊಡೆತದ ಮೂಲಕ ಗೋಲಾಗಿಸುವಲ್ಲಿ ಜರ್ಮನ್ಪ್ರೀತ್ ಯಶಸ್ವಿಯಾದರು.</p>.<p>ಇದಾದ ಎರಡು ನಿಮಿಷಗಳ ಬಳಿಕ ಆತಿಥೇಯ ತಂಡಕ್ಕೂ ಪೆನಾಲ್ಟಿ ಕಾರ್ನರ್ ಲಭಿಸಿತು. ಆದರೆ ಯಶಸ್ಸು ದೊರೆಯಲಿಲ್ಲ. ಎರಡನೇ ಕ್ವಾರ್ಟರ್ನಲ್ಲಿ ಪ್ರವಾಸಿ ಬಳಗ ಒತ್ತಡವನ್ನು ಹೆಚ್ಚಿಸಿತು.</p>.<p>ಎರಡನೇ ಕ್ವಾರ್ಟರ್ನಲ್ಲಿ ತಾಂತ್ರಿಕ ಕೌಶಲಗಳನ್ನು ಪ್ರದರ್ಶಿಸಿದ ಜರ್ಮನಿ ತಂಡವು ಎರಡು ಪೆನಾಲ್ಟಿ ಕಾರ್ನರ್ ಅವಕಾಶಗಳನ್ನು ಗಳಿಸಿತು. ಮೊದಲಾರ್ಧದ ಅಂತ್ಯಕ್ಕೆ ಕೆಲವೇ ನಿಮಿಷಗಳಿರುವಾಗ ಪೆನಾಲ್ಟಿ ಅವಕಾಶದಲ್ಲೇ ಮಾರ್ಟಿನ್ ಮೋಡಿ ಮಾಡಿದರು. ಪಂದ್ಯ 1–1 ಸಮಬಲವಾಯಿತು.</p>.<p>ಇದಾದ ಬಳಿಕ ಆತಿಥೇಯ ತಂಡವು ಆಕ್ರಮಣಕಾರಿ ಆಟಕ್ಕೆ ಮುಂದಾಯಿತು. ಆದರೆ ಭಾರತದ ಡಿಫೆಂಡರ್ಗಳ ಚುರುಕಿನ ಆಟದ ಮುಂದೆ ಆ ತಂಡಕ್ಕೆ ಯಶಸ್ಸು ದೊರೆಯಲಿಲ್ಲ. ನಂತರ ಇತ್ತಂಡಗಳು ಭಾರಿ ಪೈಪೋಟಿ ನಡೆಸಿದರೂ ಗೋಲು ದಾಖಲಾಗಲಿಲ್ಲ.</p>.<p>ಭಾರತ ತಂಡವು ಶನಿವಾರ ನಡೆಯುವ ಪಂದ್ಯದಲ್ಲಿ ಗ್ರೇಟ್ ಬ್ರಿಟನ್ಅನ್ನು ಎದುರಿಸಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕ್ರೆಫೆಲ್ಡ್, ಜರ್ಮನಿ:</strong>ಯೂರೋಪ್ ಪ್ರವಾಸದಲ್ಲಿರುವ ಭಾರತ ಹಾಕಿ ತಂಡವು ಬುಧವಾರ ಎರಡನೇ ಪಂದ್ಯದಲ್ಲಿ ಜರ್ಮನಿ ತಂಡದೊಂದಿಗೆ 1–1 ಗೋಲುಗಳ ಸಮಬಲ ಸಾಧಿಸಿತು.</p>.<p>ಪಂದ್ಯದ ನಾಲ್ಕನೇ ನಿಮಿಷದಲ್ಲೇ ಗೋಲು ಗಳಿಸಿದ ಜರ್ಮನ್ಪ್ರೀತ್ ಸಿಂಗ್ ಭಾರತ ತಂಡಕ್ಕೆ ಮುನ್ನಡೆ ತಂದುಕೊಟ್ಟಿದ್ದರು. ಆದರೆ ಸಮಬಲದ ಗೋಲು ದಾಖಲಿಸಿದ ಜರ್ಮನಿಯ ಮಾರ್ಟಿನ್ ಹನೆರ್ ಪಂದ್ಯ ಡ್ರಾ ಮಾಡಿಕೊಳ್ಳುವಲ್ಲಿ ಯಶಸ್ವಿಯಾದರು.</p>.<p>ವಿಶ್ವ ಕ್ರಮಾಂಕದಲ್ಲಿ ನಾಲ್ಕನೇ ಸ್ಥಾನದಲ್ಲಿರುವ ಭಾರತ ತಂಡವು, ಮೊದಲ ಪಂದ್ಯದಲ್ಲಿ 6–1ರಿಂದ ಜಯ ಗಳಿಸಿ ಪಾರಮ್ಯ ಮೆರೆದಿತ್ತು. ಈ ಪಂದ್ಯದಲ್ಲೂ ಆಕ್ರಮಣಕಾರಿಯಾಗಿ ಆಟ ಪ್ರಾರಂಭಿಸಿತ್ತು. ಹೀಗಾಗಿ ನಾಲ್ಕನೇ ನಿಮಿಷದಲ್ಲಿ ಪೆನಾಲ್ಟಿ ಅವಕಾಶ ಸಿಕ್ಕಿತು. ಇದನ್ನು ಸೊಗಸಾದ ಹೊಡೆತದ ಮೂಲಕ ಗೋಲಾಗಿಸುವಲ್ಲಿ ಜರ್ಮನ್ಪ್ರೀತ್ ಯಶಸ್ವಿಯಾದರು.</p>.<p>ಇದಾದ ಎರಡು ನಿಮಿಷಗಳ ಬಳಿಕ ಆತಿಥೇಯ ತಂಡಕ್ಕೂ ಪೆನಾಲ್ಟಿ ಕಾರ್ನರ್ ಲಭಿಸಿತು. ಆದರೆ ಯಶಸ್ಸು ದೊರೆಯಲಿಲ್ಲ. ಎರಡನೇ ಕ್ವಾರ್ಟರ್ನಲ್ಲಿ ಪ್ರವಾಸಿ ಬಳಗ ಒತ್ತಡವನ್ನು ಹೆಚ್ಚಿಸಿತು.</p>.<p>ಎರಡನೇ ಕ್ವಾರ್ಟರ್ನಲ್ಲಿ ತಾಂತ್ರಿಕ ಕೌಶಲಗಳನ್ನು ಪ್ರದರ್ಶಿಸಿದ ಜರ್ಮನಿ ತಂಡವು ಎರಡು ಪೆನಾಲ್ಟಿ ಕಾರ್ನರ್ ಅವಕಾಶಗಳನ್ನು ಗಳಿಸಿತು. ಮೊದಲಾರ್ಧದ ಅಂತ್ಯಕ್ಕೆ ಕೆಲವೇ ನಿಮಿಷಗಳಿರುವಾಗ ಪೆನಾಲ್ಟಿ ಅವಕಾಶದಲ್ಲೇ ಮಾರ್ಟಿನ್ ಮೋಡಿ ಮಾಡಿದರು. ಪಂದ್ಯ 1–1 ಸಮಬಲವಾಯಿತು.</p>.<p>ಇದಾದ ಬಳಿಕ ಆತಿಥೇಯ ತಂಡವು ಆಕ್ರಮಣಕಾರಿ ಆಟಕ್ಕೆ ಮುಂದಾಯಿತು. ಆದರೆ ಭಾರತದ ಡಿಫೆಂಡರ್ಗಳ ಚುರುಕಿನ ಆಟದ ಮುಂದೆ ಆ ತಂಡಕ್ಕೆ ಯಶಸ್ಸು ದೊರೆಯಲಿಲ್ಲ. ನಂತರ ಇತ್ತಂಡಗಳು ಭಾರಿ ಪೈಪೋಟಿ ನಡೆಸಿದರೂ ಗೋಲು ದಾಖಲಾಗಲಿಲ್ಲ.</p>.<p>ಭಾರತ ತಂಡವು ಶನಿವಾರ ನಡೆಯುವ ಪಂದ್ಯದಲ್ಲಿ ಗ್ರೇಟ್ ಬ್ರಿಟನ್ಅನ್ನು ಎದುರಿಸಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
