ಬ್ಯಾಡ್ಮಿಂಟನ್‌: ಪ್ಯಾರಾಲಿಂಪಿಕ್ಸ್‌ಗೆ ಪಲಕ್–ಪಾರುಲ್‌

ನವದೆಹಲಿ: ಪಲಕ್ ಕೊಹ್ಲಿ ಹಾಗೂ ಪಾರುಲ್ ಪರಮಾರ್‌ ಅವರು ಶುಕ್ರವಾರ ಟೋಕಿಯೊ ಪ್ಯಾರಾಲಿಂಪಿಕ್ಸ್‌ಗೆ ಅರ್ಹತೆ ಗಳಿಸಿದ ಭಾರತದ ಮೊದಲ ಪ್ಯಾರಾ ಬ್ಯಾಡ್ಮಿಂಟನ್ ಆಟಗಾರ್ತಿಯರು ಎನಿಸಿಕೊಂಡಿದ್ದಾರೆ. ವಿಶ್ವ ಬ್ಯಾಡ್ಮಿಂಟನ್ ಫೆಡರೇಷನ್‌ (ಬಿಡಬ್ಲ್ಯುಎಫ್‌) ಈ ಕುರಿತು ಇವರಿಬ್ಬರಿಗೆ ಮಾಹಿತಿ ರವಾನಿಸಿದೆ.

18 ವರ್ಷದ ಪಲಕ್ ಹಾಗೂ ಅನುಭವಿ ಆಟಗಾರ್ತಿ ಪಾರುಲ್ ಅವರಿಗೆ, ಕೋವಿಡ್‌ ಹಿನ್ನೆಲೆಯಲ್ಲಿ ಜಾರಿಯಲ್ಲಿರುವ ಪ್ರಯಾಣ ನಿರ್ಬಂಧದ ಕಾರಣ ಸ್ಪ್ಯಾನಿಷ್ ಪ್ಯಾರಾ ಟೂರ್ನಿಯಲ್ಲಿ (ಮೇ 11ರಿಂದ 16ರವರೆಗೆ) ಭಾಗವಹಿಸಲು ಸಾಧ್ಯವಾಗಿರಲಿಲ್ಲ.

ಎಸ್‌ಎಲ್‌3–ಎಸ್‌ಯು5 ಮಹಿಳಾ ಡಬಲ್ಸ್ ವಿಭಾಗದಲ್ಲಿ ಈ ಜೋಡಿ ಅರ್ಹತೆ ಗಳಿಸಿದ್ದು, ಮೊದಲ ಬಾರಿ ಪ್ಯಾರಾಲಿಂಪಿಕ್ಸ್ ಟಿಕೆಟ್‌ ಗಿಟ್ಟಿಸಿದೆ. 

ಪಲಕ್ ಅವರು ಟೋಕಿಯೊ ಟಿಕೆಟ್‌ ಗಳಿಸಿದ ವಿಶ್ವದ ಅತಿ ಕಿರಿಯ ಪ್ಯಾರಾ ಬ್ಯಾಡ್ಮಿಂಟನ್ ಆಟಗಾರ್ತಿ ಎನಿಸಿಕೊಂಡಿದ್ದಾರೆ.