ಮಹಿಳೆಯರ ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌ಷಿಪ್| ಲವ್ಲಿನಾಗೆ ಗೆಲುವು: ಪ್ರೀತಿಗೆ ಸೋಲು

ನವದೆಹಲಿ: ಎದುರಾಳಿಯ ವಿರುದ್ಧ ಸಂಪೂರ್ಣ ಪಾರಮ್ಯ ಮೆರೆದ ಭಾರತದ ಸಾಕ್ಷಿ ಚೌಧರಿ ಹಾಗೂ ಲವ್ಲಿನಾ ಬೊರ್ಗೊಹೈನ್ ಅವರು ಸೋಮವಾರ ಮಹಿಳೆಯರ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಷಿಪ್ನ ಕ್ವಾರ್ಟರ್ಫೈನಲ್ಗೆ ಲಗ್ಗೆಯಿಟ್ಟರು.

. ಇಲ್ಲಿಯ ಕೆ.ಡಿ. ಜಾಧವ್ ಒಳಾಂಗಣದಲ್ಲಿ ನಡೆಯುತ್ತಿರುವ ಚಾಂಪಿಯನ್ಷಿಪ್ನ 52 ಕೆಜಿ ವಿಭಾಗದ 16ರ ಘಟ್ಟದ ಬೌಟ್ನಲ್ಲಿ ಸಾಕ್ಷಿ 5–0ಯಿಂದ ಕಜಕಸ್ತಾನದ ಜಜೀರಾ ಯುರಾಕ್ಬಯೆವಾ ಅವರನ್ನು ಪರಾಭವಗೊಳಿಸಿದರು.

. 2021ರ ಏಷ್ಯನ್ ಚಾಂಪಿಯನ್ ಆಗಿರುವ ಸಾಕ್ಷಿ, ತಮ್ಮ ನೀಳಕಾಯದ ಲಾಭ ಪಡೆದರು. ದೂರದಿಂದ ಎದುರಾಳಿಗೆ ಪಂಚ್ ಮಾಡಿ, ತಕ್ಷಣ ಹಿಂದೆ ಸರಿಯುತ್ತಿದ್ದರು. ಕಜಕಸ್ತಾನದ ಬಾಕ್ಸರ್ಗೆ ಪ್ರತಿದಾಳಿ ನಡೆಸುವ ಅವಕಾಶವನ್ನು ಹೆಚ್ಚು ನೀಡಲಿಲ್ಲ.

. ರಿಂಗ್ನಲ್ಲಿ ಚುರುಕಿನಿಂದ ಓಡಾಡಿದ ಭಾರತದ ಬಾಕ್ಸರ್, ಬಿರುಸಿನ ಹೊಡೆತಗಳ ಮೂಲಕ ಎದುರಾಳಿಯನ್ನು ಕಂಗೆಡಿಸಿದರು.

. ‘ಈ ಬೌಟ್ನಲ್ಲಿ ನಾನು ನಿರೀಕ್ಷೆಗಿಂತ ಉತ್ತಮ ಸಾಮರ್ಥ್ಯ ತೋರಿದೆ. ಜಜೀರಾ ಶ್ರೇಷ್ಠ ಬಾಕ್ಸರ್ ಆಗಿದ್ದರಿಂದ ಜಿದ್ದಾಜಿದ್ದಿ ನಡೆಯಿತು. ನಾನು ರೂಪಿಸಿದ ಕಾರ್ಯತಂತ್ರ ಫಲ ನೀಡಿತು‘ ಎಂದು ಬೌಟ್ ಬಳಿಕ ಸಾಕ್ಷಿ ನುಡಿದರು.

. 75 ಕೆಜಿ ವಿಭಾಗದ ಪ್ರೀಕ್ವಾರ್ಟರ್ ಹಣಾಹಣಿಯಲ್ಲಿ ಲವ್ಲಿನಾ ಬೊರ್ಗೊಹೈನ್ ಅವರು 5–0ಯಿಂದ ಮೆಕ್ಸಿಕೊದ ವೆನೆಸ್ಸಾ ಸಿಟಾಲ್ಲಿ ಆರ್ಟಿಜ್ ಅವರನ್ನು ಪರಾಭವಗೊಳಿಸಿದರು. ಬಲಿಷ್ಠ ಪಂಚ್ಗಳನ್ನು ಪ್ರಯೋಗಿಸಿದ ಟೋಕಿಯೊ ಒಲಿಂಪಿಕ್ಸ್ ಕಂಚಿನ ಪದಕ ವಿಜೇತೆ ಲವ್ಲಿನಾ, ರಕ್ಷಣಾತ್ಮಕ ಆಟಕ್ಕೂ ಒತ್ತುಕೊಟ್ಟು ಗೆಲುವಿನ ನಗೆ ಬೀರಿದರು.

. ಚಾಂಪಿಯನ್ಷಿಪ್ನ ಮೊದಲ ಬೌಟ್ನಲ್ಲಿ ಲವ್ಲಿನಾ ಬೈ ಸಿಕ್ಕಿತ್ತು.

. ಹೋರಾಡಿ ಸೋತ ಪ್ರೀತಿ: 54 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಪ್ರೀತಿ ಅವರು ಪ್ರೀಕ್ವಾರ್ಟರ್ನ ಮತ್ತೊಂದು ಬೌಟ್ನಲ್ಲಿ 3–4ರಿಂದ ಥಾಯ್ಲೆಂಡ್ನ ಜಿಪ್ಟಾಂಗ್ ಜುಟಾಮಸ್ ಎದುರು ಸೋತರು. ಜುಟಾಮಸ್ ಅವರು ಕಳೆದ ವರ್ಷ ಬೆಳ್ಳಿ ಪದಕ ಜಯಿಸಿದ್ದರು.

. ಆಕ್ರಮಣಕಾರಿ ಆಟವಾಡಿದ ಪ್ರೀತಿ ಮೊದಲ ಸುತ್ತಿನಲ್ಲಿ ಜಯ ಗಳಿಸಿದರು. ಆದರೆ ಕೊನೆಯ ಎರಡು ಸುತ್ತುಗಳಲ್ಲಿ ಥಾಯ್ಲೆಂಡ್ ಬಾಕ್ಸರ್ ಮೇಲುಗೈ ಸಾಧಿಸಿದರು. ರೆಫರಿಗಳ ಮರುಪರಿಶೀಲನೆಯ ಬಳಿಕ ಅಂತಿಮ ಫಲಿತಾಂಶವನ್ನು ನಿರ್ಧರಿಸಲಾಯಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಹಿಳೆಯರ ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌ಷಿಪ್| ಲವ್ಲಿನಾಗೆ ಗೆಲುವು: ಪ್ರೀತಿಗೆ ಸೋಲು

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!