ಶನಿವಾರ, ಜನವರಿ 16, 2021
19 °C
ರಾಜ್ಯ ರ‍್ಯಾಂಕಿಂಗ್‌ ಟೇಬಲ್ ಟೆನಿಸ್‌: ಕೆಡೆಟ್ ವಿಭಾಗದಲ್ಲಿ ಶೇಷಾಂತ್‌, ಸಾವನಿ ಚಾಂಪಿಯನ್‌

ರೋಹಿತ್‌, ತೃಪ್ತಿಗೆ ಸಬ್ ಜೂನಿಯರ್ ವಿಭಾಗದ ಪ್ರಶಸ್ತಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಪಿಎಸ್‌ಟಿಟಿಎ ಕ್ಲಬ್‌ನ ರೋಹಿತ್ ಶಂಕರ್ ಮತ್ತು ಎಸ್‌ಕೆಐಇಎಸ್‌ನ ತೃಪ್ತಿ ಪುರೋಹಿತ್ ಅವರು ರಾಜ್ಯ ಟೇಬಲ್ ಟೆನಿಸ್ ಸಂಸ್ಥೆ ಆಯೋಜಿಸಿದ್ದ ರಾಜ್ಯ ರ‍್ಯಾಂಕಿಂಗ್ ಟೂರ್ನಿಯಲ್ಲಿ ಕ್ರಮವಾಗಿ ಸಬ್‌ಜೂನಿಯರ್ ಬಾಲಕರ ಮತ್ತು ಬಾಲಕಿಯರ ವಿಭಾಗದ ಪ್ರಶಸ್ತಿ ಗೆದ್ದುಕೊಂಡರು. ಮಲ್ಲೇಶ್ವರಂ ಅಸೋಸಿಯೇಷನ್ ಆವರಣದಲ್ಲಿ ನಡೆದ ಟೂರ್ನಿಯ ಬಾಲಕರ ವಿಭಾಗದ ಫೈನಲ್‌ನಲ್ಲಿ ರೋಹಿತ್‌ ಶಂಕರ್ ಜಿಇಎಂ ಕ್ಲಬ್‌ನ ಹೃಷಿಕೇಶ್ ಶೆಟ್ಲೂರ್ ವಿರುದ್ಧ 11–8, 11–7, 11–4ರಲ್ಲಿ ಗೆಲುವು ಸಾಧಿಸಿದರು. 

ಸೆಮಿಫೈನಲ್‌ನಲ್ಲಿ ಹೃಷಿಕೇಷ್‌, ಎಸ್‌ಬಿಟಿಟಿಎ ಕ್ಲಬ್‌ನ ಅಭಿನವ್ ವಿರುದ್ಧ 11-6, 6-11, 11-8, 14-12ರಲ್ಲಿ ಜಯ ಗಳಿಸಿದರೆ, ರೋಹಿತ್‌ 11-7, 11-6, 11-3ರಲ್ಲಿ ಪಿಎಸ್‌ಟಿಟಿಎಯ ಪ್ರಧಾನ್ ವಿರುದ್ಧ ಗೆಲುವು ಸಾಧಿಸಿದರು.

ಬಾಲಕಿಯರ ವಿಭಾಗದ ಫೈನಲ್‌ನಲ್ಲಿ ತೃಪ್ತಿ ಪುರೋಹಿತ್ ಬಿಎನ್‌ಎಂ ಕ್ಲಬ್‌ನ ದೇಶ್ನಾ ವಂಶಿಕಾ ವಿರುದ್ಧ 14-12, 12-10, 12-10ರಲ್ಲಿ ಜಯ ಗಳಿಸಿದರು. ನಾಲ್ಕರ ಘಟ್ಟದ ಪಂದ್ಯದಲ್ಲಿ ತೃಪ್ತಿ 5-11, 11-5, 11-2, 12-10ರಲ್ಲಿ ಎಂಎಸ್‌ಎಸ್‌ನ ನಿಹಾರಿಕಾ ವಿರುದ್ಧ, ದೇಶ್ನಾ 11-5, 7-11, 11-9, 11-6ರಲ್ಲಿ ಡಬ್ಲ್ಯುಸಿಟಿಟಿಸಿಯ ಸಹನಾ ಮೂರ್ತಿಯ ವಿರುದ್ಧ ಗೆಲುವು ಸಾಧಿಸಿದರು.

ಶೇಷಾಂತ, ಸಾನ್ವಿ ಚಾಂಪಿಯನ್

ಕೆಡೆಟ್ ಬಾಲಕರ ವಿಭಾಗದ ಫೈನಲ್‌ನಲ್ಲಿ ಡಬ್ಲ್ಯುಸಿಟಿಟಿಸಿಯ ಶೇಷಾಂತ್‌ 9-11, 11-4, 11-9, 9-11, 12-10ರಲ್ಲಿ ಸಿಎಂ ಕ್ಲಬ್‌ನ ತೇಶುಬ್ ದಿನೇಶ್ ವಿರುದ್ಧ ಜಯ ಗಳಿಸಿದರು. ನಾಲ್ಕರ ಘಟ್ಟದ ಪಂದ್ಯದಲ್ಲಿ ಶೇಷಾಂತ್ 5-11, 11-8, 11-7, 11-8ರಲ್ಲಿ ಎಸ್‌ಬಿಟಿಟಿಎಯ ಅರ್ಣವ್ ಎನ್‌ ವಿರುದ್ಧ, ತೇಶುಬ್ 11-7, 8-11, 11-7, 11-13, 11-3ರಲ್ಲಿ ಸಿಎಂ ಕ್ಲಬ್‌ನ ಮೊಹನಿಶ್ ನಂದಿ ವಿರುದ್ಧ ಜಯ ಗಳಿಸಿದರು.  

ಕೆಡೆಟ್ ಬಾಲಕಿಯರ ವಿಭಾಗದ ಫೈನಲ್‌ನಲ್ಲಿ ಸಾನ್ವಿ 11-5, 11-5, 7-11, 11-7ರಲ್ಲಿ ಬಿಎನ್‌ಎಂನ ವೃಷಾಲಿ ಕಿಣಿ ವಿರುದ್ಧ ಗೆಲುವು ಸಾಧಿಸಿದರು. ಸೆಮಿಫೈನಲ್‌ನಲ್ಲಿ ಸಾನ್ವಿ 11-5, 11-6, 11-5ರಲ್ಲಿ ಎಸ್‌ಕೆಐಇಎಸ್‌ನ ಹಿಮಾಂಶಿ ಚೌಧರಿ ವಿರುದ್ಧ, ವೃಷಾಲಿ ಕಿಣಿ 9-11, 6-11, 11-7,11-7, 11-5ರಲ್ಲಿ ಬಿಟಿಟಿಎಯ ಆಯುಷಿ ಗೋಡ್ಸೆ ವಿರುದ್ಧ ಗೆಲುವು ಸಾಧಿಸಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು