ಗುಂಪು ಆಟದಲ್ಲೂ ಸೈ ಎನಿಸಿಕೊಂಡಿರುವ ಈಕೆ, ರಿಲೆ, ಕೊಕ್ಕೊ ತಂಡದ ಉತ್ತಮ ಆಟಗಾರ್ತಿ. ಕಾಲೇಜು ಮೆಟ್ಟಿಲು ಹತ್ತಿದ ಮೇಲೆ ಕ್ರೀಡೆಗೆ ವಿದಾಯ ಹೇಳುವವರೇ ಹೆಚ್ಚು. ಆದರೆ, ಪ್ರಿಯಾಂಕಾ ಇದಕ್ಕೆ ಹೊರತಾಗಿದ್ದಾಳೆ. ಪಿಯುಸಿ ಎರಡೂ ವರ್ಷಗಳಲ್ಲೂ ಕ್ರೀಡೆಯಲ್ಲಿ ಸಕ್ರಿಯವಾಗಿ ಭಾಗವಹಿಸಿ, ಬಹುಮಾನ ಗೆದ್ದಿದ್ದಾಳೆ. ಇತ್ತೀಚೆಗೆ ನಡೆದ 110 ಮೀಟರ್ ಹರ್ಡಲ್ಸ್, 400 ಮೀಟರ್ ಹರ್ಡಲ್ಸ್ನಲ್ಲಿ ಪ್ರಥಮಳಾಗಿ, ರಾಜ್ಯ ಮಟ್ಟದಲ್ಲಿ ಸ್ಪರ್ಧಿಸಿದ್ದಳು. ದಸರಾ ಕ್ರೀಡಾಕೂಟ, ಮಾರಿಕಾಂಬಾ ದೇವಾಲಯದ ಕ್ರೀಡಾಕೂಟದಲ್ಲಿ ಬಹುಮಾನ ಬಾಚಿದ್ದಾಳೆ. ಕೀರ್ತನೆ ಮಾಡುವುದು, ಹಾಡುವುದು ಈಕೆಯ ಹವ್ಯಾಸ.