<p><strong>ಬೆಂಗಳೂರು</strong>: ಒಲಿಂಪಿಕ್ ಕೂಟಕ್ಕೆ ಸಜ್ಜುಗೊಳ್ಳುತ್ತಿರುವ ಭಾರತ ಹಾಕಿ ತಂಡದ ಆಟಗಾರ್ತಿಯರು, ತರಬೇತಿ ಅವಧಿಯನ್ನು ಟೋಕಿಯೊ ವೇಳೆಗೆ ಹೊಂದಿಸಿಕೊಂಡು ಅಭ್ಯಾಸ ನಡೆಸುತ್ತಿದ್ದಾರೆ. ತಂಡದ ಮಿಡ್ಫೀಲ್ಡರ್ ನಮಿತಾ ಟೊಪ್ಪೊ ಈ ವಿಷಯ ತಿಳಿಸಿದ್ದಾರೆ.</p>.<p>ಭಾರತ ಮಹಿಳಾ ತಂಡದವರು ಸದ್ಯ ಇಲ್ಲಿಯ ಭಾರತ ಕ್ರೀಡಾ ಪ್ರಾಧಿಕಾರ (ಸಾಯ್) ಕೇಂದ್ರದಲ್ಲಿ ಬಯೊಸೆಕ್ಯೂರ್ ವಾತಾವರಣದಲ್ಲಿ ಅಭ್ಯಾಸ ನಡೆಸುತ್ತಿದ್ದಾರೆ. ಜುಲೈ 23ರಂದು ಟೋಕಿಯೊ ಕೂಟಕ್ಕೆ ಚಾಲನೆ ಸಿಗಲಿದ್ದು, ತಂಡದಲ್ಲಿ ಉತ್ಸುಕತೆ ಮನೆಮಾಡಿದೆ.</p>.<p>‘ಟೋಕಿಯೊದಲ್ಲಿನ ಹವಾಮಾನ ನಮಗೆ ಸವಾಲಾಗುವ ಸಾಧ್ಯತೆಯಿದೆ. ಅಲ್ಲಿ ಪಂದ್ಯಗಳು ನಡೆಯುವ ವೇಳೆಗೆ ನಮ್ಮ ಜೈವಿಕ ಗಡಿಯಾರವನ್ನು ಹೊಂದಿಸಿಕೊಂಡು ತಾಲೀಮು ನಡೆಸುತ್ತಿದ್ದೇವೆ. ಫಿಟ್ನೆಸ್ಗೆ ಮಹತ್ವ ನೀಡುತ್ತಿದ್ದೇವೆ‘ ಎಂದು ಪ್ರಕಟಣೆಯಲ್ಲಿ ನಮಿತಾ ತಿಳಿಸಿದ್ದಾರೆ.</p>.<p>‘ನಮ್ಮಲ್ಲಿಯೇ ತಂಡಗಳನ್ನು ಮಾಡಿಕೊಂಡು ಪಂದ್ಯಗಳನ್ನು ಆಡುತ್ತಿದ್ದೇವೆ. ಒಲಿಂಪಿಕ್ಸ್ ಆರಂಭಕ್ಕೆ ಇನ್ನು 50ಕ್ಕಿಂತ ಕಡಿಮೆ ದಿನಗಳು ಉಳಿದಿರುವುದರಿಂದ ಕುತೂಹಲ ಹೆಚ್ಚಿದೆ‘ ಎಂದು ಅವರು ನುಡಿದರು.</p>.<p>‘ಟೋಕಿಯೊ ಒಲಿಂಪಿಕ್ಸ್ಗೆ ಆಯ್ಕೆಯಾಗುವ ಅಂತಿಮ 16 ಮಂದಿಯ ತಂಡಕ್ಕಾಗಿ ಕಾಯಲಾಗುತ್ತಿದೆ. ತಂಡದಲ್ಲಿ ಪ್ರತಿಭೆಗಳಿಗೆ ಕೊರತೆಯಿಲ್ಲ. ಹಲವು ಯುವ ಆಟಗಾರ್ತಿಯರು ಉತ್ತಮ ಸಾಮರ್ಥ್ಯ ತೋರುತ್ತಿದ್ದಾರೆ. ಏಷ್ಯನ್ ಗೇಮ್ಸ್ ಹಾಗೂ ವಿಶ್ವಕಪ್ ಟೂರ್ನಿಗಳಲ್ಲಿ ಆಡಿದ ಅನುಭವಗಳೂ ಅವರಿಗಿದೆ‘ ಎಂದು ನಮಿತಾ ಹೇಳಿದರು.</p>.<p>ನಮಿತಾ ಅವರು ಭಾರತ ತಂಡದ ಪರ 160 ಪಂದ್ಯಗಳನ್ನು ಆಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಒಲಿಂಪಿಕ್ ಕೂಟಕ್ಕೆ ಸಜ್ಜುಗೊಳ್ಳುತ್ತಿರುವ ಭಾರತ ಹಾಕಿ ತಂಡದ ಆಟಗಾರ್ತಿಯರು, ತರಬೇತಿ ಅವಧಿಯನ್ನು ಟೋಕಿಯೊ ವೇಳೆಗೆ ಹೊಂದಿಸಿಕೊಂಡು ಅಭ್ಯಾಸ ನಡೆಸುತ್ತಿದ್ದಾರೆ. ತಂಡದ ಮಿಡ್ಫೀಲ್ಡರ್ ನಮಿತಾ ಟೊಪ್ಪೊ ಈ ವಿಷಯ ತಿಳಿಸಿದ್ದಾರೆ.</p>.<p>ಭಾರತ ಮಹಿಳಾ ತಂಡದವರು ಸದ್ಯ ಇಲ್ಲಿಯ ಭಾರತ ಕ್ರೀಡಾ ಪ್ರಾಧಿಕಾರ (ಸಾಯ್) ಕೇಂದ್ರದಲ್ಲಿ ಬಯೊಸೆಕ್ಯೂರ್ ವಾತಾವರಣದಲ್ಲಿ ಅಭ್ಯಾಸ ನಡೆಸುತ್ತಿದ್ದಾರೆ. ಜುಲೈ 23ರಂದು ಟೋಕಿಯೊ ಕೂಟಕ್ಕೆ ಚಾಲನೆ ಸಿಗಲಿದ್ದು, ತಂಡದಲ್ಲಿ ಉತ್ಸುಕತೆ ಮನೆಮಾಡಿದೆ.</p>.<p>‘ಟೋಕಿಯೊದಲ್ಲಿನ ಹವಾಮಾನ ನಮಗೆ ಸವಾಲಾಗುವ ಸಾಧ್ಯತೆಯಿದೆ. ಅಲ್ಲಿ ಪಂದ್ಯಗಳು ನಡೆಯುವ ವೇಳೆಗೆ ನಮ್ಮ ಜೈವಿಕ ಗಡಿಯಾರವನ್ನು ಹೊಂದಿಸಿಕೊಂಡು ತಾಲೀಮು ನಡೆಸುತ್ತಿದ್ದೇವೆ. ಫಿಟ್ನೆಸ್ಗೆ ಮಹತ್ವ ನೀಡುತ್ತಿದ್ದೇವೆ‘ ಎಂದು ಪ್ರಕಟಣೆಯಲ್ಲಿ ನಮಿತಾ ತಿಳಿಸಿದ್ದಾರೆ.</p>.<p>‘ನಮ್ಮಲ್ಲಿಯೇ ತಂಡಗಳನ್ನು ಮಾಡಿಕೊಂಡು ಪಂದ್ಯಗಳನ್ನು ಆಡುತ್ತಿದ್ದೇವೆ. ಒಲಿಂಪಿಕ್ಸ್ ಆರಂಭಕ್ಕೆ ಇನ್ನು 50ಕ್ಕಿಂತ ಕಡಿಮೆ ದಿನಗಳು ಉಳಿದಿರುವುದರಿಂದ ಕುತೂಹಲ ಹೆಚ್ಚಿದೆ‘ ಎಂದು ಅವರು ನುಡಿದರು.</p>.<p>‘ಟೋಕಿಯೊ ಒಲಿಂಪಿಕ್ಸ್ಗೆ ಆಯ್ಕೆಯಾಗುವ ಅಂತಿಮ 16 ಮಂದಿಯ ತಂಡಕ್ಕಾಗಿ ಕಾಯಲಾಗುತ್ತಿದೆ. ತಂಡದಲ್ಲಿ ಪ್ರತಿಭೆಗಳಿಗೆ ಕೊರತೆಯಿಲ್ಲ. ಹಲವು ಯುವ ಆಟಗಾರ್ತಿಯರು ಉತ್ತಮ ಸಾಮರ್ಥ್ಯ ತೋರುತ್ತಿದ್ದಾರೆ. ಏಷ್ಯನ್ ಗೇಮ್ಸ್ ಹಾಗೂ ವಿಶ್ವಕಪ್ ಟೂರ್ನಿಗಳಲ್ಲಿ ಆಡಿದ ಅನುಭವಗಳೂ ಅವರಿಗಿದೆ‘ ಎಂದು ನಮಿತಾ ಹೇಳಿದರು.</p>.<p>ನಮಿತಾ ಅವರು ಭಾರತ ತಂಡದ ಪರ 160 ಪಂದ್ಯಗಳನ್ನು ಆಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
