ರ‍್ಯಾಂಕಿಂಗ್‌: ಜೊಕೊವಿಚ್ ಅಗ್ರಸ್ಥಾನಕ್ಕಿಲ್ಲ ಭಂಗ
ಪ್ಯಾರಿಸ್: ಸ್ವಿಟ್ಜರ್ಲೆಂಡ್‌ನ ರೋಜರ್‌ ಫೆಡರರ್ ಸೋಮವಾರ ಬಿಡುಗಡೆಯಾದ ಎಟಿಪಿ ರ‍್ಯಾಂಕಿಂಗ್‌ನಲ್ಲಿ ಮೂರನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಮ್ಯೂನಿಚ್‌ ಓಪನ್‌ ಟೆನಿಸ್ ಟೂರ್ನಿಯ ಕ್ವಾರ್ಟರ್‌ಫೈನಲ್‌ನಲ್ಲಿ ಜ್ವೆರೆವ್ ಸೋತಿದ್ದರು.
ದಾಖಲೆಯ 20 ಗ್ರ್ಯಾನ್‌ಸ್ಲ್ಯಾಮ್‌ ಪ್ರಶಸ್ತಿಗಳನ್ನು ಗಳಿಸಿರುವ ಫೆಡರರ್, ಮೂರು ವರ್ಷಗಳ ಬಳಿಕ ಆವೆಮಣ್ಣಿನ ಅಂಗಣಕ್ಕೆ ಮರಳಲು ಸಜ್ಜಾಗಿದ್ದಾರೆ. ಈ ವಾರಾಂತ್ಯದಲ್ಲಿ ನಡೆಯಲಿರುವ ಮ್ಯಾಡ್ರಿಡ್ ಓಪನ್‌ನಲ್ಲ ಅವರು ಆಡಲಿದ್ದಾರೆ. ಗ್ರೀಸ್‌ನ ಸ್ಟೆಫಾನೊಸ್‌ ತಿತಿಪಸ್‌ ಒಂಬತ್ತನೇ ಸ್ಥಾನ ತಮ್ಮದಾಗಿಸಿಕೊಂಡಿದ್ದಾರೆ. ಈ ವರೆಗೆ ಅಮೆರಿಕದ ಜಾನ್‌ ಇಸ್ನೇರ್‌ ಈ ಸ್ಥಾನದಲ್ಲಿದ್ದರು.
ಸರ್ಬಿಯಾದ ನೊವಾಕ್‌ ಜೊಕೊವಿಚ್ ದಾಖಲೆಯ 250 ವಾರ ಅಗ್ರಸ್ಥಾನದಲ್ಲಿ ಮುಂದುವರಿದಿದ್ದು ರಫೆಲ್‌ ನಡಾಲ್ ಎರಡನೇ ಸ್ಥಾನದಲ್ಲಿದ್ದಾರೆ.
ರ‍್ಯಾಂಕಿಂಗ್‌ನ ಅಗ್ರ ಐದು ಸ್ಥಾನದಲ್ಲಿರುವವರು
ಸ್ಥಾನ ಆಟಗಾರ ದೇಶ
1 ನೊವಾಕ್‌ ಜೊಕೊವಿಚ್ ಸರ್ಬಿಯಾ
2 ರಫೆಲ್‌ ನಡಾಲ್ ಸ್ಪೇನ್
3 ರೋಜರ್‌ ಫೆಡರರ್ ಸ್ವಿಟ್ಜರ್ಲೆಂಡ್‌
4 ಅಲೆಕ್ಸಾಂಡರ್‌ ಜ್ವೆರೆವ್ ಜರ್ಮನಿ
5 ಡೊಮಿನಿಕ್ ಥೀಮ್ ಆಸ್ಟ್ರಿಯಾ
