ಫೆಡರರ್‌ ಮಿತ್ರನಾಗಿರುವುದೇ ಗೌರವ: ಜೊಕೊವಿಚ್

ಈ ಕುರಿತು ಶುಕ್ರವಾರ ಪ್ರತಿಕ್ರಿಯಿಸಿರುವ ನೊವಾಕ್, ‘ಕೋರ್ಟ್ ಹೊರಗೆ ಹಾಗೂ ಒಳಗೆ ತಮ್ಮ ಆಪ್ತಮಿತ್ರನಾಗಿರುವುದು ನನಗೆ ಸಂದಿರುವ ಗೌರವ’ ಎಂದಿದ್ದಾರೆ.

ನೊವಾಕ್ ಮತ್ತು ಫೆಡರರ್ ಗ್ರ್ಯಾನ್‌ಸ್ಲಾಂ ಟೂರ್ನಿಗಳಲ್ಲಿ 17 ಬಾರಿ ಮುಖಾಮುಖಿಯಾಗಿದ್ದಾರೆ. ಅದರಲ್ಲಿ ಐದು ಫೈನಲ್‌ಗಳೂ ಸೇರಿವೆ. ಜೊಕೊವಿಚ್ 11–6ರಿಂದ ಮುನ್ನಡೆ ಸಾಧಿಸಿದ್ದಾರೆ.

‘ರೋಜರ್ ವೃತ್ತಿಪರ ಅವಧಿಯು ಈ ಕ್ರೀಡೆಗೆ ಒಂದು ಶ್ರೇಷ್ಠ ಲಯವನ್ನು ನೀಡಿದೆ. ಅದರಿಂದಾಗಿ ಘನತೆ ಹಾಗೂ ಉತ್ಕೃಷ್ಟತೆಗಳು ಹೆಚ್ಚಿವೆ’ ಎಂದು ನೊವಾಕ್ ಹೇಳಿದ್ದಾರೆ.