ಬೆಂಗಳೂರು: ಅಗ್ರ ಶ್ರೇಯಾಂಕದ ನಿತಿಲನ್ ಎರಿಕ್ ಮತ್ತು ರೇಷ್ಮಾ ಮರೂರಿ ಅವರು ಎಐಟಿಎ 18 ವರ್ಷದೊಳಗಿನವರ ಚಾಂಪಿಯನ್‌ಷಿಪ್‌ ಸೀರಿಸ್ ಟೆನಿಸ್ ಟೂರ್ನಿಯಲ್ಲಿ ಕ್ರಮವಾಗಿ ಬಾಲಕ ಮತ್ತು ಬಾಲಕಿಯರ ವಿಭಾಗದ ಪ್ರಶಸ್ತಿ ಮುಡಿಗೇರಿಸಿಕೊಂಡರು. ರಾಜ್ಯ ಟೆನಿಸ್ ಸಂಸ್ಥೆಯ ಸಹಯೋಗದಲ್ಲಿ ಸ್ಪೋರ್ಟ್ಸ್ ಸ್ಕೂಲ್ ಟೆನಿಸ್ ಅಕಾಡೆಮಿ ಆಯೋಜಿಸಿದ್ದ ಟೂರ್ನಿಯ ಬಾಲಕರ ವಿಭಾಗದ ಫೈನಲ್‌ನಲ್ಲಿ ಅರುಣವ ಮಜುಂದಾರ್ ಎದುರು ಎರಿಕ್ 6–4, 6–2ರಲ್ಲಿ ಜಯ ಗಳಿಸಿದರು. ಸಹೋದರಿ ಸುಹಿತಾ ವಿರುದ್ಧ 6–2, 6–1ರ ಗೆಲುವು ಸಾಧಿಸಿ ರೇಷ್ಮಾ ಪ್ರಶಸ್ತಿ ಗೆದ್ದುಕೊಂಡರು.
