ಕೌಟುಂಬಿಕ ದೌರ್ಜನ್ಯ ಪ್ರಕರಣದಲ್ಲಿ ಲಿಯಾಂಡರ್‌ ಪೇಸ್‌ ದೋಷಿ: ಕೋರ್ಟ್‌ ತೀರ್ಪು

ಲಿಯಾಂಡರ್‌ ಪೇಸ್‌ ವಿರುದ್ಧ ಅವರ ಮಾಜಿ ಪ್ರೇಯಸಿ ಹಾಗೂ ರೂಪದರ್ಶಿ ರಿಯಾ ಪಿಳ್ಳೈ ಅವರು 2014ರಲ್ಲಿ ದೂರು ನೀಡಿದ್ದರು.

ಲಿಯಾಂಡರ್‌ ಪೇಸ್‌ ಅವರು ಕೌಟುಂಬಿಕ ದೌರ್ಜನ್ಯ ಎಸಗಿದ್ದಾರೆ ಮತ್ತು ಕಿರುಕುಳ ನೀಡಿದ್ದಾರೆ ಎಂದು ರಿಯಾ ಆರೋಪಿಸಿದ್ದರು.

ಈ ಪ್ರಕರಣವನ್ನು ವಿಚಾರಣೆ ನಡೆಸಿದ ಮೆಟ್ರೊಪಾಲಿಟನ್‌ ಮ್ಯಾಜಿಸ್ಟ್ರೇಟ್‌ ನ್ಯಾಯಾಲಯವು ಲಿಯಾಂಡರ್‌ ಪೇಸ್‌ ಅವರನ್ನು ತಪ್ಪಿತಸ್ಥರೆಂದು ಪರಿಗಣಿಸಿ ತೀರ್ಪು ನೀಡಿದೆ.

ತಮಗೆ ಹಂಚಿಕೆಯಾಗಿರುವ ನಿವಾಸವನ್ನು ತೊರೆಯಲು ರಿಯಾ ನಿರ್ಧರಿಸಿದರೆ, ಅವರಿಗೆ ಮಾಸಿಕ ನಿರ್ವಹಣೆಗಾಗಿ ₹1 ಲಕ್ಷ, ಮಾಸಿಕ ಬಾಡಿಗೆಗಾಗಿ ₹50,000 ಪಾವತಿಸಲು ಲಿಯಾಂಡರ್ ಪೇಸ್‌ಗೆ ನ್ಯಾಯಾಲಯ ಸೂಚಿಸಿದೆ.

ಸಹಜೀವನ (ಲಿವ್‌–ಇನ್‌ ಸಂಬಂಧ) ನಡೆಸುತ್ತಿದ್ದ ಪೇಸ್‌ ಮತ್ತು ರಿಯಾ ಸಂಬಂಧ ಮುರಿದು ಬಿದ್ದಿತ್ತು.