ಸಾವಿರ ಗೆಲುವಿನ ಸರದಾರ ನಡಾಲ್

ಪ್ಯಾರಿಸ್ : ಟೆನಿಸ್ ತಾರೆ ರಫೆಲ್ ನಡಾಲ್ ಅವರು ತಮ್ಮ ವೃತ್ತಿಜೀವನದಲ್ಲಿ ಒಂದು ಸಾವಿರ ಪಂದ್ಯಗಳನ್ನು ಗೆದ್ದ ಸಾಧನೆ ಮಾಡಿದರು.

ಬುಧವಾರ ಇಲ್ಲಿಯ ಪ್ರೇಕ್ಷಕರಿಲ್ಲದ ಖಾಲಿ ಕ್ರೀಡಾಂಗಣದಲ್ಲಿ ನಡೆದ ಪ್ಯಾರಿಸ್ ಮಾಸ್ಟರ್ಸ್‌ ಪಂದ್ಯದಲ್ಲಿ ನಡಾಲ್ 4–6, 7–6, 6–4 ರಿಂದ ಫೆಲಿಸಿಯಾನೊ ಲೊಪೆಜ್ ವಿರುದ್ಧ ಗೆದ್ದರು. ಅದರೊಂದಿಗ ಸಾವಿರ ಪಂದ್ಯಗಳನ್ನು ಜಯಿಸಿದ ವಿಶ್ವದ ನಾಲ್ಕನೇ ಆಟಗಾರನಾದರು. ‌

ಜಿಮ್ಮಿ ಕಾನರ್ಸ್ (1,274), ರೋಜರ್ ಫೆಡರರ್ (1242) ಮತ್ತು ಇವಾನ್ ಲೆಂಡ್ಲ್ (1068) ಅವರ ನಂತರದ ಸ್ಥಾನವನ್ನು ನಡಾಲ್ ಪಡೆದರು.  ಆದರೆ ಅವರ ಈ ಸಾಧನೆಯನ್ನು ಕಣ್ತುಂಬಿಕೊಳ್ಳಲು ಕ್ರೀಡಾಂಗಣದಲ್ಲಿ ಅಭಿಮಾನಿಗಳು ಇರಲಿಲ್ಲ.