ಟೆನಿಸ್: ಎಲೆನಾ ರಿಬಾಕಿನಾಗೆ ಬ್ರಿಸ್ಬೇನ್ ಓಪನ್ ಕಿರೀಟ

ಬ್ರಿಸ್ಬೇನ್ (ಆಸ್ಟ್ರೇಲಿಯಾ): ಅಗ್ರ ಶ್ರೇಯಾಂಕಿತ ಆಟಗಾರ್ತಿ ಅರಿನಾ ಸಬಲೆಂಕಾ ಅವರನ್ನು 6-0, 6-3 ಸೆಟ್ ಗಳಿಂದ ಸೋಲಿಸುವ ಮೂಲಕ ಎಲೆನಾ ರಿಬಾಕಿನಾ ಅವರು ಬ್ರಿಸ್ಬೇನ್ ಇಂಟರ್ನ್ಯಾಷನಲ್ ಟೂರ್ನಿ ಪ್ರಶಸ್ತಿಯನ್ನು ಗೆದ್ದರು. ಇದು ಅವರ ವೃತ್ತಿಜೀವನದ ಆರನೇ ಪ್ರಶಸ್ತಿ.

. ನಾಲ್ಕನೇ ಶ್ರೇಯಾಂಕದ ರಿಬಾಕಿನಾ ವಿರುದ್ಧ ತನ್ನ ಹಿಂದಿನ ಏಳು ಪಂದ್ಯಗಳಲ್ಲಿ ಐದನ್ನು ಗೆದ್ದಿದ್ದ ಸಬಲೆಂಕಾಗೆ, ಭಾನುವಾರ ವಿಶ್ವದ 4ನೇ ಶ್ರೇಯಾಂಕದ ಆಟಗಾರ್ತಿಯ ಪ್ರಬಲ ಹೊಡೆತಗಳಿಗೆ ತಕ್ಕ ಉತ್ತರ ಇರಲಿಲ್ಲ. ಫೈನಲ್ ಪಂದ್ಯದಲ್ಲಿ ರಿಬಾಕಿನಾ ಪ್ರಾಬಲ್ಯ ಸಾಧಿಸಿದರು. ಮುಂಬರುವ ಆಸ್ಟ್ರೇಲಿಯನ್ ಓಪನ್ಗೆ ನೆಚ್ಚಿನ ಆಟಗಾರ್ತಿಯರಲ್ಲಿ ಒಬ್ಬರೆಂದು ಸಾಬೀತುಪಡಿಸಿದರು.

. ವರ್ಷದ ಹಿಂದೆ ನಡೆದ ಆಸ್ಟ್ರೇಲಿಯನ್ ಓಪನ್ ಫೈನಲ್ನಲ್ಲಿ ನೇರ ಸೆಟ್ಗಳಿಂದ ರಿಬಾಕಿನಾ ಅವರನ್ನು ಸಬಲೆಂಕಾ ಸೋಲಿಸಿದ್ದರು.

. ಸಬಲೆಂಕಾ ಒಂಬತ್ತನೇ ಗೇಮ್ನಲ್ಲಿ ಸರ್ವ್ ಬ್ರೇಕ್ ಮಾಡಿ ಪಾಯಿಂಟ್ ಗಳಿಸಿದರು. ಆದರೆ ರಿಬಾಕಿನಾ ಎರಡನೇ ಗೇಮ್ನಲ್ಲಿ 3-1 ಮುನ್ನಡೆ ಸಾಧಿಸಿದರು. ಆ ಬಳಿಕ ಹಿಂದಿರುಗಿ ನೋಡಲಿಲ್ಲ.

. ಪಂದ್ಯದ ಹನ್ನೊಂದನೇ ಗೇಮ್ನಲ್ಲಿ ಸಬಲೆಂಕಾ ಮೊದಲ ಬಾರಿಗೆ ಸರ್ವ್ ಮಾಡಿದರು. ಅಷ್ಟರಲ್ಲಿ ರಿಬಾಕಿನಾ ಸರ್ವ್ ಬ್ರೇಕ್ ಮಾಡಿ ಗೆಲುವಿನತ್ತ ಸಾಗಿದರು. ಸಬಲೆಂಕಾ ಆಕ್ರಮಣಕಾರಿ ಫೋರ್ಹ್ಯಾಂಡ್ ಹೊಡೆತಗಳನ್ನು ಪ್ರದರ್ಶಿಸಿದರು.

. 24 ವರ್ಷದ ವೃತ್ತಿಜೀವನದಲ್ಲಿ ರಿಬಾಕಿನಾಗೆ ಆರನೇ ಪ್ರಶಸ್ತಿಯಾಗಿದೆ ಮತ್ತು ಕಳೆದ ವರ್ಷ ಇಂಡಿಯಾನ ವೇಲ್ಸ್ ನಂತರ ಮೊದಲ ಪ್ರಶಸ್ತಿಯಾಗಿದೆ.

. ‘ನಾವು ಮೆಲ್ಬರ್ನ್ನಲ್ಲಿ ಭೇಟಿಯಾಗುತ್ತೇವೆ ಎಂದು ಭಾವಿಸುತ್ತೇವೆ. ಸ್ಕೋರ್ ಹೊರತಾಗಿಯೂ, ನಿಮ್ಮ ವಿರುದ್ಧ ಆಡುವುದು ಯಾವಾಗಲೂ ಕಠಿಣವಾಗಿದೆ’ ಎಂದು ರಿಬಾಕಿನಾ ಪಂದ್ಯದ ಬಳಿಕ ಹೇಳಿದರು.

. ಈ ಸೋಲಿನೊಂದಿಗೆ ಆಸ್ಟ್ರೇಲಿಯಾದ ನೆಲದಲ್ಲಿ ಸಬಲೆಂಕಾ ಅವರ 15 ಗೆಲುವುಗಳ ಸರಣಿ ಕೊನೆಗೊಂಡಿತು.

. ಗ್ರಿಗೊರ್ ಡಿಮಿಟ್ರೋವ್ಗೆ ಪ್ರಶಸ್ತಿ: ಪುರುಷರ ಫೈನಲ್ ಪಂದ್ಯದಲ್ಲಿ ಎರಡನೇ ಶ್ರೇಯಾಂಕದ ಗ್ರಿಗರ್ ಡಿಮಿಟ್ರೋವ್ ಅವರು ಅಗ್ರ ಶ್ರೇಯಾಂಕದ ಹೋಲ್ಗರ್ ರೂನ್ ಅವರನ್ನು 7-6 (5), 6-4 ಸೆಟ್ಗಳಿಂದ ಸೋಲಿಸಿದರು.

. 2 ಗಂಟೆ 13 ನಿಮಿಷ ನಡೆದ ಪಂದ್ಯದಲ್ಲಿ ಡಿಮಿಟ್ರೋವ್ ಕೌಶಲಭರಿತ ಆಟ ಪ್ರದರ್ಶಿಸಿದರು. 14ನೇ ಶ್ರೇಯಾಂಕಿತ ಆಟಗಾರ ಡಿಮಿಟ್ರೋವ್ ವೃತ್ತಿಜೀವನದ ಒಂಬತ್ತನೇ ಪ್ರಶಸ್ತಿ ಹಾಗೂ 2017ರ ಎಟಿಪಿ ಫೈನಲ್ಸ್ ಬಳಿಕ ಇದೇ ಮೊದಲ ಬಾರಿಗೆ ಟ್ರೋಫಿ ಜಯಿಸಿದ್ದಾರೆ.

. ಮೊದಲ ಸೆಟ್ನ ಮೂರನೇ ಗೇಮ್ ನಿಕಟ ಹೋರಾಟದ ಸೂಚಕವಾಗಿತ್ತು. 32 ವರ್ಷದ ಡಿಮಿಟ್ರೋವ್ ಎರಡನೇ ಸೆಟ್ ನ ಎಂಟನೇ ಗೇಮ್ ನಲ್ಲಿ ರೂನ್ ಅವರನ್ನು ಸೋಲಿಸಿ 4-3ರಲ್ಲಿ ಮುನ್ನಡೆ ಸಾಧಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಟೆನಿಸ್: ಎಲೆನಾ ರಿಬಾಕಿನಾಗೆ ಬ್ರಿಸ್ಬೇನ್ ಓಪನ್ ಕಿರೀಟ

ಚಿನಕುರುಳಿ | 05 ಜುಲೈ 2025, ಶನಿವಾರ

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಚುರುಮುರಿ | ಮೌಂಟನ್ ಮೀಟಿಂಗ್!

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಭಾರತ ಫುಟ್‌ಬಾಲ್ ತಂಡದ ಮುಖ್ಯ ಕೋಚ್‌ ನೇಮಕ ಪ್ರಕ್ರಿಯೆ ಆರಂಭ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಚುರುಮುರಿ | ಮೌಂಟನ್ ಮೀಟಿಂಗ್!

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ