<p><strong>ಪುಣೆ: </strong>ಭಾರತದ ರೋಹನ್ ಬೋಪಣ್ಣ ಮತ್ತು ರಾಮ್ಕುಮಾರ್ ರಾಮನಾಥನ್ ಜೋಡಿ ಇಲ್ಲಿ ನಡೆಯುತ್ತಿರುವ ಟಾಟಾ ಓಪನ್ ಮಹಾರಾಷ್ಟ್ರ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ ವಿಭಾಗದ ಮೊದಲ ಸುತ್ತಿನಲ್ಲಿ ಗೆಲುವು ಸಾಧಿಸಿದ್ದಾರೆ. ಸಾಕೇತ್ ಮೈನೇನಿ ಮತ್ತು ಶಶಿಕುಮಾರ್ ಮುಕುಂದ್ ಕೂಡ ಎರಡನೇ ಸುತ್ತು ಪ್ರವೇಶಿಸಿದ್ದಾರೆ.</p>.<p>ಎರಡನೇ ಶ್ರೇಯಾಂಕದ ಬೋಪಣ್ಣ ಮತ್ತು ರಾಮ್ಕುಮಾರ್ 6-3, 3-6, 10-7ರಲ್ಲಿ ಜೆಮಿ ಸೆರೆಟನಿ ಮತ್ತು ನಿಕೋಲಸ್ ಮೊನ್ರೊ ವಿರುದ್ಧ ಜಯ ಗಳಿಸಿದರು. ಸಾಕೇತ್ ಮತ್ತು ಶಶಿಕುಮಾರ್ 6-3, 6-4ರಲ್ಲಿ ಭಾರತದವರೇ ಆದ ದಿವಿಜ್ ಶರಣ್–ಯೂಕಿ ಬಾಂಭ್ರಿ ಅವರನ್ನು ಮಣಿಸಿದರು.</p>.<p>ಅಡಿಲೇಡ್ ಓಪನ್ನಲ್ಲಿ ಪ್ರಶಸ್ತಿ ಗೆಲ್ಲುವ ಮೂಲಕ ಈ ವರ್ಷದಲ್ಲಿ ಶುಭಾರಂಭ ಮಾಡಿರುವ ಬೋಪಣ್ಣ ಮತ್ತು ರಾಮ್ಕುಮಾರ್ ಇಲ್ಲಿ ಮೊದಲ ಸೆಟ್ನ ಆರಂಭದಲ್ಲಿ 1–0 ಮುನ್ನಡೆ ಸಾಧಿಸಿದ್ದರು. ಆದರೆ ಅಮೆರಿಕ ಜೋಡಿ ತಿರುಗೇಟು ನೀಡಿ ಸಮಬಲ ಸಾಧಿಸುವಲ್ಲಿ ಯಶಸ್ವಿಯಾಯಿತು. ನಂತರ ಭಾರತದ ಆಟಗಾರರು ಪಟ್ಟು ಬಿಡದೆ ಆಡಿ ಎದುರಾಳಿಗಳನ್ನು ಮಣಿಸಿದರು.</p>.<p>ಡೆನಿಸ್ ನೊವಾಕ್ ಮತ್ತು ಜೊವೊ ಸೋಸಾ ಗಾಯದ ಸಮಸ್ಯೆಯಿಂದಾಗಿ ಟೂರ್ನಿಯಿಂದ ಹಿಂದೆ ಸರಿದಿದ್ದರು. ಹೀಗಾಗಿ ಸಾಕೇತ್ ಮತ್ತು ಶಶಿಕುಮಾರ್ ಅವರಿಗೆ ಮುಖ್ಯ ಸುತ್ತಿಗೆ ನೇರ ಪ್ರವೇಶ ಲಭಿಸಿತ್ತು. ಇದೇ ಮೊದಲ ಬಾರಿ ಜೊತೆಯಾಗಿ ಆಡಿದ ಈ ಜೋಡಿ ಮೊದಲ ಸೆಟ್ನಲ್ಲಿ ಸುಲಭ ಜಯ ಸಾಧಿಸಿದರು. ಎರಡನೇ ಸೆಟ್ನಲ್ಲಿ ಎದುರಾಳಿಗಳಿಂದ ಸ್ವಲ್ಪ ಪ್ರತಿರೋಧ ಕಂಡುಬಂದರೂ ಛಲದಿಂದ ಆಡಿದ ಸಾಕೇತ್–ಶಶಿಕುಮಾರ್ ಗೆಲುವಿನ ನಗೆ ಸೂಸಿದರು.</p>.<p><strong>ಗಿಯಾನ್ ಲೂಕಾಗೆ ಸೋಸಾ ಆಘಾತ</strong><br />ಸಿಂಗಲ್ಸ್ನಲ್ಲಿ ಪೋರ್ಚುಗೀಸ್ ಆಟಗಾರ ಸೋಸಾ ಅವರು ಮೂರನೇ ಶ್ರೇಯಾಂಕದ ಗಿಯಾನ್ಲೂಕಾ ಮೇಜರ್ಗೆ ಆಘಾತ ನೀಡಿದರು. ಮೊದಲ ಸೆಟ್ನಲ್ಲಿ ಹಿನ್ನಡೆ ಅನುಭವಿಸಿದ ಸೋಸಾ ನಂತರ ಅಮೋಘ ಆಟವಾಡಿ 4-6, 6-3, 7-6 (6-4)ರಲ್ಲಿ ಗೆಲುವು ಸಾಧಿಸಿದ ಕ್ವಾರ್ಟರ್ ಫೈನಲ್ಗೆ ಲಗ್ಗೆ ಇರಿಸಿದರು. ತಮಗಿಂತ ಹೆಚ್ಚು ರ್ಯಾಂಕಿಂಗ್ ಹೊಂದಿರುವ ಇಟಲಿಯ ಪ್ರತಿಭೆ ಲೊರೆನ್ಸೊ ಮುಸೆಟಿ ಅವರನ್ನು 7-6 (7-3), 3-6, 6-3ರಲ್ಲಿ ಮಣಿಸಿದ ವಿಶ್ವ ಕ್ರಮಾಂಕದಲ್ಲಿ 140ನೇ ಸ್ಥಾನದಲ್ಲಿರುವ ಆಟಗಾರ ಅಲೆಕ್ಸಾಂಡರ್ ವುಕಿಚ್ ಕೂಡ ಎಂಟರ ಘಟ್ಟ ಪ್ರವೇಶಿಸಿದರು.</p>.<p>ವೈಲ್ಡ್ ಕಾರ್ಡ್ ಮೂಲಕ ಪ್ರವೇಶ ಪಡೆದಿರುವ ಸ್ಥಳೀಯ ಆಟಗಾರ ಅರ್ಜುನ್ ಖಾಡೆ ಭಾರತದ ಪುರವ್ ರಾಜಾ ಜೊತೆಗೂಡಿ ಆಡುವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪುಣೆ: </strong>ಭಾರತದ ರೋಹನ್ ಬೋಪಣ್ಣ ಮತ್ತು ರಾಮ್ಕುಮಾರ್ ರಾಮನಾಥನ್ ಜೋಡಿ ಇಲ್ಲಿ ನಡೆಯುತ್ತಿರುವ ಟಾಟಾ ಓಪನ್ ಮಹಾರಾಷ್ಟ್ರ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ ವಿಭಾಗದ ಮೊದಲ ಸುತ್ತಿನಲ್ಲಿ ಗೆಲುವು ಸಾಧಿಸಿದ್ದಾರೆ. ಸಾಕೇತ್ ಮೈನೇನಿ ಮತ್ತು ಶಶಿಕುಮಾರ್ ಮುಕುಂದ್ ಕೂಡ ಎರಡನೇ ಸುತ್ತು ಪ್ರವೇಶಿಸಿದ್ದಾರೆ.</p>.<p>ಎರಡನೇ ಶ್ರೇಯಾಂಕದ ಬೋಪಣ್ಣ ಮತ್ತು ರಾಮ್ಕುಮಾರ್ 6-3, 3-6, 10-7ರಲ್ಲಿ ಜೆಮಿ ಸೆರೆಟನಿ ಮತ್ತು ನಿಕೋಲಸ್ ಮೊನ್ರೊ ವಿರುದ್ಧ ಜಯ ಗಳಿಸಿದರು. ಸಾಕೇತ್ ಮತ್ತು ಶಶಿಕುಮಾರ್ 6-3, 6-4ರಲ್ಲಿ ಭಾರತದವರೇ ಆದ ದಿವಿಜ್ ಶರಣ್–ಯೂಕಿ ಬಾಂಭ್ರಿ ಅವರನ್ನು ಮಣಿಸಿದರು.</p>.<p>ಅಡಿಲೇಡ್ ಓಪನ್ನಲ್ಲಿ ಪ್ರಶಸ್ತಿ ಗೆಲ್ಲುವ ಮೂಲಕ ಈ ವರ್ಷದಲ್ಲಿ ಶುಭಾರಂಭ ಮಾಡಿರುವ ಬೋಪಣ್ಣ ಮತ್ತು ರಾಮ್ಕುಮಾರ್ ಇಲ್ಲಿ ಮೊದಲ ಸೆಟ್ನ ಆರಂಭದಲ್ಲಿ 1–0 ಮುನ್ನಡೆ ಸಾಧಿಸಿದ್ದರು. ಆದರೆ ಅಮೆರಿಕ ಜೋಡಿ ತಿರುಗೇಟು ನೀಡಿ ಸಮಬಲ ಸಾಧಿಸುವಲ್ಲಿ ಯಶಸ್ವಿಯಾಯಿತು. ನಂತರ ಭಾರತದ ಆಟಗಾರರು ಪಟ್ಟು ಬಿಡದೆ ಆಡಿ ಎದುರಾಳಿಗಳನ್ನು ಮಣಿಸಿದರು.</p>.<p>ಡೆನಿಸ್ ನೊವಾಕ್ ಮತ್ತು ಜೊವೊ ಸೋಸಾ ಗಾಯದ ಸಮಸ್ಯೆಯಿಂದಾಗಿ ಟೂರ್ನಿಯಿಂದ ಹಿಂದೆ ಸರಿದಿದ್ದರು. ಹೀಗಾಗಿ ಸಾಕೇತ್ ಮತ್ತು ಶಶಿಕುಮಾರ್ ಅವರಿಗೆ ಮುಖ್ಯ ಸುತ್ತಿಗೆ ನೇರ ಪ್ರವೇಶ ಲಭಿಸಿತ್ತು. ಇದೇ ಮೊದಲ ಬಾರಿ ಜೊತೆಯಾಗಿ ಆಡಿದ ಈ ಜೋಡಿ ಮೊದಲ ಸೆಟ್ನಲ್ಲಿ ಸುಲಭ ಜಯ ಸಾಧಿಸಿದರು. ಎರಡನೇ ಸೆಟ್ನಲ್ಲಿ ಎದುರಾಳಿಗಳಿಂದ ಸ್ವಲ್ಪ ಪ್ರತಿರೋಧ ಕಂಡುಬಂದರೂ ಛಲದಿಂದ ಆಡಿದ ಸಾಕೇತ್–ಶಶಿಕುಮಾರ್ ಗೆಲುವಿನ ನಗೆ ಸೂಸಿದರು.</p>.<p><strong>ಗಿಯಾನ್ ಲೂಕಾಗೆ ಸೋಸಾ ಆಘಾತ</strong><br />ಸಿಂಗಲ್ಸ್ನಲ್ಲಿ ಪೋರ್ಚುಗೀಸ್ ಆಟಗಾರ ಸೋಸಾ ಅವರು ಮೂರನೇ ಶ್ರೇಯಾಂಕದ ಗಿಯಾನ್ಲೂಕಾ ಮೇಜರ್ಗೆ ಆಘಾತ ನೀಡಿದರು. ಮೊದಲ ಸೆಟ್ನಲ್ಲಿ ಹಿನ್ನಡೆ ಅನುಭವಿಸಿದ ಸೋಸಾ ನಂತರ ಅಮೋಘ ಆಟವಾಡಿ 4-6, 6-3, 7-6 (6-4)ರಲ್ಲಿ ಗೆಲುವು ಸಾಧಿಸಿದ ಕ್ವಾರ್ಟರ್ ಫೈನಲ್ಗೆ ಲಗ್ಗೆ ಇರಿಸಿದರು. ತಮಗಿಂತ ಹೆಚ್ಚು ರ್ಯಾಂಕಿಂಗ್ ಹೊಂದಿರುವ ಇಟಲಿಯ ಪ್ರತಿಭೆ ಲೊರೆನ್ಸೊ ಮುಸೆಟಿ ಅವರನ್ನು 7-6 (7-3), 3-6, 6-3ರಲ್ಲಿ ಮಣಿಸಿದ ವಿಶ್ವ ಕ್ರಮಾಂಕದಲ್ಲಿ 140ನೇ ಸ್ಥಾನದಲ್ಲಿರುವ ಆಟಗಾರ ಅಲೆಕ್ಸಾಂಡರ್ ವುಕಿಚ್ ಕೂಡ ಎಂಟರ ಘಟ್ಟ ಪ್ರವೇಶಿಸಿದರು.</p>.<p>ವೈಲ್ಡ್ ಕಾರ್ಡ್ ಮೂಲಕ ಪ್ರವೇಶ ಪಡೆದಿರುವ ಸ್ಥಳೀಯ ಆಟಗಾರ ಅರ್ಜುನ್ ಖಾಡೆ ಭಾರತದ ಪುರವ್ ರಾಜಾ ಜೊತೆಗೂಡಿ ಆಡುವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
