ಪ್ಯಾರಿಸ್‌: ಭಾರತದ ರೋಹನ್‌ ಬೋಪಣ್ಣ ಮತ್ತು ಕೆನಡಾದ ಡೆನಿಸ್‌ ಶಪೊವಲೊವ್‌ ಅವರು ಪ್ಯಾರಿಸ್‌ ಮಾಸ್ಟರ್ಸ್‌ ಟೆನಿಸ್‌ ಟೂರ್ನಿಯ ಪ್ರೀ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಗೆದ್ದು ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ್ದಾರೆ.
ಗುರವಾರ ನಡೆದ ಪಂದ್ಯದಲ್ಲಿಬೋಪಣ್ಣ–ಡೆನಿಸ್‌ ಜೋಡಿಯು, ಅಮೆರಿಕ–ಅರ್ಜಂಟೈನಾದ ಮ್ಯಾನುಯೆಲ್ ಗೊಂಜಾಲೆಜ್-ಆಸ್ಟಿನ್ ಕ್ರಾಜಿಸೆಕ್‌ ಎದುರು6–1, 6–3 ನೇರ ಸೆಟ್‌ಗಳಿಂದ ಜಯ ಸಾಧಿಸಿತು.
ಸೆಮಿಫೈನಲ್‌ ಪ್ರವೇಶಕ್ಕಾಗಿ ಶುಕ್ರವಾರ ನಡೆಯುವ ಹಣಾಹಣಿಯಲ್ಲಿರಷ್ಯಾದ ಕರೆನ್‌ ಕಚನೊವ್‌ ಮತ್ತು ಆ್ಯಂಡ್ರೆ ರುಬ್ಲೇವ್‌ ಎದುರುಬೋಪಣ್ಣ–ಡೆನಿಸ್‌ ಸೆಣಸಲಿದ್ದಾರೆ.
