ಆರೋಗ್ಯ ಕಾರ್ಯಕರ್ತರಿಗೆ ವಿಂಬಲ್ಡನ್‌ನಿಂದ ಸ್ಟ್ರಾಬೆರಿ
ಅಕ್ಷರ ಗಾತ್ರ :ಆ |ಆ |ಆ
ಲಂಡನ್: ವಿಂಬಲ್ಡನ್ ಸಂಘಟಿಸುವ ಆಲ್‌ ಇಂಗ್ಲೆಂಡ್ ಕ್ಲಬ್‌, ಕೊರೊನಾ ವೈರಸ್‌ ವಿರುದ್ಧದ ಹೋರಾಟದಲ್ಲಿ ತೊಡಗಿಸಿಕೊಂಡಿರುವ ಆರೋಗ್ಯ ಕಾರ್ಯಕರ್ತರಿಗೆ ಸ್ಟ್ರಾಬೆರಿಯನ್ನು ಉಚಿತವಾಗಿ ಹಂಚಲಿದೆ.
ಟೂರ್ನಿಯಲ್ಲಿ 26000 ಸ್ಟ್ರಾಬೆರಿಗಳನ್ನು ನೀಡಲು ಉದ್ದೇಶಿಸಿತ್ತು.ಆದರೆ ಕೊರೊನಾ ವೈರಸ್‌ ಲಾಕ್‌ಡೌನ್‌ನಿಂದಾಗಿ ವಿಂಬಲ್ಡನ್ ಟೆನಿಸ್ ಟೂರ್ನಿ ರದ್ದಾಗಿದೆ.
’ನಮ್ಮ ಕ್ಲಬ್‌ನಿಂದ ಇದೊಂದು ಸಣ್ಣ ಕಾಣಿಕೆಯಾಗಿದೆ. ರಾಷ್ಟ್ರೀಯ ಆರೋಗ್ಯ ಕಾರ್ಯಕರ್ತರು ಕೊರೊನಾ ವಿರುದ್ಧದ ಹೋರಾಟದಲ್ಲಿ ಮುಂಚೂಣಿಯಲ್ಲಿದ್ದಾರೆ. ಅವರಿಗೆ ನಮ್ಮ ಬೆಂಬಲ ವ್ಯಕ್ತಪಡಿಸುವ ರೀತಿ ಇದಾಗಿದೆ‘ ಎಂದು ವಿಂಬಲ್ಡನ್ ಆಯೋಜಕರು ಹೇಳಿದ್ದಾರೆ.
ಪ್ರತಿದಿನ 200 ಪೊಟ್ಟಣಗಳನ್ನು ನೀಡಲು ಉದ್ದೇಶಿಸಲಾಗಿದೆ. ಟೆನಿಸ್ ಟೂರ್ನಿ ಮತ್ತು ಸ್ಟ್ರಾಬೆರಿ ನಡುವಿನ ಸಂಬಂಧ ಹಳೆಯದು. ಇಲ್ಲಿ ಟೂರ್ನಿ ನಡೆಯುವ ಬೇಸಿಗೆ ಋತುವಿನಲ್ಲಿಯೇ ಸ್ಟ್ರಾಬೆರಿ ಫಸಲು ಕೂಡ ಇರುತ್ತದೆ. ಆದ್ದರಿಂದ ಈ ನಂಟು ಬೆಸೆದುಕೊಂಡಿದೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
