<p><strong>ಬೆಂಗಳೂರು: </strong>ಈ ಋತುವಿನ ಐ-ಲೀಗ್ ಫುಟ್ಬಾಲ್ ಟೂರ್ನಿಯಲ್ಲಿ ಹಿಂದೂಸ್ತಾನ್ ಏರೋನಾಟಿಕ್ಸ್ ಸ್ಪೋರ್ಟ್ಸ್ ಕ್ಲಬ್ (ಎಚ್ಎಎಲ್) ತಂಡ ಕಳಪೆ ಪ್ರದರ್ಶನ ನೀಡುತ್ತಿದೆ. ಇದರಿಂದ ಮುಂದಿನ ವರ್ಷದ ಐ ಲೀಗ್ನಿಂದ ಹೊರ ಬೀಳುವ ಭೀತಿ ಎದುರಿಸುತ್ತಿದೆ. ಆದ್ದರಿಂದ ಈ ಹಿನ್ನಡೆಯನ್ನು ತಡೆಯಲು ಎಚ್ಎಎಲ್ ಇನ್ನಷ್ಟು ವಿದೇಶಿ ಆಟಗಾರರನ್ನು ಖರೀದಿಸುವತ್ತ ಗಮನ ಹರಿಸಿದೆ.<br /> <br /> ಈಗಾಗಲೇ 13 ಪಂದ್ಯಗಳನ್ನಾಡಿರುವ ಎಚ್ಎಎಲ್ಗೆ ಈ ಋತುವಿನಲ್ಲಿ ಒಂದೂ ಪಂದ್ಯದಲ್ಲಿ ಗೆಲುವು ಪಡೆಯಲು ಸಾಧ್ಯವಾಗಿಲ್ಲ. ಎರಡು ಪಂದ್ಯಗಳನ್ನು ಡ್ರಾ ಮಾಡಿಕೊಂಡಿದ್ದಷ್ಟೇ ಈ ತಂಡದ ಸಾಧನೆ. ಒಟ್ಟು 27 ಪಾಯಿಂಟ್ ಹೊಂದಿರುವ ಗೋವಾದ ಡೆಂಪೋ ಸ್ಪೋರ್ಟ್ಸ್ ಕ್ಲಬ್ ಅಗ್ರಸ್ಥಾನದಲ್ಲಿದೆ. <br /> <br /> ಒಟ್ಟು 14 ತಂಡಗಳು ಸ್ಪರ್ಧಿಸಿರುವ ಐ ಲೀಗ್ನಲ್ಲಿ ಕೊನೆಯ ಸ್ಥಾನ ಆತಿಥೇಯ ಎಚ್ಎಎಲ್ ತಂಡದ್ದು. ಈಗ ಮೊದಲ ಸುತ್ತು ಮುಕ್ತಾಯ ಕಂಡಿದೆ. ಇನ್ನೂ 13 ಪಂದ್ಯಗಳನ್ನು ಆಡಬೇಕಿದೆ. ಇದರಲ್ಲಿ ಕನಿಷ್ಠ ಆರರಿಂದ-ಏಳು ಪಂದ್ಯಗಳಲ್ಲಿ ಗೆಲುವು ಅನಿವಾರ್ಯ. <br /> <br /> ಇತರ ಪಂದ್ಯಗಳ ಫಲಿತಾಂಶವನ್ನು ಸಹ ಅವಲಂಬಿಸಿದೆ. ಇಲ್ಲವಾದರೆ, ಎರಡನೇ ಡಿವಿಷನ್ಗೆ ಹಿಂಬಡ್ತಿ ಪಡೆಯಬೇಕಾಗುತ್ತದೆ. ಆದ್ದರಿಂದ, ತಂಡಕ್ಕೆ ವಿದೇಶಿ ಆಟಗಾರರನ್ನು ಕರೆ ತರಲು ಎಚ್ಎಎಲ್ ಮುಂದಾಗಿದೆ. <br /> <br /> `ಜಗಬ್ ಹಮ್ಜಾ ಹಾಗೂ ಜೋಸೆಫ್ ಸೆಮಿ (ಇಬ್ಬರೂ ನೈಜೇರಿಯಾ) ಅವರು ಈಗಾಗಲೇ ತಂಡದಲ್ಲಿದ್ದಾರೆ. ರೋಹಿತ್ ಚಂದ್ (ನೇಪಾಳ) ಅವರನ್ನು ತಂಡಕ್ಕೆ ಕರೆತರಲಾಗಿದೆ. ಮುಂದಿನ ಪಂದ್ಯದಲ್ಲಿ ಅವರು ಆಡುವ ನಿರೀಕ್ಷೆ ಇದೆ. ತಂಡದ `ಶಕ್ತಿ~ಯನ್ನು ಇನ್ನಷ್ಟು ಬಲ ಪಡಿಸಲು ಇನ್ನೂ ಇಬ್ಬರು ಆಟಗಾರರನ್ನು ಖರೀದಿಸಲು ನಿರ್ಧರಿಸಲಾಗಿದೆ. ಶೀಫ್ರದಲ್ಲಿಯೇ ಈ ಕಾರ್ಯ ಮುಗಿಯಲಿದೆ~ ಎಂದು ಎಚ್ಎಎಲ್ ತಂಡದ ಮ್ಯಾನೇಜರ್ ಎಂ. ಮುರಳೀಧರನ್ `ಪ್ರಜಾವಾಣಿ~ಗೆ ತಿಳಿಸಿದ್ದಾರೆ.<br /> <br /> `ತಂಡದಲ್ಲಿ ಈಗಾಗಲೇ ವಿದೇಶಿ ಆಟಗಾರರು ಇದ್ದಾರೆ. ಅದರಲ್ಲಿ ಸೆಮಿ ಗಾಯದ ಸಮಸ್ಯೆಗೆ ಒಳಗಾಗಿದ್ದಾರೆ. ಅವರು ನಮ್ಮ ತಂಡದ ಮುಖ್ಯ ಆಟಗಾರ. 2011 ನಮ್ಮ ಪಾಲಿಗೆ ಕರಾಳವಾಗಿತ್ತು. ಹೊಸ ವರ್ಷದ ಮೊದಲ ಪಂದ್ಯವನ್ನು ಡ್ರಾ ಮಾಡಿಕೊಂಡಿದ್ದೇವೆ. ಇನ್ನುಳಿದ ಪಂದ್ಯಗಳಲ್ಲಿ ಗೆಲುವು ಪಡೆಯುತ್ತೇವೆ~ ಎನ್ನುವ ವಿಶ್ವಾಸವನ್ನು ಅವರು ವ್ಯಕ್ತಪಡಿಸಿದ್ದಾರೆ.<br /> <br /> `ಆಡಿರುವ 13 ಪಂದ್ಯಗಳಲ್ಲಿ 11ರಲ್ಲಿ ಎಚ್ಎಎಲ್ ಸೋಲು ಕಂಡಿದೆ. ಉತ್ತಮ ಆರಂಭ ಪಡೆದರೂ, ದ್ವಿತಿಯಾರ್ಧದಲ್ಲಿ ಬಿಗಿ ಹಿಡಿತವನ್ನು ಸಡಿಲುಗೊಳಿಸುತ್ತಿರುವುದೇ ಸೋಲಿಗೆ ಕಾರಣವಾಗುತ್ತದೆ. ರಕ್ಷಣಾ ವಿಭಾಗದಲ್ಲಿ ಆಗುತ್ತಿರುವ ಲೋಪ ಎದುರಾಳಿ ತಂಡಕ್ಕೆ ವರವಾಗುತ್ತದೆ~ ಎನ್ನುವುದು ಮುರಳೀಧರನ್ ಅಭಿಪ್ರಾಯ.<br /> <br /> ಕೇವಲ ಎರಡು ಪಾಯಿಂಟ್ ಹೊಂದಿರುವ ಆತಿಥೇಯ ತಂಡ ಅಗ್ರ 11ರ ಒಳಗೆ ಸ್ಥಾನ ಪಡೆಯಬೇಕು. ಪೈಲಾನ್ ಆ್ಯರೋಸ್ (7 ಪಾಯಿಂಟ್), ಚಿರಾಗ್ ಯುನೈಟೆಡ್ ಕೇರಳ (8) ಹಾಗೂ ಗೋವಾದ ಸ್ಪೋರ್ಟಿಂಗ್ ಕ್ಲಬ್ (13) ಎಚ್ಎಎಲ್ಗಿಂತ ಮೇಲಿನ ಸ್ಥಾನದಲ್ಲಿವೆ. ಎಚ್ಎಎಲ್ `ಹಣೆ ಬರಹ~ ಈ ತಂಡಗಳ ಫಲಿತಾಂಶವನ್ನೂ ಸಹ ಅವಲಂಬಿಸಿದೆ. ಇದರ ಜೊತೆಗೆ ಆತಿಥೇಯ ತಂಡ ಗೆಲುವು ದಾಖಲಿಸಬೇಕು. ಅಂದಾಗ ಮಾತ್ರ ಆರ್.ಸಿ. ಪ್ರಕಾಶ್ ನೇತೃತ್ವದ ಎಚ್ಎಎಲ್ ತಂಡ ಮುಂದಿನ ಋತುವಿನಲ್ಲಿ ಆಡಲು ಸಾಧ್ಯವಾಗುತ್ತದೆ.<br /> <br /> `ನಮ್ಮ ತಂಡದ ಆಟಗಾರರು ಎದುರಾಳಿ ತಂಡಕ್ಕೆ ತಕ್ಕಂತೆ ಪ್ರಬಲ ಪೈಪೋಟಿ ನೀಡುತ್ತಿದ್ದಾರೆ. ಆದರೆ, ಫಲಿತಾಂಶ ಮಾತ್ರ ನಮ್ಮ ಪರ ಬರುತ್ತಿಲ್ಲ. ಸತತವಾಗಿ ಕಾಡುತ್ತಿರುವ ಗಾಯದ ಸಮಸ್ಯೆಯೂ ಇದಕ್ಕೆ ಕಾರಣ~ ಎಂದು ತಂಡದ ಕೋಚ್ ಆರ್. ತ್ಯಾಗರಾಜನ್ ಹೇಳಿದ್ದಾರೆ. <br /> <br /> ಮುಂದಿನ ಪಂದ್ಯಗಳಲ್ಲಿ `ಮಾಡು ಇಲ್ಲವೇ ಮಡಿ~ ಹೋರಾಟ ಅನಿವಾರ್ಯವಾದ್ದರಿಂದ ಮೂರರಿಂದ- ನಾಲ್ವರು ಆಟಗಾರರನ್ನು ಕೈ ಬಿಡುವ ಬಗ್ಗೆ ಚಿಂತನೆ ನಡೆಯುತ್ತಿದೆ ಎನ್ನುವ ಸುಳಿವನ್ನು ಸಹ ಅವರು ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಈ ಋತುವಿನ ಐ-ಲೀಗ್ ಫುಟ್ಬಾಲ್ ಟೂರ್ನಿಯಲ್ಲಿ ಹಿಂದೂಸ್ತಾನ್ ಏರೋನಾಟಿಕ್ಸ್ ಸ್ಪೋರ್ಟ್ಸ್ ಕ್ಲಬ್ (ಎಚ್ಎಎಲ್) ತಂಡ ಕಳಪೆ ಪ್ರದರ್ಶನ ನೀಡುತ್ತಿದೆ. ಇದರಿಂದ ಮುಂದಿನ ವರ್ಷದ ಐ ಲೀಗ್ನಿಂದ ಹೊರ ಬೀಳುವ ಭೀತಿ ಎದುರಿಸುತ್ತಿದೆ. ಆದ್ದರಿಂದ ಈ ಹಿನ್ನಡೆಯನ್ನು ತಡೆಯಲು ಎಚ್ಎಎಲ್ ಇನ್ನಷ್ಟು ವಿದೇಶಿ ಆಟಗಾರರನ್ನು ಖರೀದಿಸುವತ್ತ ಗಮನ ಹರಿಸಿದೆ.<br /> <br /> ಈಗಾಗಲೇ 13 ಪಂದ್ಯಗಳನ್ನಾಡಿರುವ ಎಚ್ಎಎಲ್ಗೆ ಈ ಋತುವಿನಲ್ಲಿ ಒಂದೂ ಪಂದ್ಯದಲ್ಲಿ ಗೆಲುವು ಪಡೆಯಲು ಸಾಧ್ಯವಾಗಿಲ್ಲ. ಎರಡು ಪಂದ್ಯಗಳನ್ನು ಡ್ರಾ ಮಾಡಿಕೊಂಡಿದ್ದಷ್ಟೇ ಈ ತಂಡದ ಸಾಧನೆ. ಒಟ್ಟು 27 ಪಾಯಿಂಟ್ ಹೊಂದಿರುವ ಗೋವಾದ ಡೆಂಪೋ ಸ್ಪೋರ್ಟ್ಸ್ ಕ್ಲಬ್ ಅಗ್ರಸ್ಥಾನದಲ್ಲಿದೆ. <br /> <br /> ಒಟ್ಟು 14 ತಂಡಗಳು ಸ್ಪರ್ಧಿಸಿರುವ ಐ ಲೀಗ್ನಲ್ಲಿ ಕೊನೆಯ ಸ್ಥಾನ ಆತಿಥೇಯ ಎಚ್ಎಎಲ್ ತಂಡದ್ದು. ಈಗ ಮೊದಲ ಸುತ್ತು ಮುಕ್ತಾಯ ಕಂಡಿದೆ. ಇನ್ನೂ 13 ಪಂದ್ಯಗಳನ್ನು ಆಡಬೇಕಿದೆ. ಇದರಲ್ಲಿ ಕನಿಷ್ಠ ಆರರಿಂದ-ಏಳು ಪಂದ್ಯಗಳಲ್ಲಿ ಗೆಲುವು ಅನಿವಾರ್ಯ. <br /> <br /> ಇತರ ಪಂದ್ಯಗಳ ಫಲಿತಾಂಶವನ್ನು ಸಹ ಅವಲಂಬಿಸಿದೆ. ಇಲ್ಲವಾದರೆ, ಎರಡನೇ ಡಿವಿಷನ್ಗೆ ಹಿಂಬಡ್ತಿ ಪಡೆಯಬೇಕಾಗುತ್ತದೆ. ಆದ್ದರಿಂದ, ತಂಡಕ್ಕೆ ವಿದೇಶಿ ಆಟಗಾರರನ್ನು ಕರೆ ತರಲು ಎಚ್ಎಎಲ್ ಮುಂದಾಗಿದೆ. <br /> <br /> `ಜಗಬ್ ಹಮ್ಜಾ ಹಾಗೂ ಜೋಸೆಫ್ ಸೆಮಿ (ಇಬ್ಬರೂ ನೈಜೇರಿಯಾ) ಅವರು ಈಗಾಗಲೇ ತಂಡದಲ್ಲಿದ್ದಾರೆ. ರೋಹಿತ್ ಚಂದ್ (ನೇಪಾಳ) ಅವರನ್ನು ತಂಡಕ್ಕೆ ಕರೆತರಲಾಗಿದೆ. ಮುಂದಿನ ಪಂದ್ಯದಲ್ಲಿ ಅವರು ಆಡುವ ನಿರೀಕ್ಷೆ ಇದೆ. ತಂಡದ `ಶಕ್ತಿ~ಯನ್ನು ಇನ್ನಷ್ಟು ಬಲ ಪಡಿಸಲು ಇನ್ನೂ ಇಬ್ಬರು ಆಟಗಾರರನ್ನು ಖರೀದಿಸಲು ನಿರ್ಧರಿಸಲಾಗಿದೆ. ಶೀಫ್ರದಲ್ಲಿಯೇ ಈ ಕಾರ್ಯ ಮುಗಿಯಲಿದೆ~ ಎಂದು ಎಚ್ಎಎಲ್ ತಂಡದ ಮ್ಯಾನೇಜರ್ ಎಂ. ಮುರಳೀಧರನ್ `ಪ್ರಜಾವಾಣಿ~ಗೆ ತಿಳಿಸಿದ್ದಾರೆ.<br /> <br /> `ತಂಡದಲ್ಲಿ ಈಗಾಗಲೇ ವಿದೇಶಿ ಆಟಗಾರರು ಇದ್ದಾರೆ. ಅದರಲ್ಲಿ ಸೆಮಿ ಗಾಯದ ಸಮಸ್ಯೆಗೆ ಒಳಗಾಗಿದ್ದಾರೆ. ಅವರು ನಮ್ಮ ತಂಡದ ಮುಖ್ಯ ಆಟಗಾರ. 2011 ನಮ್ಮ ಪಾಲಿಗೆ ಕರಾಳವಾಗಿತ್ತು. ಹೊಸ ವರ್ಷದ ಮೊದಲ ಪಂದ್ಯವನ್ನು ಡ್ರಾ ಮಾಡಿಕೊಂಡಿದ್ದೇವೆ. ಇನ್ನುಳಿದ ಪಂದ್ಯಗಳಲ್ಲಿ ಗೆಲುವು ಪಡೆಯುತ್ತೇವೆ~ ಎನ್ನುವ ವಿಶ್ವಾಸವನ್ನು ಅವರು ವ್ಯಕ್ತಪಡಿಸಿದ್ದಾರೆ.<br /> <br /> `ಆಡಿರುವ 13 ಪಂದ್ಯಗಳಲ್ಲಿ 11ರಲ್ಲಿ ಎಚ್ಎಎಲ್ ಸೋಲು ಕಂಡಿದೆ. ಉತ್ತಮ ಆರಂಭ ಪಡೆದರೂ, ದ್ವಿತಿಯಾರ್ಧದಲ್ಲಿ ಬಿಗಿ ಹಿಡಿತವನ್ನು ಸಡಿಲುಗೊಳಿಸುತ್ತಿರುವುದೇ ಸೋಲಿಗೆ ಕಾರಣವಾಗುತ್ತದೆ. ರಕ್ಷಣಾ ವಿಭಾಗದಲ್ಲಿ ಆಗುತ್ತಿರುವ ಲೋಪ ಎದುರಾಳಿ ತಂಡಕ್ಕೆ ವರವಾಗುತ್ತದೆ~ ಎನ್ನುವುದು ಮುರಳೀಧರನ್ ಅಭಿಪ್ರಾಯ.<br /> <br /> ಕೇವಲ ಎರಡು ಪಾಯಿಂಟ್ ಹೊಂದಿರುವ ಆತಿಥೇಯ ತಂಡ ಅಗ್ರ 11ರ ಒಳಗೆ ಸ್ಥಾನ ಪಡೆಯಬೇಕು. ಪೈಲಾನ್ ಆ್ಯರೋಸ್ (7 ಪಾಯಿಂಟ್), ಚಿರಾಗ್ ಯುನೈಟೆಡ್ ಕೇರಳ (8) ಹಾಗೂ ಗೋವಾದ ಸ್ಪೋರ್ಟಿಂಗ್ ಕ್ಲಬ್ (13) ಎಚ್ಎಎಲ್ಗಿಂತ ಮೇಲಿನ ಸ್ಥಾನದಲ್ಲಿವೆ. ಎಚ್ಎಎಲ್ `ಹಣೆ ಬರಹ~ ಈ ತಂಡಗಳ ಫಲಿತಾಂಶವನ್ನೂ ಸಹ ಅವಲಂಬಿಸಿದೆ. ಇದರ ಜೊತೆಗೆ ಆತಿಥೇಯ ತಂಡ ಗೆಲುವು ದಾಖಲಿಸಬೇಕು. ಅಂದಾಗ ಮಾತ್ರ ಆರ್.ಸಿ. ಪ್ರಕಾಶ್ ನೇತೃತ್ವದ ಎಚ್ಎಎಲ್ ತಂಡ ಮುಂದಿನ ಋತುವಿನಲ್ಲಿ ಆಡಲು ಸಾಧ್ಯವಾಗುತ್ತದೆ.<br /> <br /> `ನಮ್ಮ ತಂಡದ ಆಟಗಾರರು ಎದುರಾಳಿ ತಂಡಕ್ಕೆ ತಕ್ಕಂತೆ ಪ್ರಬಲ ಪೈಪೋಟಿ ನೀಡುತ್ತಿದ್ದಾರೆ. ಆದರೆ, ಫಲಿತಾಂಶ ಮಾತ್ರ ನಮ್ಮ ಪರ ಬರುತ್ತಿಲ್ಲ. ಸತತವಾಗಿ ಕಾಡುತ್ತಿರುವ ಗಾಯದ ಸಮಸ್ಯೆಯೂ ಇದಕ್ಕೆ ಕಾರಣ~ ಎಂದು ತಂಡದ ಕೋಚ್ ಆರ್. ತ್ಯಾಗರಾಜನ್ ಹೇಳಿದ್ದಾರೆ. <br /> <br /> ಮುಂದಿನ ಪಂದ್ಯಗಳಲ್ಲಿ `ಮಾಡು ಇಲ್ಲವೇ ಮಡಿ~ ಹೋರಾಟ ಅನಿವಾರ್ಯವಾದ್ದರಿಂದ ಮೂರರಿಂದ- ನಾಲ್ವರು ಆಟಗಾರರನ್ನು ಕೈ ಬಿಡುವ ಬಗ್ಗೆ ಚಿಂತನೆ ನಡೆಯುತ್ತಿದೆ ಎನ್ನುವ ಸುಳಿವನ್ನು ಸಹ ಅವರು ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
