<p><strong>ರಿಯೊ ಡಿ ಜನೈರೊ (ರಾಯಿಟರ್ಸ್): </strong> ಜಿಮ್ನಾಸ್ಟಿಕ್ಸ್ನಲ್ಲಿ ತಮಗೆ ಸರಿಸಾಟಿಯಾಗಿ ನಿಲ್ಲುವವರು ಯಾರೂ ಇಲ್ಲ ಎಂಬುದನ್ನು ಅಮೆರಿಕದ ಮಹಿಳೆಯರು ಮತ್ತೊಮ್ಮೆ ತೋರಿಸಿಕೊಟ್ಟರು.<br /> <br /> ರಿಯೊ ಒಲಿಂಪಿಕ್ ಕೂಟದಲ್ಲಿ ಮೈನವಿರೇಳಿಸುವ ಪ್ರದರ್ಶನ ನೀಡಿದ ಅಮೆರಿಕದ ಮಹಿಳೆಯರು ತಂಡ ವಿಭಾಗದ ಚಿನ್ನವನ್ನು ತಮ್ಮದಾಗಿಸಿಕೊಂಡರು.<br /> ವಿಶ್ವಚಾಂಪಿಯನ್ ಸಿಮೊನ್ ಬೈಲ್ಸ್, ಗ್ಯಾಬಿ ಡಗ್ಲಾಸ್, ಆ್ಯಲಿ ರೈಸ್ಮನ್, ಲಾರೆನ್ ಹೆರ್ನಾಂಡೆಜ್ ಮತ್ತು ಮ್ಯಾಡಿಸನ್ ಕೊಸಿಯಾನ್ ಅವರನ್ನೊಳಗೊಂಡ ಅಮೆರಿಕ ಒಟ್ಟು 184.897 ಪಾಯಿಂಟ್ಗಳನ್ನು ಗಳಿಸಿ ಅಗ್ರಸ್ಥಾನ ಪಡೆಯಿತು.<br /> <br /> ಲಂಡನ್ ಒಲಿಂಪಿಕ್ಸ್ನಲ್ಲೂ ಈ ವಿಭಾಗದ ಚಿನ್ನ ಅಮೆರಿಕದ ಪಾಲಾಗಿತ್ತು. ಅಮೆರಿಕ ಮಹಿಳೆಯರ ತಂಡ ಸತತ ಎರಡು ಒಲಿಂಪಿಕ್ಸ್ಗಳಲ್ಲಿ ಚಿನ್ನ ಜಯಿಸಿದ್ದು ಇದೇ ಮೊದಲು.<br /> <br /> 176.688 ಪಾಯಿಂಟ್ ಪಡೆದ ರಷ್ಯಾ ಮತ್ತು 176.003 ಪಾಯಿಂಟ್ ಕಲೆಹಾಕಿದ ಚೀನಾ ಕ್ರಮವಾಗಿ ಬೆಳ್ಳಿ ಹಾಗೂ ಕಂಚು ಜಯಿಸಿತು.<br /> ಅಮೆರಿಕ 8.209 ಪಾಯಿಂಟ್ಗಳ ಭಾರಿ ಅಂತರದಿಂದ ಚಿನ್ನ ಗೆದ್ದದ್ದು ಎಲ್ಲರಿಗೂ ಅಚ್ಚರಿ ಉಂಟುಮಾಡಿದೆ. ಜಿಮ್ನಾಸ್ಟಿಕ್ಸ್ನಲ್ಲಿ ಇಷ್ಟೊಂದು ಅಂತರ ಕಾಯ್ದುಕೊಳ್ಳುವುದು ಸುಲಭವಲ್ಲ. ರಷ್ಯಾ ಮತ್ತು ಚೀನಾ ತಂಡಗಳ ನಡುವಿನ ಪಾಯಿಂಟ್ಗಳ ಅಂತರ ಕೇವಲ 0.685 ಆಗಿದೆ.<br /> <br /> ಬೆಳ್ಳಿ ಗೆದ್ದ ರಷ್ಯಾ ಮತ್ತು ಫೈನಲ್ನಲ್ಲಿ ಕೊನೆಯ ಸ್ಥಾನ ಪಡೆದ ಬ್ರೆಜಿಲ್ ತಂಡಗಳ ನಡುವಿನ ಪಾಯಿಂಟ್ಗಳ ವ್ಯತ್ಯಾಸ 4.601 ಆಗಿದೆ. ಅಮೆರಿಕದ ಸ್ಪರ್ಧಿಗಳ ಪ್ರದರ್ಶನ ಎಷ್ಟೊಂದು ಆಕರ್ಷವಾಗಿತ್ತು ಎಂಬುದಕ್ಕೆ ಅವರು ಕಲೆಹಾಕಿದ ಪಾಯಿಂಟ್ಗಳೇ ಸಾಕ್ಷಿ.<br /> <br /> ಸಿಮೊನ್ ಬೈಲ್ಸ್ ರಿಯೊ ಕೂಟದಲ್ಲಿ ಐದು ಚಿನ್ನ ಗೆಲ್ಲುವ ಗುರಿ ಇಟ್ಟುಕೊಂಡಿದ್ದು, ಅದರಲ್ಲಿ ಮೊದಲ ಚಿನ್ನವನ್ನು ಕೊರಳಿಗೆ ಹಾಕಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಿಯೊ ಡಿ ಜನೈರೊ (ರಾಯಿಟರ್ಸ್): </strong> ಜಿಮ್ನಾಸ್ಟಿಕ್ಸ್ನಲ್ಲಿ ತಮಗೆ ಸರಿಸಾಟಿಯಾಗಿ ನಿಲ್ಲುವವರು ಯಾರೂ ಇಲ್ಲ ಎಂಬುದನ್ನು ಅಮೆರಿಕದ ಮಹಿಳೆಯರು ಮತ್ತೊಮ್ಮೆ ತೋರಿಸಿಕೊಟ್ಟರು.<br /> <br /> ರಿಯೊ ಒಲಿಂಪಿಕ್ ಕೂಟದಲ್ಲಿ ಮೈನವಿರೇಳಿಸುವ ಪ್ರದರ್ಶನ ನೀಡಿದ ಅಮೆರಿಕದ ಮಹಿಳೆಯರು ತಂಡ ವಿಭಾಗದ ಚಿನ್ನವನ್ನು ತಮ್ಮದಾಗಿಸಿಕೊಂಡರು.<br /> ವಿಶ್ವಚಾಂಪಿಯನ್ ಸಿಮೊನ್ ಬೈಲ್ಸ್, ಗ್ಯಾಬಿ ಡಗ್ಲಾಸ್, ಆ್ಯಲಿ ರೈಸ್ಮನ್, ಲಾರೆನ್ ಹೆರ್ನಾಂಡೆಜ್ ಮತ್ತು ಮ್ಯಾಡಿಸನ್ ಕೊಸಿಯಾನ್ ಅವರನ್ನೊಳಗೊಂಡ ಅಮೆರಿಕ ಒಟ್ಟು 184.897 ಪಾಯಿಂಟ್ಗಳನ್ನು ಗಳಿಸಿ ಅಗ್ರಸ್ಥಾನ ಪಡೆಯಿತು.<br /> <br /> ಲಂಡನ್ ಒಲಿಂಪಿಕ್ಸ್ನಲ್ಲೂ ಈ ವಿಭಾಗದ ಚಿನ್ನ ಅಮೆರಿಕದ ಪಾಲಾಗಿತ್ತು. ಅಮೆರಿಕ ಮಹಿಳೆಯರ ತಂಡ ಸತತ ಎರಡು ಒಲಿಂಪಿಕ್ಸ್ಗಳಲ್ಲಿ ಚಿನ್ನ ಜಯಿಸಿದ್ದು ಇದೇ ಮೊದಲು.<br /> <br /> 176.688 ಪಾಯಿಂಟ್ ಪಡೆದ ರಷ್ಯಾ ಮತ್ತು 176.003 ಪಾಯಿಂಟ್ ಕಲೆಹಾಕಿದ ಚೀನಾ ಕ್ರಮವಾಗಿ ಬೆಳ್ಳಿ ಹಾಗೂ ಕಂಚು ಜಯಿಸಿತು.<br /> ಅಮೆರಿಕ 8.209 ಪಾಯಿಂಟ್ಗಳ ಭಾರಿ ಅಂತರದಿಂದ ಚಿನ್ನ ಗೆದ್ದದ್ದು ಎಲ್ಲರಿಗೂ ಅಚ್ಚರಿ ಉಂಟುಮಾಡಿದೆ. ಜಿಮ್ನಾಸ್ಟಿಕ್ಸ್ನಲ್ಲಿ ಇಷ್ಟೊಂದು ಅಂತರ ಕಾಯ್ದುಕೊಳ್ಳುವುದು ಸುಲಭವಲ್ಲ. ರಷ್ಯಾ ಮತ್ತು ಚೀನಾ ತಂಡಗಳ ನಡುವಿನ ಪಾಯಿಂಟ್ಗಳ ಅಂತರ ಕೇವಲ 0.685 ಆಗಿದೆ.<br /> <br /> ಬೆಳ್ಳಿ ಗೆದ್ದ ರಷ್ಯಾ ಮತ್ತು ಫೈನಲ್ನಲ್ಲಿ ಕೊನೆಯ ಸ್ಥಾನ ಪಡೆದ ಬ್ರೆಜಿಲ್ ತಂಡಗಳ ನಡುವಿನ ಪಾಯಿಂಟ್ಗಳ ವ್ಯತ್ಯಾಸ 4.601 ಆಗಿದೆ. ಅಮೆರಿಕದ ಸ್ಪರ್ಧಿಗಳ ಪ್ರದರ್ಶನ ಎಷ್ಟೊಂದು ಆಕರ್ಷವಾಗಿತ್ತು ಎಂಬುದಕ್ಕೆ ಅವರು ಕಲೆಹಾಕಿದ ಪಾಯಿಂಟ್ಗಳೇ ಸಾಕ್ಷಿ.<br /> <br /> ಸಿಮೊನ್ ಬೈಲ್ಸ್ ರಿಯೊ ಕೂಟದಲ್ಲಿ ಐದು ಚಿನ್ನ ಗೆಲ್ಲುವ ಗುರಿ ಇಟ್ಟುಕೊಂಡಿದ್ದು, ಅದರಲ್ಲಿ ಮೊದಲ ಚಿನ್ನವನ್ನು ಕೊರಳಿಗೆ ಹಾಕಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
