<p><strong>ನವದೆಹಲಿ (ಪಿಟಿಐ):</strong> ಅಮೋಘ ಪ್ರದರ್ಶನ ಮುಂದುವರಿಸಿರುವ ಭಾರತದ ಸೈನಾ ನೆಹ್ವಾಲ್ ಬ್ಯಾಂಕಾಕ್ನಲ್ಲಿ ನಡೆಯುತ್ತಿರುವ ಥಾಯ್ಲೆಂಡ್ ಓಪನ್ ಗ್ರ್ಯಾನ್ ಪ್ರಿ ಗೋಲ್ಡ್ ಬ್ಯಾಡ್ಮಿಂಟನ್ ಟೂರ್ನಿಯ ಸಿಂಗಲ್ಸ್ ವಿಭಾಗದಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.</p>.<p>ಸಿಯು ಕ್ರೀಡಾ ಸಂಕೀರ್ಣದಲ್ಲಿ ಶುಕ್ರವಾರ ನಡೆದ ಕ್ವಾರ್ಟರ್ ಫೈನಲ್ನಲ್ಲಿ ಸೈನಾ 21-10, 22-20ರಲ್ಲಿ ಥಾಯ್ಲೆಂಡ್ನ ಸಪ್ಸಿರೀ ತಾಯೆರತ್ತಾಂಚಾಯಿ ಅವರನ್ನು ಪರಾಭವಗೊಳಿಸಿದರು. ಈ ಮೂಲಕ ಈ ಋತುವಿನಲ್ಲಿ ಎರಡನೇ ಪ್ರಶಸ್ತಿ ಜಯಿಸುವತ್ತ ಅವರು ದಾಪುಗಾಲಿರಿಸಿದ್ದಾರೆ.</p>.<p>ಅಗ್ರ ಶ್ರೇಯಾಂಕದ ಸೈನಾ ಮೊದಲ ಗೇಮ್ನಲ್ಲಿ ಎದುರಾಳಿ ಮೇಲೆ ಪೂರ್ಣ ಪಾರಮ್ಯ ಸಾಧಿಸಿದರು. ಪರಿಣಾಮಕಾರಿ ಸ್ಮ್ಯಾಷ್ಗಳ ಮೂಲಕ ಆತಿಥೇಯ ಆಟಗಾರ್ತಿ ಮೇಲೆ ಒತ್ತಡ ಹೇರುವಲ್ಲಿ ಯಶಸ್ವಿಯಾದರು. ಸತತ 8 ಪಾಯಿಂಟ್ ಗೆದ್ದಿದ್ದಕ್ಕೆ ಅದಕ್ಕೊಂದು ಸಾಕ್ಷಿ. </p>.<p>ಆದರೆ ಎರಡನೇ ಗೇಮ್ನಲ್ಲಿ ಐದನೇ ರ್ಯಾಂಕ್ನ ನೆಹ್ವಾಲ್ಗೆ ಪ್ರತಿರೋಧ ವ್ಯಕ್ತವಾಯಿತು. ಥಾಯ್ಲೆಂಡ್ನ ಸಪ್ಸಿರೀ ಈ ಗೇಮ್ನಲ್ಲಿ ಒಂದು ಹಂತದಲ್ಲಿ ಮುನ್ನಡೆ ಕೂಡ ಸಾಧಿಸಿದ್ದರು. ಆ ನಂತರ 19-19 ಪಾಯಿಂಟ್ಗೆ ಬಂದು ನಿಂತರು. ಈ ಸಂದರ್ಭದಲ್ಲಿ ದೀರ್ಘ ರ್ಯಾಲಿಗಳು ಕಂಡುಬಂದವು. ಬಳಿಕ ಪ್ರಭಾವಿ ಆಟದ ಮೂಲಕ ಮುನ್ನಡೆ ಪಡೆದ ಸೈನಾ ಗೇಮ್ ಹಾಗೂ ಪಂದ್ಯವನ್ನು ತಮ್ಮದಾಗಿಸಿಕೊಂಡರು. </p>.<p>`ಎಲ್ಲವೂ ಸುಗಮವಾಗಿ ಸಾಗುತ್ತಿದೆ. ಮೊದಲ ಗೇಮ್ನಲ್ಲಿ ಸುಲಭವಾಗಿ ಗೆದ್ದರು. ಆದರೆ ಎರಡನೇ ಗೇಮ್ನ ಆರಂಭದಲ್ಲಿ ಸೈನಾ ಅವಸರ ಮಾಡಿದರು. ಆಕ್ರಮಣಕಾರಿಯಾಗಿ ಆಡಲು ಹೋಗಿ ಕೆಲವೊಂದು ತಪ್ಪೆಸಗಿದರು~ ಎಂದು ರಾಷ್ಟ್ರೀಯ ಕೋಚ್ ಪಿ.ಗೋಪಿಚಂದ್ ತಿಳಿಸಿದರು.</p>.<p><strong>ಪ್ರಣೀತ್ಗೆ ಸೋಲು:</strong> ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಭಾರತದ ಸಾಯಿ ಪ್ರಣೀತ್ ಸೋಲು ಕಂಡರು. ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಪ್ರಣೀತ್ 15-21, 17-21ರಲ್ಲಿ ಚೀನಾದ ಚೆನ್ ಯೇಕನ್ ಎದುರು ನಿರಾಶೆ ಅನುಭವಿಸಿದರು.</p>.<p>ವರ್ಮ ಸಹೋದರರು ಕೂಡ ಟೂರ್ನಿಯಿಂದ ನಿರ್ಗಮಿಸಿದರು. ಎಂಟರ ಘಟ್ಟದ ಪಂದ್ಯದಲ್ಲಿ ಸೌರಭ್ ವರ್ಮ 6-21, 8-21ರಲ್ಲಿ ಇಂಡೋನೇಷ್ಯಾದ ಸೋನಿ ದ್ವಿ ಕುನ್ಕೊರೊ ಎದುರೂ, ಸಮೀರ್ ವರ್ಮ 16-21, 13-21ರಲ್ಲಿ ಚೀನಾದ ಹುವಾನ್ ಗಾವೊ ವಿರುದ್ಧವೂ ಪರಾಭವಗೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ):</strong> ಅಮೋಘ ಪ್ರದರ್ಶನ ಮುಂದುವರಿಸಿರುವ ಭಾರತದ ಸೈನಾ ನೆಹ್ವಾಲ್ ಬ್ಯಾಂಕಾಕ್ನಲ್ಲಿ ನಡೆಯುತ್ತಿರುವ ಥಾಯ್ಲೆಂಡ್ ಓಪನ್ ಗ್ರ್ಯಾನ್ ಪ್ರಿ ಗೋಲ್ಡ್ ಬ್ಯಾಡ್ಮಿಂಟನ್ ಟೂರ್ನಿಯ ಸಿಂಗಲ್ಸ್ ವಿಭಾಗದಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.</p>.<p>ಸಿಯು ಕ್ರೀಡಾ ಸಂಕೀರ್ಣದಲ್ಲಿ ಶುಕ್ರವಾರ ನಡೆದ ಕ್ವಾರ್ಟರ್ ಫೈನಲ್ನಲ್ಲಿ ಸೈನಾ 21-10, 22-20ರಲ್ಲಿ ಥಾಯ್ಲೆಂಡ್ನ ಸಪ್ಸಿರೀ ತಾಯೆರತ್ತಾಂಚಾಯಿ ಅವರನ್ನು ಪರಾಭವಗೊಳಿಸಿದರು. ಈ ಮೂಲಕ ಈ ಋತುವಿನಲ್ಲಿ ಎರಡನೇ ಪ್ರಶಸ್ತಿ ಜಯಿಸುವತ್ತ ಅವರು ದಾಪುಗಾಲಿರಿಸಿದ್ದಾರೆ.</p>.<p>ಅಗ್ರ ಶ್ರೇಯಾಂಕದ ಸೈನಾ ಮೊದಲ ಗೇಮ್ನಲ್ಲಿ ಎದುರಾಳಿ ಮೇಲೆ ಪೂರ್ಣ ಪಾರಮ್ಯ ಸಾಧಿಸಿದರು. ಪರಿಣಾಮಕಾರಿ ಸ್ಮ್ಯಾಷ್ಗಳ ಮೂಲಕ ಆತಿಥೇಯ ಆಟಗಾರ್ತಿ ಮೇಲೆ ಒತ್ತಡ ಹೇರುವಲ್ಲಿ ಯಶಸ್ವಿಯಾದರು. ಸತತ 8 ಪಾಯಿಂಟ್ ಗೆದ್ದಿದ್ದಕ್ಕೆ ಅದಕ್ಕೊಂದು ಸಾಕ್ಷಿ. </p>.<p>ಆದರೆ ಎರಡನೇ ಗೇಮ್ನಲ್ಲಿ ಐದನೇ ರ್ಯಾಂಕ್ನ ನೆಹ್ವಾಲ್ಗೆ ಪ್ರತಿರೋಧ ವ್ಯಕ್ತವಾಯಿತು. ಥಾಯ್ಲೆಂಡ್ನ ಸಪ್ಸಿರೀ ಈ ಗೇಮ್ನಲ್ಲಿ ಒಂದು ಹಂತದಲ್ಲಿ ಮುನ್ನಡೆ ಕೂಡ ಸಾಧಿಸಿದ್ದರು. ಆ ನಂತರ 19-19 ಪಾಯಿಂಟ್ಗೆ ಬಂದು ನಿಂತರು. ಈ ಸಂದರ್ಭದಲ್ಲಿ ದೀರ್ಘ ರ್ಯಾಲಿಗಳು ಕಂಡುಬಂದವು. ಬಳಿಕ ಪ್ರಭಾವಿ ಆಟದ ಮೂಲಕ ಮುನ್ನಡೆ ಪಡೆದ ಸೈನಾ ಗೇಮ್ ಹಾಗೂ ಪಂದ್ಯವನ್ನು ತಮ್ಮದಾಗಿಸಿಕೊಂಡರು. </p>.<p>`ಎಲ್ಲವೂ ಸುಗಮವಾಗಿ ಸಾಗುತ್ತಿದೆ. ಮೊದಲ ಗೇಮ್ನಲ್ಲಿ ಸುಲಭವಾಗಿ ಗೆದ್ದರು. ಆದರೆ ಎರಡನೇ ಗೇಮ್ನ ಆರಂಭದಲ್ಲಿ ಸೈನಾ ಅವಸರ ಮಾಡಿದರು. ಆಕ್ರಮಣಕಾರಿಯಾಗಿ ಆಡಲು ಹೋಗಿ ಕೆಲವೊಂದು ತಪ್ಪೆಸಗಿದರು~ ಎಂದು ರಾಷ್ಟ್ರೀಯ ಕೋಚ್ ಪಿ.ಗೋಪಿಚಂದ್ ತಿಳಿಸಿದರು.</p>.<p><strong>ಪ್ರಣೀತ್ಗೆ ಸೋಲು:</strong> ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಭಾರತದ ಸಾಯಿ ಪ್ರಣೀತ್ ಸೋಲು ಕಂಡರು. ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಪ್ರಣೀತ್ 15-21, 17-21ರಲ್ಲಿ ಚೀನಾದ ಚೆನ್ ಯೇಕನ್ ಎದುರು ನಿರಾಶೆ ಅನುಭವಿಸಿದರು.</p>.<p>ವರ್ಮ ಸಹೋದರರು ಕೂಡ ಟೂರ್ನಿಯಿಂದ ನಿರ್ಗಮಿಸಿದರು. ಎಂಟರ ಘಟ್ಟದ ಪಂದ್ಯದಲ್ಲಿ ಸೌರಭ್ ವರ್ಮ 6-21, 8-21ರಲ್ಲಿ ಇಂಡೋನೇಷ್ಯಾದ ಸೋನಿ ದ್ವಿ ಕುನ್ಕೊರೊ ಎದುರೂ, ಸಮೀರ್ ವರ್ಮ 16-21, 13-21ರಲ್ಲಿ ಚೀನಾದ ಹುವಾನ್ ಗಾವೊ ವಿರುದ್ಧವೂ ಪರಾಭವಗೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>