ನಮ್ಮ ಹಕ್ಕನ್ನು ಸರಿಯಾಗಿ ಚಲಾಯಿಸದಿದ್ದರೆ, ರಾಜಕಾರಣಿಗಳನ್ನು ದೂರುವ ಹಕ್ಕೂ ನಮಗಿರುವುದಿಲ್ಲ. ಇತರರಿಗೆ ಮತ ಹಾಕಿ ಎಂದು ಉಪದೇಶಿಸುವ ಮೊದಲು, ನಾವು ಮತದಾನ ಮಾಡಿ ಇತರರಿಗೆ ಮಾದರಿಯಾಗಬೇಕು. ಚುನಾವಣೆಗೆ ನಿಂತ ಅಭ್ಯರ್ಥಿ ತನ್ನ ಕ್ಷೇತ್ರಕ್ಕೆ ನೀಡಿದ ಕೊಡುಗೆಗಳೇನು? ಆತನ ವ್ಯಕ್ತಿತ್ವ, ಸಾಮರ್ಥ್ಯದ ಕುರಿತು ಯೋಚಿಸಿ ಸರಿಯಾದವರನ್ನೇ ಆಯ್ಕೆ ಮಾಡುವುದು ನಮ್ಮ ಹೊಣೆ. ಆಶ್ವಾಸನೆ ನೀಡುವವರಿಗೆ ಮತ ಹಾಕದೇ ದೇಶಕ್ಕಾಗಿ ದುಡಿಯುವ ಅಭ್ಯರ್ಥಿಗೆ ವೋಟ್ ಹಾಕಿ. ಸಾಮಾಜಿಕ ಜವಾಬ್ದಾರಿ ನಿಭಾಯಿಸಿ.