ಗ್ರಾ.ಪಂ. ಮಾಜಿ ಸದಸ್ಯನಿಗೆ ಜೈಲು

ಶನಿವಾರ, ಏಪ್ರಿಲ್ 20, 2019
29 °C

ಗ್ರಾ.ಪಂ. ಮಾಜಿ ಸದಸ್ಯನಿಗೆ ಜೈಲು

Published:
Updated:

ಬೆಂಗಳೂರು: ‘ಪರಿಶಿಷ್ಟರ ಮೇಲಿನ ದೌರ್ಜನ್ಯ ತಡೆ ಕಾಯ್ದೆ’ ಅಡಿ ದಾಖಲಾಗಿದ್ದ ಪ್ರಕರಣದಲ್ಲಿ ಎನ್‌.ಜಿ. ಗೊಲ್ಲಹಳ್ಳಿಯ ಗ್ರಾಮ ಪಂಚಾಯಿತಿ ಮಾಜಿ ಸದಸ್ಯ ಮುನಿರಾಜು ಸೇರಿದಂತೆ ಎಂಟು ಮಂದಿಗೆ 2 ವರ್ಷಗಳ ಜೈಲು ವಿಧಿಸಿ ನಗರದ 71ನೇ ಸಿಸಿಎಚ್ ನ್ಯಾಯಾಲಯ ಗುರುವಾರ ಆದೇಶ ಹೊರಡಿಸಿದೆ.

ಎನ್‌.ಜಿ. ಗೊಲ್ಲಹಳ್ಳಿ ನಿವಾಸಿಯಾದ ಪರಿಶಿಷ್ಟ ಜಾತಿಗೆ ಸೇರಿದ್ದ ಚಿಕ್ಕ ವೆಂಕಟೇಶ್ ಎಂಬುವರು ಸಮುದಾಯ ಭವನದ ಕಟ್ಟಡ ಕಾಮಗಾರಿ ಮಾಡಿಸುತ್ತಿದ್ದರು. 2010ರ ಮೇ 18ರಂದು ಸ್ಥಳಕ್ಕೆ ಹೋಗಿದ್ದ ಮುನಿರಾಜು ಹಾಗೂ ಇತರೆ ಏಳು ಮಂದಿ, ಜಾತಿ ನಿಂದನೆ ಮಾಡಿ ದೊಣ್ಣೆ ಹಾಗೂ ಕಬ್ಬಿಣದ ರಾಡಿನಿಂದ ಹೊಡೆದಿದ್ದರು.

ತೀವ್ರ ಗಾಯಗೊಂಡಿದ್ದ ವೆಂಕಟೇಶ್‌, ಚಿಕಿತ್ಸೆ ಪಡೆದುಕೊಂಡಿದ್ದರು. ಅವರ ಹೇಳಿಕೆ ಆಧರಿಸಿ ‘ಪರಿಶಿಷ್ಟರ ಮೇಲಿನ ದೌರ್ಜನ್ಯ ತಡೆ ಕಾಯ್ದೆ’ ಅಡಿ ಮುನಿರಾಜು, ಸುರೇಶ್, ದೇವರಾಜ್, ಕುಮಾರಸ್ವಾಮಿ, ಭಾಸ್ಕರ್, ಪಿಳ್ಳಯ್ಯ ಹಾಗೂ ಮೂರ್ತಿ ಎಂಬುವರ ವಿರುದ್ಧ ಕೊತ್ತನೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ತನಿಖೆ ನಡೆಸಿದ್ದ ಸಂಪಿಗೆಹಳ್ಳಿ ಉಪವಿಭಾಗದ ಎಸಿಪಿ, ನ್ಯಾಯಾಲಯಕ್ಕೆ ದೋಷಾರೋಪ ಪಟ್ಟಿ ಸಲ್ಲಿಸಿದ್ದರು.

ಪ್ರಕರಣದ ವಿಚಾರಣೆಯನ್ನು ನ್ಯಾಯಾಧೀಶ ಮೋಹನ್‌ ಪ್ರಭು ನಡೆಸಿದ್ದರು. ಪಬ್ಲಿಕ್ ಪ್ರಾಸಿಕ್ಯೂಟರ್ ಕೆ.ಜೆ.ಮೀನಾ ಕುಮಾರಿ ವಾದಿಸಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !