<p><strong>ನವದೆಹಲಿ:</strong> ಭಾರತ– ನೇಪಾಳ ಮಧ್ಯೆ ಹೊಸ ವಿವಾದಕ್ಕೆ ಕಾರಣವಾಗಿರುವ ಲಿಪುಲೇಖ್ ಪಾಸ್ ಬಳಿ, ಚೀನಾ ತನ್ನ ಸೇನಾ ಜಮಾವಣೆಯನ್ನು ಹೆಚ್ಚಿಸಿದೆ.</p>.<p>ಲಿಪುಲೇಖ್ ಪಾಸ್ ವಿಚಾರದಲ್ಲಿ ಭಾರತದ ಜತೆಗೆ ತಗಾದೆ ತೆಗೆಯುವಂತೆ ನೇಪಾಳದ ಪ್ರಧಾನಿ ಕೆ.ಪಿ. ಶರ್ಮಾ ಒಲಿ ಅವರಿಗೆ ಕುಮ್ಮಕ್ಕು ನೀಡಿದ್ದ ಚೀನಾ, ಈಗ ಮೂರು ರಾಷ್ಟ್ರಗಳ ಗಡಿಗಳು ಸಂಧಿಸುವ ಈ ಪ್ರದೇಶದಲ್ಲಿ ಸೇನೆಯ ಜಮಾವಣೆ ಹೆಚ್ಚಿಸುವ ಮೂಲಕ ಭಾರತಕ್ಕೆ ಎಚ್ಚರಿಸುವ ಸಂದೇಶ ರವಾನಿಸುತ್ತಿದೆ ಎಂದು ವಿಶ್ಲೇಷಿಸಲಾಗಿದೆ. ಎರಡು ತಿಂಗಳಹಿಂದೆ ಗಡಿ ಸಂಘರ್ಷ ನಡೆದ ಸ್ಥಳದಿಂದ ಸೇನೆಯನ್ನು ಹಿಂಪಡೆಯುವ ಪ್ರಕ್ರಿಯೆಯನ್ನು ಸಹ ಚೀನಾ ನಿಧಾನಗೊಳಿಸಿದೆ.</p>.<p>ಲಿಪುಲೇಖ್ ಪಾಸ್ ಬಳಿ ಚೀನಾ ಸೇನೆಯ ಚಟುವಟಿಕೆಗಳು ಹೆಚ್ಚಿರುವುದನ್ನು ಮನಗಂಡಿರುವ ಭಾರತವೂ ಅಲ್ಲಿಗೆ ಸೇನಾ<br />ಪಡೆಗಳನ್ನು ನಿಯೋಜಿಸಿದೆ’ ಎಂದು ಮೂಲಗಳು ‘ಪ್ರಜಾವಾಣಿ’ಗೆ ತಿಳಿಸಿವೆ.</p>.<p>ಕೆಲವು ತಿಂಗಳ ಹಿಂದೆಯಷ್ಟೇ ಭಾರತದ ಸುಮಾರು 400 ಚದರ ಕಿ.ಮೀ. ಪ್ರದೇಶವನ್ನು ತನ್ನದೆಂದು ವಾದಿಸಿದ ನೇಪಾಳ ಸರ್ಕಾರವು, ಆ ಕುರಿತ ಹೊಸ ನಕ್ಷೆಯನ್ನು ತಯಾರಿಸಿ ಸಂಸತ್ತಿನ ಅನುಮೋದನೆಯನ್ನೂ ಪಡೆದಿತ್ತು. ಇದಕ್ಕೆ ಭಾರತ ವಿರೋಧ ವ್ಯಕ್ತಪಡಿಸಿತ್ತು. ‘ನೇಪಾಳದ ಈ ನಡೆಯ ಹಿಂದೆ ಚೇನಾದ ಕುಮ್ಮಕ್ಕು ಇದೆ’ ಎಂದು ಭಾರತ ಆರೋಪಿಸಿತ್ತು. ತಾನು ರೂಪಿಸಿರುವ ಹೊಸ ನಕ್ಷೆಗೆ ಮಾನ್ಯತೆ ನೀಡುವಂತೆ ಒತ್ತಾಯಿಸಿ ಅದನ್ನು ವಿಶ್ವ ಸಂಸ್ಥೆಗೆ ಕಳುಹಿಸಲು ಮತ್ತು ಗೂಗಲ್ ಸಂಸ್ಥೆಗೂ ಈ ಮ್ಯಾಪ್ ಕಳುಹಿಸಿ, ಗೂಗಲ್ ಮ್ಯಾಪ್ನಲ್ಲಿ ಇನ್ನು ಮುಂದೆ ಲಿಪುಲೇಖ್ ಪಾಸ್ ಅನ್ನು ನೇಪಾಳದ ಭಾಗವೆಂದು ತೋರಿಸಬೇಕು ಎಂದು ಸೂಚಿಸಲು ನೇಪಾಳ ನಿರ್ಧರಿಸಿದೆ.</p>.<p>ಕಳೆದ ಕೆಲವು ವಾರಗಳಿಂದ ಭಾರತ ಗಡಿಯಲ್ಲಿರುವ ತನ್ನ ನಾಲ್ಕು ಗಡಿ ಠಾಣೆಗಳಲ್ಲಿ ನೇಪಾಳವು ಪೊಲೀಸ್ ಸಿಬ್ಬಂದಿಯನ್ನು ನಿಯೋಜಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಭಾರತ– ನೇಪಾಳ ಮಧ್ಯೆ ಹೊಸ ವಿವಾದಕ್ಕೆ ಕಾರಣವಾಗಿರುವ ಲಿಪುಲೇಖ್ ಪಾಸ್ ಬಳಿ, ಚೀನಾ ತನ್ನ ಸೇನಾ ಜಮಾವಣೆಯನ್ನು ಹೆಚ್ಚಿಸಿದೆ.</p>.<p>ಲಿಪುಲೇಖ್ ಪಾಸ್ ವಿಚಾರದಲ್ಲಿ ಭಾರತದ ಜತೆಗೆ ತಗಾದೆ ತೆಗೆಯುವಂತೆ ನೇಪಾಳದ ಪ್ರಧಾನಿ ಕೆ.ಪಿ. ಶರ್ಮಾ ಒಲಿ ಅವರಿಗೆ ಕುಮ್ಮಕ್ಕು ನೀಡಿದ್ದ ಚೀನಾ, ಈಗ ಮೂರು ರಾಷ್ಟ್ರಗಳ ಗಡಿಗಳು ಸಂಧಿಸುವ ಈ ಪ್ರದೇಶದಲ್ಲಿ ಸೇನೆಯ ಜಮಾವಣೆ ಹೆಚ್ಚಿಸುವ ಮೂಲಕ ಭಾರತಕ್ಕೆ ಎಚ್ಚರಿಸುವ ಸಂದೇಶ ರವಾನಿಸುತ್ತಿದೆ ಎಂದು ವಿಶ್ಲೇಷಿಸಲಾಗಿದೆ. ಎರಡು ತಿಂಗಳಹಿಂದೆ ಗಡಿ ಸಂಘರ್ಷ ನಡೆದ ಸ್ಥಳದಿಂದ ಸೇನೆಯನ್ನು ಹಿಂಪಡೆಯುವ ಪ್ರಕ್ರಿಯೆಯನ್ನು ಸಹ ಚೀನಾ ನಿಧಾನಗೊಳಿಸಿದೆ.</p>.<p>ಲಿಪುಲೇಖ್ ಪಾಸ್ ಬಳಿ ಚೀನಾ ಸೇನೆಯ ಚಟುವಟಿಕೆಗಳು ಹೆಚ್ಚಿರುವುದನ್ನು ಮನಗಂಡಿರುವ ಭಾರತವೂ ಅಲ್ಲಿಗೆ ಸೇನಾ<br />ಪಡೆಗಳನ್ನು ನಿಯೋಜಿಸಿದೆ’ ಎಂದು ಮೂಲಗಳು ‘ಪ್ರಜಾವಾಣಿ’ಗೆ ತಿಳಿಸಿವೆ.</p>.<p>ಕೆಲವು ತಿಂಗಳ ಹಿಂದೆಯಷ್ಟೇ ಭಾರತದ ಸುಮಾರು 400 ಚದರ ಕಿ.ಮೀ. ಪ್ರದೇಶವನ್ನು ತನ್ನದೆಂದು ವಾದಿಸಿದ ನೇಪಾಳ ಸರ್ಕಾರವು, ಆ ಕುರಿತ ಹೊಸ ನಕ್ಷೆಯನ್ನು ತಯಾರಿಸಿ ಸಂಸತ್ತಿನ ಅನುಮೋದನೆಯನ್ನೂ ಪಡೆದಿತ್ತು. ಇದಕ್ಕೆ ಭಾರತ ವಿರೋಧ ವ್ಯಕ್ತಪಡಿಸಿತ್ತು. ‘ನೇಪಾಳದ ಈ ನಡೆಯ ಹಿಂದೆ ಚೇನಾದ ಕುಮ್ಮಕ್ಕು ಇದೆ’ ಎಂದು ಭಾರತ ಆರೋಪಿಸಿತ್ತು. ತಾನು ರೂಪಿಸಿರುವ ಹೊಸ ನಕ್ಷೆಗೆ ಮಾನ್ಯತೆ ನೀಡುವಂತೆ ಒತ್ತಾಯಿಸಿ ಅದನ್ನು ವಿಶ್ವ ಸಂಸ್ಥೆಗೆ ಕಳುಹಿಸಲು ಮತ್ತು ಗೂಗಲ್ ಸಂಸ್ಥೆಗೂ ಈ ಮ್ಯಾಪ್ ಕಳುಹಿಸಿ, ಗೂಗಲ್ ಮ್ಯಾಪ್ನಲ್ಲಿ ಇನ್ನು ಮುಂದೆ ಲಿಪುಲೇಖ್ ಪಾಸ್ ಅನ್ನು ನೇಪಾಳದ ಭಾಗವೆಂದು ತೋರಿಸಬೇಕು ಎಂದು ಸೂಚಿಸಲು ನೇಪಾಳ ನಿರ್ಧರಿಸಿದೆ.</p>.<p>ಕಳೆದ ಕೆಲವು ವಾರಗಳಿಂದ ಭಾರತ ಗಡಿಯಲ್ಲಿರುವ ತನ್ನ ನಾಲ್ಕು ಗಡಿ ಠಾಣೆಗಳಲ್ಲಿ ನೇಪಾಳವು ಪೊಲೀಸ್ ಸಿಬ್ಬಂದಿಯನ್ನು ನಿಯೋಜಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
