ಪಾಕ್‌: ಹಿಂದೂ ಬಾಲಕಿಯರ ಮತಾಂತರ ತಡೆಗೆ ನಿರ್ಣಯ

ಗ್ರ್ಯಾಂಡ್‌ ಡೆಮಾಕ್ರಟಿಕ್ ಅಲಯನ್ಸ್ (ಜಿಡಿಎ) ಸಂಸದ ನಂದಕುಮಾರ್ ಗೋಕ್ಲಾನಿ ಮಂಡಿಸಿದ ನಿರ್ಣಯಕ್ಕೆ ಆಡಳಿತಾರೂಢ ಪಾಕಿಸ್ತಾನ್‌ ಪೀಪಲ್ಸ್‌ ಪಾರ್ಟಿ, ಮುತ್ತಾಹಿದಾ ಕ್ಯಾಮಿ ಮೂಮೆಂಟ್‌ (ಎಂಒಎಂ), ಪಾಕಿಸ್ತಾನಿ ತೆಹ್ರಿಕ್‌–ಎ–ಇನ್ಸಾಫ್‌ (ಪಿಟಿಐ) ಹಾಗೂ ಜಮಾತ್‌ –ಎ–ಇಸ್ಲಾಮಿ ಪಕ್ಷಗಳು ಬೆಂಬಲ ನೀಡಿದವು ಎಂದು ಎಕ್ಸ್‌ಪ್ರೆಸ್ ಟ್ರಿಬ್ಯೂನ್‌ ವರದಿ ಮಾಡಿದೆ.

ಹಿಂದೂ ಹಾಗೂ ಕ್ರೈಸ್ತ ಸಮುದಾಯದ ಬಾಲಕಿಯರನ್ನು ಬಲವಂತವಾಗಿ ಮತಾಂತರ ಮಾಡಿರುವ ಸಾವಿರಕ್ಕೂ ಹೆಚ್ಚು ಪ್ರಕರಣಗಳು ಸಿಂಧ್‌ ಪ್ರಾಂತ್ಯದಲ್ಲಿಯೇ ಪತ್ತೆಯಾಗಿವೆ ಎಂದು ಪಾಕಿಸ್ತಾನದ ಮಾನವ ಹಕ್ಕುಗಳ ಆಯೋಗದ ವರದಿಯಲ್ಲಿ ಉಲ್ಲೇಖವಾದ ತಿಂಗಳಲ್ಲಿಯೇ, ಅದನ್ನು ತಡೆಗಟ್ಟಲು ವಿಧಾನಸಭೆ ನಿರ್ಣಯ ಅಂಗೀಕರಿಸಿದೆ.