ಶನಿವಾರ, ಜೂನ್ 6, 2020
27 °C

ಚೀನಾ: ಈ ವರ್ಷ ಜಿಡಿಪಿ ಗುರಿ ಇಲ್ಲ

ಪಿಟಿಐ Updated:

ಅಕ್ಷರ ಗಾತ್ರ : | |

ಬೀಜಿಂಗ್‌ : ಕೋವಿಡ್‌–19 ಹಿನ್ನೆಲೆಯಲ್ಲಿ ವಿಳಂಬ ವಾಗಿದ್ದ ಚೀನಾದ ವಾರ್ಷಿಕ ಸಂಸತ್‌ ಅಧಿವೇಶನ ಶುಕ್ರವಾರ ಆರಂಭವಾಗಿದೆ.

‘ಕೊರೊನಾ ಪಿಡುಗಿನಿಂದಾಗಿ ಚೀನಾ ಹಾಗೂ ವಿಶ್ವದ ಆರ್ಥಿಕತೆ ಕುಸಿದಿದ್ದು, ಅಂತರರಾಷ್ಟ್ರೀಯ ವ್ಯಾಪಾರ ಇಳಿಕೆಯಾಗಿರುವುದರಿಂದ ಸರ್ಕಾರ ಈ ವರ್ಷ ಯಾವುದೇ ಆರ್ಥಿಕ ವೃದ್ಧಿ ದರದ (ಜಿಡಿಪಿ) ಗುರಿ ಇರಿಸಿಲ್ಲ’ ಎಂದು ಚೀನಾ ಪ್ರಧಾನಿ ಲಿ ಕೆಚಾಂಗ್‌ ತಿಳಿಸಿದರು. 

‘ಕೊರೊನಾ ಸಂದರ್ಭದಲ್ಲಿ ಮುಂದಿನ ಬೆಳವಣಿಗೆಗಳನ್ನು ಊಹಿಸಲು ಕಷ್ಟ. ಹೀಗಾಗಿ ಜಿಡಿಪಿ ಗುರಿ ಇರಿಸಿಲ್ಲ. 2018ಕ್ಕೆ ಹೋಲಿಸಿದರೆ 2019ರಲ್ಲಿ ಜಿಡಿಪಿ ಶೇ 6.1ರಷ್ಟು ಹೆಚ್ಚಾಗಿದೆ. 1.35 ಕೋಟಿ ಉದ್ಯೋಗ ಸೃಷ್ಟಿಯಾಗಿದ್ದು, ನಿರುದ್ಯೋಗ ಪ್ರಮಾಣ ಶೇ 5.3ರ ಕೆಳಗಿದಿದೆ’ ಎಂದರು.      

ಕೊರೊನಾ ಸೋಂಕಿನ ಕಾರಣ ಮಾರ್ಚ್‌ನಲ್ಲಿ ನಡೆಯಬೇಕಿದ್ದ ಅಧಿವೇಶನವನ್ನು ಮುಂದೂಡಲಾಗಿತ್ತು. ಶುಕ್ರವಾರ ಭಾರಿ ಭದ್ರತೆಯ ನಡುವೆ ಗ್ರೇಟ್‌ ಹಾಲ್‌ ಆಫ್‌ ಪೀಪಲ್‌ನಲ್ಲಿ 2,900ಕ್ಕೂ ಅಧಿಕ ಸದಸ್ಯರು ಅಧಿ ವೇಶನದಲ್ಲಿ ಭಾಗವಹಿಸಿದರು. ಎಲ್ಲ ಸದಸ್ಯರು ಕೋವಿಡ್‌–19 ಪರೀಕ್ಷೆಗೆ ಒಳಪಟ್ಟು ಸಭಾಂಗಣವನ್ನು ಪ್ರವೇಶಿಸಿದರು. ಅಧಿವೇಶನದಲ್ಲಿ ಸೋಂಕಿನಿಂದ ಮೃತಪಟ್ಟ ಜನರಿಗೆ ಶೃದ್ಧಾಂಜಲಿ ಅರ್ಪಿಸಲಾಯಿತು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು