ಕೋವಿಡ್‌ | ವುಹಾನ್‌ನಲ್ಲಿ ಯಾವುದೇ ಹೊಸ ಪ್ರಕರಣ ಇಲ್ಲ

ಭಾನುವಾರ ವಿಹಾನ್‌ ನಗರದಲ್ಲಿ 60 ಸಾವಿರಕ್ಕೂ ಹೆಚ್ಚು ಮಂದಿಯನ್ನು ಸೋಂಕು ಪರೀಕ್ಷೆಗೆ ಒಳಪಡಿಸಿತ್ತು. ಎಲ್ಲ ವರದಿಗಳು ನೆಗೆಟಿವ್‌ ಬಂದಿವೆ ಎಂದು ವುಹಾನ್‌ ಆರೋಗ್ಯ ಆಯೋಗ ಹೇಳಿದೆ ಎಂದು ‘ಗ್ಲೋಬಲ್‌ ಟೈಮ್‌’ ವರದಿ ಮಾಡಿದೆ. ನಗರದಲ್ಲಿ, ಹೆಚ್ಚು ಹೆಚ್ಚು ಸೋಂಕು ಪರೀಕ್ಷೆ ನಡೆಸುತ್ತಿರುವುದು ಮತ್ತು ಉಷ್ಣಾಂಷ ತಪಾಸಣೆ ನಡೆಸುತ್ತಿರುವುದೇ, ಸೋಂಕು ಹರಡುವಿಕೆಗೆ ತಡೆಯೊಡ್ಡಿದೆ ಎಂದು ಆಯೋಗ ಹೇಳಿದೆ.

ಯಾವುದೇ ರೋಗ ಲಕ್ಷಣ ಕಾಣಿಸಿಕೊಳ್ಳದೆಯೂ ಸೋಂಕು ಹೊಂದಿರುವ ಪ್ರಕರಣಗಳು ಚೀನಾ ಸರ್ಕಾರಕ್ಕೆ ತಲೆನೋವಾಗಿ ಪರಿಣಮಿಸಿತ್ತು. ಆದ್ದರಿಂದ, ಕಳೆದ ಒಂದು ತಿಂಗಳಲ್ಲಿ ದೇಶದಲ್ಲಿ 1.12 ಕೋಟಿ ಅಷ್ಟು ಮಂದಿಯನ್ನು ಸರ್ಕಾರ ಪರೀಕ್ಷೆಗೆ ಒಳಪಡಿಸಿದೆ.

ವಿದೇಶದಿಂದ ಬಂದ ಐವರಲ್ಲಿ ಹಾಗೂ ರೋಗಲಕ್ಷಣ ಇಲ್ಲದೇ 10 ಮಂದಿಯಲ್ಲಿ ಸೋಂಕು ಇರುವುದು ಸೋಮವಾರ ವರದಿಯಾಗಿದೆ. ಇಲ್ಲಿಯವ ವರೆಗೂ ದೇಶದಲ್ಲಿ 15 ಹೊಸ ಪ್ರಕರಣಗಳು ದಾಖಲಾಗಿವೆ ಎಂದು ಚೀನಾದ ರಾಷ್ಟ್ರೀಯ ಆರೋಗ್ಯ ಆಯೋಗ ಮಾಹಿತಿ ನೀಡಿದೆ.

ರೋಗಲಕ್ಷಣ ಇಲ್ಲದೆಯೇ ಸೋಂಕು ಇರುವ ಒಟ್ಟು 371 ಮಂದಿ ಹಾಗೂ ವಿದೇಶದಿಂದ ಬಂದ 39 ಮಂದಿಯನ್ನು ವೈದ್ಯಕೀಯ ವೀಕ್ಷಣೆಯಲ್ಲಿ ಇರಿಸಲಾಗಿದೆ. ಜತೆಗೆ, ವುಹಾನ್‌ನಲ್ಲಿ 320 ಮಂದಿ ಸೋಂಕಿತರನ್ನು ಕ್ವಾರಂಟೈನ್‌ನಲ್ಲಿ ಇರಿಸಲಾಗಿದೆ ಎಂದು ಆಯೋಗ ಹೇಳಿದೆ.