ಅ.31ರ ಒಳಗೆ ಬ್ರೆಕ್ಸಿಟ್ ಗೊಂದಲ ಬಗೆಹರಿಸುವುದಾಗಿ ಜಾನ್ಸನ್ ಭರವಸೆ ನೀಡಿದ್ದರು. ಆದರೆ ಗೊಂದಲ ಮುಂದುವರಿದ ಕಾರಣ ಅವಧಿಗೆ ಮುನ್ನವೇ ಚುನಾವಣೆ ನಡೆಸುವ ಪ್ರಸ್ತಾವ ಮಂಡಿಸಿದ್ದರು. ಚುನಾವಣೆ ಹೊರತಾಗಿ ಈ ಸಂಸದೀಯ ಬಿಕ್ಕಟ್ಟು ಬಗೆಹರಿಸುವುದಕ್ಕೆ ಬೇರೆ ದಾರಿ ಕಾಣುತ್ತಿಲ್ಲ. ಆದ್ದರಿಂದ ಚುನಾವಣೆ ಎದುರಿಸುವುದೇ ಉತ್ತಮ ಎಂದು ಸೋಮವಾರ ಜಾನ್ಸನ್ ಹೇಳಿದ್ದರು. ಅವರ ಪ್ರಸ್ತಾವವನ್ನು ಸೋಮವಾರ ವಿರೋಧಿಸಿದ್ದ ವಿರೋಧ ಪಕ್ಷ, ಲೇಬರ್ ಪಾರ್ಟಿಯ ಜೆರೆಮಿ ಕಾರ್ಬಿನ್, ಅವಧಿಗೆ ಮುನ್ನ ಚುನಾವಣೆ ನಡೆಸುವ ಪ್ರಸ್ತಾವವನ್ನು ತಮ್ಮ ಪಕ್ಷ ಬೆಂಬಲಿಸುತ್ತದೆ ಎಂದಿದ್ದಾರೆ.