<p><strong>ಬೀಜಿಂಗ್, ಸಿಂಗಪುರ</strong><strong>: </strong>ಚೀನಾದಲ್ಲಿ ‘ಕೋವಿದ್–19’ ವೈರಸ್ ಹಬ್ಬಿದ ಬಳಿಕ ವೈಮಾನಿಕ ಕ್ಷೇತ್ರದ ವಹಿವಾಟಿಗೆ ತೀವ್ರ ಧಕ್ಕೆಯಾಗಿದೆ.</p>.<p>ಏರ್ಲೈನ್ಸ್ ಮತ್ತು ವಿಮಾಗಳ ತಯಾರಿಕೆ ಕ್ಷೇತ್ರಗಳ ಆರ್ಥಿಕ ವಹಿವಾಟು ಕುಸಿಯುತ್ತಿರುವುದು ಆತಂಕ ಮೂಡಿಸಿದೆ.</p>.<p>‘ಕೋವಿದ್–19’ ವೈರಸ್ ಕಾಣಿಸಿಕೊಂಡ ಬಳಿಕ ಹಲವು ಏರ್ಲೈನ್ಸ್ಗಳು ಚೀನಾಗೆ ತೆರಳುವ ಸಾವಿರಾರು ವಿಮಾನ<br />ಗಳ ಸಂಚಾರವನ್ನು ರದ್ದುಪಡಿಸಿವೆ. ಇದರಿಂದ, ಪ್ರಯಾಣಿಕರು ಮತ್ತು ಸರಕು ಸಾಗಾಣಿಕೆಯಿಂದ ದೊರೆಯುತ್ತಿದ್ದ ಆದಾಯಕ್ಕೆ ಪೆಟ್ಟು ನೀಡಿದೆ. ಚೀನಾದ ಬಹುತೇಕ ನಗರಗಳಲ್ಲಿ ಸಾರ್ವಜನಿಕ ಸಂಚಾರವನ್ನು ಸಂಪೂರ್ಣ ಸ್ಥಗಿತಗೊಳಿಸಲಾಗಿದೆ. ಹೀಗಾಗಿ, ವಿಮಾನಗಳ ಹಾರಾಟವೂ ಸ್ಥಗಿತಗೊಂಡಿದೆ.</p>.<p>ಜನವರಿ ತಿಂಗಳಲ್ಲಿ ಬೋಯಿಂಗ್ ಕಂಪನಿಗೆ ವಿಮಾನ ಖರೀದಿಸುವ ಒಂದೂ ಆದೇಶ ಬಂದಿಲ್ಲ. ಸದ್ಯದ ಪರಿಸ್ಥಿತಿಯಲ್ಲಿ ಹೊಸ ವಿಮಾನಗಳ ಖರೀದಿಗೂ ಯಾರೂ ಆಸಕ್ತಿ ವಹಿಸುವ ಲಕ್ಷಣಗಳು ಕಾಣಿಸುತ್ತಿಲ್ಲ. ಹೀಗಾಗಿ, ವಹಿವಾಟಿನಲ್ಲಿ ಕುಸಿಯಬಹುದು ಎಂದು ಬೋಯಿಂಗ್ ಕಂಪನಿಯ ಉಪಾಧ್ಯಕ್ಷ ರ್ಯಾಂಡಿ ಟಿನ್ಸೆಥ್ ತಿಳಿಸಿದ್ದಾರೆ.</p>.<p><strong>ಮತ್ತೆ 97 ಮಂದಿ ಸಾವು:</strong> ’ಕೋವಿದ್–19‘ ವೈರಸ್ನಿಂದ ಚೀನಾದಲ್ಲಿ ಮತ್ತೆ 97 ಮಂದಿ ಸಾವಿಗೀಡಾಗಿದ್ದಾರೆ. ಇದರಿಂದ, ಇದುವರೆಗೆ ಸಾವಿಗೀಡಾದವರ ಸಂಖ್ಯೆ 1,113ಕ್ಕೆ ಏರಿದೆ.</p>.<p>ವೈರಸ್ ಮೊದಲು ಕಾಣಿಸಿಕೊಂಡಿದ್ದ ಹುಬೈ ಪ್ರಾಂತ್ಯದಲ್ಲೇ 94 ಮಂದಿ ಸಾವಿಗೀಡಾಗಿದ್ದಾರೆ. ಇದುವರೆಗೆ, ಒಟ್ಟು 44,653 ಮಂದಿ ವೈರಸ್ ಸೋಂಕಿಗೆ ಒಳಗಾಗಿದ್ದು,. 8,204 ಮಂದಿ ಪರಿಸ್ಥಿತಿ ಗಂಭೀರವಾಗಿದೆ.</p>.<p>ಸಿಂಗಪುರ ಬ್ಯಾಂಕ್ ಕಚೇರಿ ತೆರವು: ಸಿಬ್ಬಂದಿಯೊಬ್ಬರಿಗೆ ವೈರಸ್ ಸೋಂಕು ಕಾಣಿಸಿಕೊಂಡಿದ್ದರಿಂದ ಸಿಂಗಪುರ ಬ್ಯಾಂಕ್ ‘ಡಿಬಿಎಸ್’ ಇಲ್ಲಿನ ತನ್ನ ಕಚೇರಿಯನ್ನು ತೆರವುಗೊಳಿಸಿದೆ.</p>.<p>ಮನೆಯಿಂದಲೇ ಕಾರ್ಯನಿರ್ವಹಿಸುವಂತೆ 300 ಸಿಬ್ಬಂದಿಗೆ ಬ್ಯಾಂಕ್ ಸೂಚಿಸಿದೆ.ಸಿಂಗಪುರದಲ್ಲಿ 47 ಮಂದಿಗೆ ವೈರಸ್ ಸೋಂಕು ತಗುಲಿರುವುದು ದೃಢಪಟ್ಟಿದೆ.</p>.<p><strong>ಆತ್ಮಹತ್ಯೆ ಬೆದರಿಕೆ: </strong>ಬೀಜಿಂಗ್ ಜನ್ಮ ದಿನ ಆಚರಿಸಿಕೊಳ್ಳಲು ಅವಕಾಶ ನೀಡದಿರುವುದಕ್ಕೆ ಬೇಸರಗೊಂಡ ವ್ಯಕ್ತಿಯೊಬ್ಬ ಪೆಟ್ರೋಲ್ ಸುರಿದುಕೊಂಡು ಮತ್ತು ಸೊಂಟಕ್ಕೆ ಪಟಾಕಿ ಕಟ್ಟಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ಚೀನಾದ ಚೊಂಗ್ಕಿಂಗ್ ಪ್ರಾಂತ್ಯದಲ್ಲಿ ನಡೆದಿದೆ.</p>.<p><strong>ವಿಯಟ್ನಾಂ: ₹43 ಕೋಟಿ ಡಾಲರ್ನಷ್ಟ</strong></p>.<p><strong>ಹನೋಯಿ:</strong> ‘ಕೋವಿದ್–19’ ವೈರಸ್ನಿಂದ ವಿಯಟ್ನಾಂ ಏರ್ಲೈನ್ಸ್ಗೆ 43 ಕೋಟಿ ಡಾಲರ್ (₹ 30,701.42) ನಷ್ಟವಾಗಿದೆ.</p>.<p>ವಿಯಟ್ನಾಂ ಮತ್ತು ಚೀನಾ ನಡುವೆ ಸಂಪರ್ಕ ಸ್ಥಗಿತಗೊಳಿಸಿರುವುದರಿಂದ ವಿಯಟ್ನಾಂ ಏರ್ಲೈನ್ಸ್ ಆದಾಯದಲ್ಲಿ ಕುಸಿತವಾಗಿದೆ ಎಂದು ಸರ್ಕಾರ ತಿಳಿಸಿದೆ.</p>.<p>ಫೆಬ್ರುವರಿ 1ರಂದು ಸಾರ್ವಜನಿಕ ಆರೋಗ್ಯ ತುರ್ತು ಪರಿಸ್ಥಿತಿ ಘೋಷಿಸಿದ್ದ ವಿಯಟ್ನಾಂ, ಚೀನಾಗೆ ತೆರಳುವ ಎಲ್ಲ ವಿಮಾನಗಳ ಸಂಚಾರವನ್ನು ರದ್ದುಗೊಳಿಸಿತು. ಈ ನಿಷೇಧದಿಂದ ಪ್ರತಿ ತಿಂಗಳು 4 ಲಕ್ಷ ಪ್ರಯಾಣಿಕರಿಗೆ ತೊಂದರೆಯಾಗಿದೆ. ಎಲ್ಲ ಅಂತರರಾಷ್ಟ್ರೀಯ ವಿಮಾನಗಳಲ್ಲಿಯೂ ಫೆಬ್ರುವರಿ ಮೊದಲ ವಾರದಲ್ಲಿ ಶೇಕಡ 14.1ರಷ್ಟು ಪ್ರಯಾಣಿಕರ ಸಂಖ್ಯೆಯಲ್ಲಿ ಇಳಿಮುಖವಾಗಿದೆ ಎಂದು ತಿಳಿಸಿದೆ.</p>.<p><strong>ಜಪಾನ್: ಇಬ್ಬರು ಭಾರತೀಯರಲ್ಲಿ ವೈರಸ್</strong></p>.<p><strong>ಯೊಕಹಾಮಾ:</strong> ಜಪಾನ್ನ ಯೊಕಹಾಮಾ ಬಂದರಿನಲ್ಲಿರುವ ಐಷಾರಾಮಿ 'ಡೈಮಂಡ್ ಪ್ರಿನ್ಸೆಸ್' ಹಡಗಿನಲ್ಲಿರುವ ಇಬ್ಬರು ಭಾರತೀಯರಲ್ಲಿ ‘ಕೋವಿದ್–19’ ವೈರಸ್ ಸೋಂಕು ಇರುವುದು ದೃಢಪಟ್ಟಿದೆ ಎಂದು ಜಪಾನ್ನಲ್ಲಿರುವ ಭಾರತೀಯ ರಾಯಭಾರ ಕಚೇರಿ ತಿಳಿಸಿದೆ.</p>.<p>ಕಳೆದ ವಾರ ಬಂದರಿಗೆ ಹಡಗು ಆಗಮಿಸಿದಾಗ ಅದರಲ್ಲಿದ್ದ 3,700 ಪ್ರಯಾಣಿಕರನ್ನು ಸೋಂಕಿನ ಶಂಕೆಯ ಮೇರೆಗೆ 300 ಜನರನ್ನು ಅಲ್ಲಿಯೇ ಉಳಿಸಿಕೊಳ್ಳಲಾಗಿತ್ತು. ಇವರಲ್ಲಿ ಒಟ್ಟು 174 ಮಂದಿಗೆ ಸೋಂಕು ತಲುಪಿರುವುದು ದೃಢಪಟ್ಟಿದೆ. ಹಡಗಿನಲ್ಲಿ 6 ಪ್ರಯಾಣಿಕರು ಹಾಗೂ 132 ಸಿಬ್ಬಂದಿ ಸೇರಿ ಒಟ್ಟು 138 ಭಾರತೀಯರು ಇದ್ದಾರೆ.</p>.<p><strong>ಹೆಚ್ಚಿದ ಆನ್ಲೈನ್ ವಹಿವಾಟು</strong></p>.<p><strong>ಶಾಂಘೈ:</strong> ವೈರಸ್ ಭೀತಿಯಿಂದಾಗಿ ಚೀನಾದಲ್ಲಿ ಮನೆಯಿಂದ ಹೊರಗೆ ಬರುವವರ ಸಂಖ್ಯೆಯಲ್ಲಿ ಇಳಿಮುಖವಾಗಿದೆ. ಸರ್ಕಾರವು ಸಹ ಮನೆಯಿಂದಲೇ ಕೆಲಸ ಮಾಡುವಂತೆ ಸೂಚಿಸುತ್ತಿದೆ.</p>.<p>ಇದರಿಂದಾಗಿ, ನಾಗರಿಕರು ಬಹುತೇಕ ಕಾರ್ಯಗಳಿಗೆ ಆನ್ಲೈನ್ ಮೊರೆ ಹೋಗಿದ್ದಾರೆ. ಇದರಿಂದ, ಅಲಿಬಾಬಾ, ಟೆನ್ಸೆಂಟ್ ಮತ್ತು ಹುವೈ ಮುಂತಾದ ಕಂಪನಿಗಳ ನೂರಾರು ಪಟ್ಟು ವಹಿವಾಟು ಹೆಚ್ಚಾಗಿದೆ.</p>.<p><strong>ಹಡಗಿನಲ್ಲಿದ್ದ 174 ಮಂದಿಗೆ ವೈರಸ್</strong></p>.<p><strong>ಯೊಕಹಾಮಾ :</strong> ಜಪಾನ್ನ ಯೊಕಹಾಮಾ ಬಂದರಿನಲ್ಲಿರುವ ಐಷಾರಾಮಿ ಹಡಗಿನಲ್ಲಿರುವ ಇನ್ನೂ 39 ಮಂದಿಗೆ ‘ಕೋವಿದ್–19’ ವೈರಸ್ ತಗುಲಿರುವುದು ದೃಢಪಟ್ಟಿದೆ. ಇದರಿಂದ ಸೋಂಕಿಗೆ ಒಳಗಾದವರ ಸಂಖ್ಯೆ 174ಕ್ಕೆ ಏರಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>ಕಳೆದ ವಾರ ಬಂದರಿಗೆ ಹಡಗು ಆಗಮಿಸಿದಾಗ ಅದರಲ್ಲಿದ್ದ 3,700 ಪ್ರಯಾಣಿಕರಲ್ಲಿ ಸೋಂಕಿನ ಶಂಕೆಯ ಮೇರೆಗೆ 300 ಜನರನ್ನು ಅಲ್ಲಿಯೇ ಉಳಿಸಿಕೊಳ್ಳಲಾಗಿತ್ತು. ಇವರಲ್ಲಿನ 300ರಲ್ಲಿ ಒಟ್ಟು 174 ಮಂದಿಗೆ ಸೋಂಕು ತಲುಪಿರುವುದು ದೃಢಪಟ್ಟಿದೆ.</p>.<p>ಹಡಗಿನಲ್ಲಿರುವ ಸಿಬ್ಬಂದಿಗಳು ಕಳೆದ 14 ದಿನಗಳಿಂದಲೂ ಅಲ್ಲಿಯೇ ಕಾಲ ಕಳೆಯುತ್ತಿದ್ದು, ಎಲ್ಲರನ್ನೂ ಸ್ವಲ್ಪ ಸಮಯ ಮಾತ್ರ ಹೊರಗೆ ಬಿಡಲಾಗುತ್ತಿದೆ.</p>.<p>’ನೀವು ಬಾಲ್ಕನಿಯಲ್ಲಿ ಕುಳಿತುಕೊಂಡರೆ ಒಳಗೆ ಇರುವವರು ಕೆಮ್ಮುವುದನ್ನು ಕೇಳುತ್ತೀರಿ‘ ಎಂದು ಬ್ರಿಟಿಷ್ ಪ್ರಯಾಣಿಕರೊಬ್ಬರು ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾರೆ.</p>.<p>ಇದು ರಜಾ ದಿನವಂತೂ ಅಲ್ಲ. ಆದರೆ, ಸಂಪೂರ್ಣ ವಿಶ್ರಾಂತಿಯ ಸಮಯ ಎಂದೂ ಅವರು ಹೇಳಿದ್ದಾರೆ.</p>.<p>ಈ ಕುರಿತು ಮಾಹಿತಿ ನೀಡಿರುವ ಜಪಾನ್ ಆರೋಗ್ಯ ಸಚಿವ ಕಾಸ್ತುನೊಬ್, ಈಗಾಗಲೇ 53 ಪ್ರಯಾಣಿಕರನ್ನು ಪರೀಕ್ಷೆ ನಡೆಸಲಾಗಿದ್ದು, ಇವರಲ್ಲಿ 39 ಮಂದಿಗೆ ಕೊರೊನಾ ವೈರಸ್ ಇರುವುದು ದೃಢಪಟ್ಟಿದೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೀಜಿಂಗ್, ಸಿಂಗಪುರ</strong><strong>: </strong>ಚೀನಾದಲ್ಲಿ ‘ಕೋವಿದ್–19’ ವೈರಸ್ ಹಬ್ಬಿದ ಬಳಿಕ ವೈಮಾನಿಕ ಕ್ಷೇತ್ರದ ವಹಿವಾಟಿಗೆ ತೀವ್ರ ಧಕ್ಕೆಯಾಗಿದೆ.</p>.<p>ಏರ್ಲೈನ್ಸ್ ಮತ್ತು ವಿಮಾಗಳ ತಯಾರಿಕೆ ಕ್ಷೇತ್ರಗಳ ಆರ್ಥಿಕ ವಹಿವಾಟು ಕುಸಿಯುತ್ತಿರುವುದು ಆತಂಕ ಮೂಡಿಸಿದೆ.</p>.<p>‘ಕೋವಿದ್–19’ ವೈರಸ್ ಕಾಣಿಸಿಕೊಂಡ ಬಳಿಕ ಹಲವು ಏರ್ಲೈನ್ಸ್ಗಳು ಚೀನಾಗೆ ತೆರಳುವ ಸಾವಿರಾರು ವಿಮಾನ<br />ಗಳ ಸಂಚಾರವನ್ನು ರದ್ದುಪಡಿಸಿವೆ. ಇದರಿಂದ, ಪ್ರಯಾಣಿಕರು ಮತ್ತು ಸರಕು ಸಾಗಾಣಿಕೆಯಿಂದ ದೊರೆಯುತ್ತಿದ್ದ ಆದಾಯಕ್ಕೆ ಪೆಟ್ಟು ನೀಡಿದೆ. ಚೀನಾದ ಬಹುತೇಕ ನಗರಗಳಲ್ಲಿ ಸಾರ್ವಜನಿಕ ಸಂಚಾರವನ್ನು ಸಂಪೂರ್ಣ ಸ್ಥಗಿತಗೊಳಿಸಲಾಗಿದೆ. ಹೀಗಾಗಿ, ವಿಮಾನಗಳ ಹಾರಾಟವೂ ಸ್ಥಗಿತಗೊಂಡಿದೆ.</p>.<p>ಜನವರಿ ತಿಂಗಳಲ್ಲಿ ಬೋಯಿಂಗ್ ಕಂಪನಿಗೆ ವಿಮಾನ ಖರೀದಿಸುವ ಒಂದೂ ಆದೇಶ ಬಂದಿಲ್ಲ. ಸದ್ಯದ ಪರಿಸ್ಥಿತಿಯಲ್ಲಿ ಹೊಸ ವಿಮಾನಗಳ ಖರೀದಿಗೂ ಯಾರೂ ಆಸಕ್ತಿ ವಹಿಸುವ ಲಕ್ಷಣಗಳು ಕಾಣಿಸುತ್ತಿಲ್ಲ. ಹೀಗಾಗಿ, ವಹಿವಾಟಿನಲ್ಲಿ ಕುಸಿಯಬಹುದು ಎಂದು ಬೋಯಿಂಗ್ ಕಂಪನಿಯ ಉಪಾಧ್ಯಕ್ಷ ರ್ಯಾಂಡಿ ಟಿನ್ಸೆಥ್ ತಿಳಿಸಿದ್ದಾರೆ.</p>.<p><strong>ಮತ್ತೆ 97 ಮಂದಿ ಸಾವು:</strong> ’ಕೋವಿದ್–19‘ ವೈರಸ್ನಿಂದ ಚೀನಾದಲ್ಲಿ ಮತ್ತೆ 97 ಮಂದಿ ಸಾವಿಗೀಡಾಗಿದ್ದಾರೆ. ಇದರಿಂದ, ಇದುವರೆಗೆ ಸಾವಿಗೀಡಾದವರ ಸಂಖ್ಯೆ 1,113ಕ್ಕೆ ಏರಿದೆ.</p>.<p>ವೈರಸ್ ಮೊದಲು ಕಾಣಿಸಿಕೊಂಡಿದ್ದ ಹುಬೈ ಪ್ರಾಂತ್ಯದಲ್ಲೇ 94 ಮಂದಿ ಸಾವಿಗೀಡಾಗಿದ್ದಾರೆ. ಇದುವರೆಗೆ, ಒಟ್ಟು 44,653 ಮಂದಿ ವೈರಸ್ ಸೋಂಕಿಗೆ ಒಳಗಾಗಿದ್ದು,. 8,204 ಮಂದಿ ಪರಿಸ್ಥಿತಿ ಗಂಭೀರವಾಗಿದೆ.</p>.<p>ಸಿಂಗಪುರ ಬ್ಯಾಂಕ್ ಕಚೇರಿ ತೆರವು: ಸಿಬ್ಬಂದಿಯೊಬ್ಬರಿಗೆ ವೈರಸ್ ಸೋಂಕು ಕಾಣಿಸಿಕೊಂಡಿದ್ದರಿಂದ ಸಿಂಗಪುರ ಬ್ಯಾಂಕ್ ‘ಡಿಬಿಎಸ್’ ಇಲ್ಲಿನ ತನ್ನ ಕಚೇರಿಯನ್ನು ತೆರವುಗೊಳಿಸಿದೆ.</p>.<p>ಮನೆಯಿಂದಲೇ ಕಾರ್ಯನಿರ್ವಹಿಸುವಂತೆ 300 ಸಿಬ್ಬಂದಿಗೆ ಬ್ಯಾಂಕ್ ಸೂಚಿಸಿದೆ.ಸಿಂಗಪುರದಲ್ಲಿ 47 ಮಂದಿಗೆ ವೈರಸ್ ಸೋಂಕು ತಗುಲಿರುವುದು ದೃಢಪಟ್ಟಿದೆ.</p>.<p><strong>ಆತ್ಮಹತ್ಯೆ ಬೆದರಿಕೆ: </strong>ಬೀಜಿಂಗ್ ಜನ್ಮ ದಿನ ಆಚರಿಸಿಕೊಳ್ಳಲು ಅವಕಾಶ ನೀಡದಿರುವುದಕ್ಕೆ ಬೇಸರಗೊಂಡ ವ್ಯಕ್ತಿಯೊಬ್ಬ ಪೆಟ್ರೋಲ್ ಸುರಿದುಕೊಂಡು ಮತ್ತು ಸೊಂಟಕ್ಕೆ ಪಟಾಕಿ ಕಟ್ಟಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ಚೀನಾದ ಚೊಂಗ್ಕಿಂಗ್ ಪ್ರಾಂತ್ಯದಲ್ಲಿ ನಡೆದಿದೆ.</p>.<p><strong>ವಿಯಟ್ನಾಂ: ₹43 ಕೋಟಿ ಡಾಲರ್ನಷ್ಟ</strong></p>.<p><strong>ಹನೋಯಿ:</strong> ‘ಕೋವಿದ್–19’ ವೈರಸ್ನಿಂದ ವಿಯಟ್ನಾಂ ಏರ್ಲೈನ್ಸ್ಗೆ 43 ಕೋಟಿ ಡಾಲರ್ (₹ 30,701.42) ನಷ್ಟವಾಗಿದೆ.</p>.<p>ವಿಯಟ್ನಾಂ ಮತ್ತು ಚೀನಾ ನಡುವೆ ಸಂಪರ್ಕ ಸ್ಥಗಿತಗೊಳಿಸಿರುವುದರಿಂದ ವಿಯಟ್ನಾಂ ಏರ್ಲೈನ್ಸ್ ಆದಾಯದಲ್ಲಿ ಕುಸಿತವಾಗಿದೆ ಎಂದು ಸರ್ಕಾರ ತಿಳಿಸಿದೆ.</p>.<p>ಫೆಬ್ರುವರಿ 1ರಂದು ಸಾರ್ವಜನಿಕ ಆರೋಗ್ಯ ತುರ್ತು ಪರಿಸ್ಥಿತಿ ಘೋಷಿಸಿದ್ದ ವಿಯಟ್ನಾಂ, ಚೀನಾಗೆ ತೆರಳುವ ಎಲ್ಲ ವಿಮಾನಗಳ ಸಂಚಾರವನ್ನು ರದ್ದುಗೊಳಿಸಿತು. ಈ ನಿಷೇಧದಿಂದ ಪ್ರತಿ ತಿಂಗಳು 4 ಲಕ್ಷ ಪ್ರಯಾಣಿಕರಿಗೆ ತೊಂದರೆಯಾಗಿದೆ. ಎಲ್ಲ ಅಂತರರಾಷ್ಟ್ರೀಯ ವಿಮಾನಗಳಲ್ಲಿಯೂ ಫೆಬ್ರುವರಿ ಮೊದಲ ವಾರದಲ್ಲಿ ಶೇಕಡ 14.1ರಷ್ಟು ಪ್ರಯಾಣಿಕರ ಸಂಖ್ಯೆಯಲ್ಲಿ ಇಳಿಮುಖವಾಗಿದೆ ಎಂದು ತಿಳಿಸಿದೆ.</p>.<p><strong>ಜಪಾನ್: ಇಬ್ಬರು ಭಾರತೀಯರಲ್ಲಿ ವೈರಸ್</strong></p>.<p><strong>ಯೊಕಹಾಮಾ:</strong> ಜಪಾನ್ನ ಯೊಕಹಾಮಾ ಬಂದರಿನಲ್ಲಿರುವ ಐಷಾರಾಮಿ 'ಡೈಮಂಡ್ ಪ್ರಿನ್ಸೆಸ್' ಹಡಗಿನಲ್ಲಿರುವ ಇಬ್ಬರು ಭಾರತೀಯರಲ್ಲಿ ‘ಕೋವಿದ್–19’ ವೈರಸ್ ಸೋಂಕು ಇರುವುದು ದೃಢಪಟ್ಟಿದೆ ಎಂದು ಜಪಾನ್ನಲ್ಲಿರುವ ಭಾರತೀಯ ರಾಯಭಾರ ಕಚೇರಿ ತಿಳಿಸಿದೆ.</p>.<p>ಕಳೆದ ವಾರ ಬಂದರಿಗೆ ಹಡಗು ಆಗಮಿಸಿದಾಗ ಅದರಲ್ಲಿದ್ದ 3,700 ಪ್ರಯಾಣಿಕರನ್ನು ಸೋಂಕಿನ ಶಂಕೆಯ ಮೇರೆಗೆ 300 ಜನರನ್ನು ಅಲ್ಲಿಯೇ ಉಳಿಸಿಕೊಳ್ಳಲಾಗಿತ್ತು. ಇವರಲ್ಲಿ ಒಟ್ಟು 174 ಮಂದಿಗೆ ಸೋಂಕು ತಲುಪಿರುವುದು ದೃಢಪಟ್ಟಿದೆ. ಹಡಗಿನಲ್ಲಿ 6 ಪ್ರಯಾಣಿಕರು ಹಾಗೂ 132 ಸಿಬ್ಬಂದಿ ಸೇರಿ ಒಟ್ಟು 138 ಭಾರತೀಯರು ಇದ್ದಾರೆ.</p>.<p><strong>ಹೆಚ್ಚಿದ ಆನ್ಲೈನ್ ವಹಿವಾಟು</strong></p>.<p><strong>ಶಾಂಘೈ:</strong> ವೈರಸ್ ಭೀತಿಯಿಂದಾಗಿ ಚೀನಾದಲ್ಲಿ ಮನೆಯಿಂದ ಹೊರಗೆ ಬರುವವರ ಸಂಖ್ಯೆಯಲ್ಲಿ ಇಳಿಮುಖವಾಗಿದೆ. ಸರ್ಕಾರವು ಸಹ ಮನೆಯಿಂದಲೇ ಕೆಲಸ ಮಾಡುವಂತೆ ಸೂಚಿಸುತ್ತಿದೆ.</p>.<p>ಇದರಿಂದಾಗಿ, ನಾಗರಿಕರು ಬಹುತೇಕ ಕಾರ್ಯಗಳಿಗೆ ಆನ್ಲೈನ್ ಮೊರೆ ಹೋಗಿದ್ದಾರೆ. ಇದರಿಂದ, ಅಲಿಬಾಬಾ, ಟೆನ್ಸೆಂಟ್ ಮತ್ತು ಹುವೈ ಮುಂತಾದ ಕಂಪನಿಗಳ ನೂರಾರು ಪಟ್ಟು ವಹಿವಾಟು ಹೆಚ್ಚಾಗಿದೆ.</p>.<p><strong>ಹಡಗಿನಲ್ಲಿದ್ದ 174 ಮಂದಿಗೆ ವೈರಸ್</strong></p>.<p><strong>ಯೊಕಹಾಮಾ :</strong> ಜಪಾನ್ನ ಯೊಕಹಾಮಾ ಬಂದರಿನಲ್ಲಿರುವ ಐಷಾರಾಮಿ ಹಡಗಿನಲ್ಲಿರುವ ಇನ್ನೂ 39 ಮಂದಿಗೆ ‘ಕೋವಿದ್–19’ ವೈರಸ್ ತಗುಲಿರುವುದು ದೃಢಪಟ್ಟಿದೆ. ಇದರಿಂದ ಸೋಂಕಿಗೆ ಒಳಗಾದವರ ಸಂಖ್ಯೆ 174ಕ್ಕೆ ಏರಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>ಕಳೆದ ವಾರ ಬಂದರಿಗೆ ಹಡಗು ಆಗಮಿಸಿದಾಗ ಅದರಲ್ಲಿದ್ದ 3,700 ಪ್ರಯಾಣಿಕರಲ್ಲಿ ಸೋಂಕಿನ ಶಂಕೆಯ ಮೇರೆಗೆ 300 ಜನರನ್ನು ಅಲ್ಲಿಯೇ ಉಳಿಸಿಕೊಳ್ಳಲಾಗಿತ್ತು. ಇವರಲ್ಲಿನ 300ರಲ್ಲಿ ಒಟ್ಟು 174 ಮಂದಿಗೆ ಸೋಂಕು ತಲುಪಿರುವುದು ದೃಢಪಟ್ಟಿದೆ.</p>.<p>ಹಡಗಿನಲ್ಲಿರುವ ಸಿಬ್ಬಂದಿಗಳು ಕಳೆದ 14 ದಿನಗಳಿಂದಲೂ ಅಲ್ಲಿಯೇ ಕಾಲ ಕಳೆಯುತ್ತಿದ್ದು, ಎಲ್ಲರನ್ನೂ ಸ್ವಲ್ಪ ಸಮಯ ಮಾತ್ರ ಹೊರಗೆ ಬಿಡಲಾಗುತ್ತಿದೆ.</p>.<p>’ನೀವು ಬಾಲ್ಕನಿಯಲ್ಲಿ ಕುಳಿತುಕೊಂಡರೆ ಒಳಗೆ ಇರುವವರು ಕೆಮ್ಮುವುದನ್ನು ಕೇಳುತ್ತೀರಿ‘ ಎಂದು ಬ್ರಿಟಿಷ್ ಪ್ರಯಾಣಿಕರೊಬ್ಬರು ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾರೆ.</p>.<p>ಇದು ರಜಾ ದಿನವಂತೂ ಅಲ್ಲ. ಆದರೆ, ಸಂಪೂರ್ಣ ವಿಶ್ರಾಂತಿಯ ಸಮಯ ಎಂದೂ ಅವರು ಹೇಳಿದ್ದಾರೆ.</p>.<p>ಈ ಕುರಿತು ಮಾಹಿತಿ ನೀಡಿರುವ ಜಪಾನ್ ಆರೋಗ್ಯ ಸಚಿವ ಕಾಸ್ತುನೊಬ್, ಈಗಾಗಲೇ 53 ಪ್ರಯಾಣಿಕರನ್ನು ಪರೀಕ್ಷೆ ನಡೆಸಲಾಗಿದ್ದು, ಇವರಲ್ಲಿ 39 ಮಂದಿಗೆ ಕೊರೊನಾ ವೈರಸ್ ಇರುವುದು ದೃಢಪಟ್ಟಿದೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
