ವಾಷಿಂಗ್‌ಟನ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್ ಭಾನುವಾರ ಮುಂಜಾನೆ ‘ಮಹತ್ತರವದ್ದೇನೋ ಒಂದು ಈಗಷ್ಟೇ ಆಗಿದೆ’ (Something Very Big Has Just Happened) ಎಂದು ಮಾಡಿರುವ ಟ್ವೀಟ್ ಇಡೀ ಜಗತ್ತಿನ ಗಮನ ಸೆಳೆದಿದೆ. ಏನದು? ಪ್ರಶ್ನೆಗೆ ಉತ್ತರ ರೂಪದಲ್ಲಿ ಊಹಾಪೋಹಗಳು ಹರಿದಾಡುತ್ತಿವೆ.
‘ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್ ಅವರು ಭಾನುವಾರ ಬೆಳಿಗ್ಗೆ 9ಗಂಟೆಗೆ(1300 GMT)ಮಹತ್ತರ ಹೇಳಿಕೆಯೊಂದನ್ನು ನೀಡಲಿದ್ದಾರೆ’ ಎಂದುಶನಿವಾರ ಸಂಜೆ ಅಮೆರಿಕದ ಶ್ವೇತಭವನ ಪ್ರಕಟನೆ ಹೊರಡಿಸಿತ್ತು. ಈ ಹಿನ್ನೆಲೆಯಲ್ಲಿ ಟ್ರಂಪ್ ಅವರ ಟ್ವೀಟ್ಮಹತ್ವ ಪಡೆದುಕೊಂಡಿದೆ.
ಡೊನಾಲ್ಡ್‌ ಟ್ರಂಪ್ ಇತ್ತೀಚೆಗಷ್ಟೇ ಇಸ್ಲಾಮಿಕ್ ಸ್ಟೇಟ್ ಉಗ್ರರ ನಾಯಕ ಅಬುಬಕರ್ ಅಲ್‌ ಬಾಗ್ದಾದಿಯನ್ನು ಗುರಿಯಾಗಿಸಿ ಅಮೆರಿಕ ಸೇನೆನಡೆಸಲು ಉದ್ದೇಶಿಸಿದ್ದವಿಶೇಷ ಕಾರ್ಯಾಚರಣೆಗೆ ಅನುಮತಿ ನೀಡಿದ್ದರು ಎಂದು ಅಮೆರಿಕ ‘ನ್ಯೂಸ್‌ವೀಕ್’ ನಿಯತಕಾಲಿಕೆ ವರದಿ ಮಾಡಿತ್ತು.
ಅಮೆರಿಕ ಪಡೆಗಳು ನಡೆಸಿದ ಕ್ಷಿಪ್ರ ಕಾರ್ಯಾಚಾರಣೆಯಲ್ಲಿ ಇಸ್ಲಾಮಿಕ್ ಸ್ಟೇಟ್ ಉಗ್ರಗಾಮಿ ಸಂಘಟನೆಯ ನಾಯಕ ಅಬುಬಕರ್ ಅಲ್‌ ಬಾಗ್ದಾದಿಯನ್ನು ಹತ್ಯೆ ಮಾಡಲಾಗಿದೆ ಎಂದು ‘ಬ್ಲೂಮ್‌ಬರ್ಗ್‌’ ಜಾಲತಾಣ ವರದಿ ಮಾಡಿದೆ. https://t.co/rs5QUkSLf5#AbubakrAlBaghdadi#America
