ಮ್ಯಾಡ್ರಿಡ್‌: ಮೆಡಿಟರೇನಿಯನ್‌ ಸಮುದ್ರದ ಮೂಲಕ ಯುರೋಪ್‌ ಪ್ರವೇಶಿಸುತ್ತಿದ್ದ ದೋಣಿಯೊಂದು ಕಾಣೆಯಾಗಿದ್ದು, ದೋಣಿಯಲ್ಲಿದ್ದ 119 ವಲಸಿಗರನ್ನು ಸ್ಪೇನ್‌ ರಕ್ಷಿಸಿದೆ. ಉಳಿದ 67 ಮಂದಿಯ ಶೋಧ ಕಾರ್ಯ ಮುಂದುವರಿದಿದೆ.
‘ದೋಣಿಯ ರಕ್ಷಣಾ ಕಾರ್ಯವನ್ನು ಸದ್ಯಕ್ಕೆ ಸ್ಥಗಿತಗೊಳಿಸಲಾಗಿದೆ. ಶೋಧ ಕಾರ್ಯವು ಮಂಗಳವಾರ ಪುನರಾರಂಭಗೊಳ್ಳಲಿದೆ’ ಎಂದು ಸ್ಪೇನ್‌ನ ಕಡಲ ರಕ್ಷಣಾ ಸಂಸ್ಥೆಯ ವಕ್ತಾರರು ಹೇಳಿದರು.
ಮತ್ತೊಂದೆಡೆ, ಅಲ್ಬೋರ್ನ್‌ ಸಮುದ್ರ ಪ್ರದೇಶದಲ್ಲಿ ಎರಡು ರಬ್ಬರ್‌ ದೋಣಿಗಳು ಸಿಕ್ಕಿದ್ದು, 119 ಮಂದಿ ಅದರಲ್ಲಿದ್ದರು. ಮಲಾಗ ನಗರವನ್ನು ಈ ಎರಡು ದೋಣಿಗಳು ತಲುಪಿವೆ. ಈ ವಲಸಿಗರಲ್ಲಿ 26 ಮಹಿಳೆಯರು ಮತ್ತು ಐವರು ಮಕ್ಕಳು ಆರೋಗ್ಯವಾಗಿದ್ದಾರೆ ಎಂದು ಅವರು ಮಾಹಿತಿ ನೀಡಿದರು.
