<p><strong>ಡಲ್ಲಾಸ್ (ಪಿಟಿಐ):</strong> ದತ್ತು ಮಗಳ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಭಾರತ ಮೂಲದವರಾದ ಅಮೆರಿಕದ ವೆಸ್ಲಿ ಮ್ಯಾಥ್ಯೂವ್ಸ್ಗೆ ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ.</p>.<p>2017ರ ಅಕ್ಟೋಬರ್ನಲ್ಲಿ ನಡೆದ ಮೂರು ವರ್ಷದ ಶೆರಿನ್ ಮ್ಯಾಥ್ಯೂವ್ಸ್ ಕೊಲೆಗೆ ಸಂಬಂಧಿಸಿದಂತೆ ಟೆಕ್ಸಾಸ್ ನ್ಯಾಯಾಲಯ ಈ ಶಿಕ್ಷೆ ವಿಧಿಸಿದೆ.</p>.<p>ಕೇರಳದ ವೆಸ್ಲಿ ಮ್ಯಾಥ್ಯೂವ್ಸ್ ಮತ್ತು ಅವರ ಪತ್ನಿ ಶಿನಿ ಮಾಥ್ಯೂವ್ಸ್ ಅವರು 2016ರಲ್ಲಿ ಬಿಹಾರದ ಅನಾಥಶ್ರಾಮದಿಂದ ಶೆರಿನ್ ಅವರನ್ನು ದತ್ತು ಪಡೆದುಕೊಂಡಿದ್ದರು.</p>.<p>2017ರ ಅಕ್ಟೋಬರ್ 7ರಂದು ಶೆರಿನ್ ನಾಪತ್ತೆಯಾಗಿದ್ದಾಳೆ ಎಂದು ಮಾಥ್ಯೂವ್ಸ್ ಪೊಲೀಸರಿಗೆ ತಿಳಿಸಿದ್ದರು. ಆದರೆ, 15 ದಿನಗಳ ಬಳಿಕ ಶೆರಿನ್ ಮೃತದೇಹ ಮನೆ ಸಮೀಪದ ಚರಂಡಿಯಲ್ಲಿ ದೊರೆತಿತ್ತು.</p>.<p>ಹಾಲು ಕುಡಿಯುತ್ತಿರುವಾಗ ಆಕಸ್ಮಿಕವಾಗಿ ಉಸಿರುಗಟ್ಟಿ ಶೆರಿನ್ ಸಾವಿಗೀಡಾದಳು ಎಂದು ಮಾಥ್ಯೂವ್ಸ್ ದಂಪತಿ ಪೊಲೀಸರ ಮುಂದೆ ಒಪ್ಪಿಕೊಂಡಿದ್ದರು.</p>.<p>‘ವೆಸ್ಲಿ ಮಾಥ್ಯೂವ್ಸ್ ಉತ್ತಮ ತಂದೆಯಾಗಿದ್ದರು. ಶೆರಿನ್ಗೆ ಉಸಿರುಗಟ್ಟಿದಾಗ ಯಾರ ನೆರವನ್ನೂ ಕೋರಿಲ್ಲ. ಅವರು ತೀವ್ರ ಆತಂಕಗೊಂಡಿದ್ದರು. ಇದೊಂದು ಆಕಸ್ಮಿಕ ಘಟನೆ’ ಎಂದು ಮಾಥ್ಯೂವ್ಸ್ ಪರ ವಕೀಲ ರಫೇಲ್ ಡೆ ಲಾ ಗರ್ಜಾ ವಾದಿಸಿದ್ದರು.</p>.<p>ನ್ಯಾಯಾಲಯ ತೀರ್ಪು ನೀಡಿದ ಬಳಿಕ ಪ್ರತಿಕ್ರಿಯಿಸಿದ ಗರ್ಜಾ, ‘ಇದೊಂದು ಕ್ರೂರ ಮತ್ತು ಅಪರೂಪದ ಶಿಕ್ಷೆ’ ಎಂದು ಹೇಳಿದ್ದಾರೆ.</p>.<p>ಶೆರಿನ್ ಮಲತಾಯಿ ಶಿನಿ ವಿರುದ್ಧ ಮಗುವನ್ನು ದೂರವಿರಿಸಿದ್ದಕ್ಕಾಗಿ 2017ರ ನವೆಂಬರ್ನಲ್ಲಿ ಆರೋಪಪಟ್ಟಿ ದಾಖಲಿಸಲಾಗಿತ್ತು. ಆದರೆ, ಆರೋಪ ಸಾಬೀತಾಗದ ಕಾರಣ ಪ್ರಕರಣವನ್ನು ವಜಾಗೊಳಿಸಲಾಗಿತ್ತು.</p>.<p>ಶೆರಿನ್ ಸಾವು ಪ್ರಕರಣ ಭಾರತ ಸರ್ಕಾರದ ಗಮನಸೆಳೆದಿತ್ತು. ಈ ಪ್ರಕರಣದ ಬಗ್ಗೆ ಸಮರ್ಪಕ ತನಿಖೆ ನಡೆದು ನ್ಯಾಯ ದೊರೆಯುವಂತೆ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಅಂದಿನ ವಿದೇಶಾಂಗ ಸಚಿವರಾಗಿದ್ದ ಸುಷ್ಮಾ ಸ್ವರಾಜ್ ಅವರು ಆಸಕ್ತಿ ವಹಿಸಿ ಹೌಸ್ಟನ್ನಲ್ಲಿ ಭಾರತೀಯ ರಾಯಭಾರಿ ಕಚೇರಿಗೆ ಸೂಚಿಸಿದ್ದರು.</p>.<p>ಶೆರಿನ್ ಸಾವಿನ ಬಳಿಕ ಭಾರತ ಸರ್ಕಾರ ದತ್ತು ಪಡೆಯುವ ಪ್ರಕ್ರಿಯೆಯನ್ನು ಬಿಗಿಗೊಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಡಲ್ಲಾಸ್ (ಪಿಟಿಐ):</strong> ದತ್ತು ಮಗಳ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಭಾರತ ಮೂಲದವರಾದ ಅಮೆರಿಕದ ವೆಸ್ಲಿ ಮ್ಯಾಥ್ಯೂವ್ಸ್ಗೆ ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ.</p>.<p>2017ರ ಅಕ್ಟೋಬರ್ನಲ್ಲಿ ನಡೆದ ಮೂರು ವರ್ಷದ ಶೆರಿನ್ ಮ್ಯಾಥ್ಯೂವ್ಸ್ ಕೊಲೆಗೆ ಸಂಬಂಧಿಸಿದಂತೆ ಟೆಕ್ಸಾಸ್ ನ್ಯಾಯಾಲಯ ಈ ಶಿಕ್ಷೆ ವಿಧಿಸಿದೆ.</p>.<p>ಕೇರಳದ ವೆಸ್ಲಿ ಮ್ಯಾಥ್ಯೂವ್ಸ್ ಮತ್ತು ಅವರ ಪತ್ನಿ ಶಿನಿ ಮಾಥ್ಯೂವ್ಸ್ ಅವರು 2016ರಲ್ಲಿ ಬಿಹಾರದ ಅನಾಥಶ್ರಾಮದಿಂದ ಶೆರಿನ್ ಅವರನ್ನು ದತ್ತು ಪಡೆದುಕೊಂಡಿದ್ದರು.</p>.<p>2017ರ ಅಕ್ಟೋಬರ್ 7ರಂದು ಶೆರಿನ್ ನಾಪತ್ತೆಯಾಗಿದ್ದಾಳೆ ಎಂದು ಮಾಥ್ಯೂವ್ಸ್ ಪೊಲೀಸರಿಗೆ ತಿಳಿಸಿದ್ದರು. ಆದರೆ, 15 ದಿನಗಳ ಬಳಿಕ ಶೆರಿನ್ ಮೃತದೇಹ ಮನೆ ಸಮೀಪದ ಚರಂಡಿಯಲ್ಲಿ ದೊರೆತಿತ್ತು.</p>.<p>ಹಾಲು ಕುಡಿಯುತ್ತಿರುವಾಗ ಆಕಸ್ಮಿಕವಾಗಿ ಉಸಿರುಗಟ್ಟಿ ಶೆರಿನ್ ಸಾವಿಗೀಡಾದಳು ಎಂದು ಮಾಥ್ಯೂವ್ಸ್ ದಂಪತಿ ಪೊಲೀಸರ ಮುಂದೆ ಒಪ್ಪಿಕೊಂಡಿದ್ದರು.</p>.<p>‘ವೆಸ್ಲಿ ಮಾಥ್ಯೂವ್ಸ್ ಉತ್ತಮ ತಂದೆಯಾಗಿದ್ದರು. ಶೆರಿನ್ಗೆ ಉಸಿರುಗಟ್ಟಿದಾಗ ಯಾರ ನೆರವನ್ನೂ ಕೋರಿಲ್ಲ. ಅವರು ತೀವ್ರ ಆತಂಕಗೊಂಡಿದ್ದರು. ಇದೊಂದು ಆಕಸ್ಮಿಕ ಘಟನೆ’ ಎಂದು ಮಾಥ್ಯೂವ್ಸ್ ಪರ ವಕೀಲ ರಫೇಲ್ ಡೆ ಲಾ ಗರ್ಜಾ ವಾದಿಸಿದ್ದರು.</p>.<p>ನ್ಯಾಯಾಲಯ ತೀರ್ಪು ನೀಡಿದ ಬಳಿಕ ಪ್ರತಿಕ್ರಿಯಿಸಿದ ಗರ್ಜಾ, ‘ಇದೊಂದು ಕ್ರೂರ ಮತ್ತು ಅಪರೂಪದ ಶಿಕ್ಷೆ’ ಎಂದು ಹೇಳಿದ್ದಾರೆ.</p>.<p>ಶೆರಿನ್ ಮಲತಾಯಿ ಶಿನಿ ವಿರುದ್ಧ ಮಗುವನ್ನು ದೂರವಿರಿಸಿದ್ದಕ್ಕಾಗಿ 2017ರ ನವೆಂಬರ್ನಲ್ಲಿ ಆರೋಪಪಟ್ಟಿ ದಾಖಲಿಸಲಾಗಿತ್ತು. ಆದರೆ, ಆರೋಪ ಸಾಬೀತಾಗದ ಕಾರಣ ಪ್ರಕರಣವನ್ನು ವಜಾಗೊಳಿಸಲಾಗಿತ್ತು.</p>.<p>ಶೆರಿನ್ ಸಾವು ಪ್ರಕರಣ ಭಾರತ ಸರ್ಕಾರದ ಗಮನಸೆಳೆದಿತ್ತು. ಈ ಪ್ರಕರಣದ ಬಗ್ಗೆ ಸಮರ್ಪಕ ತನಿಖೆ ನಡೆದು ನ್ಯಾಯ ದೊರೆಯುವಂತೆ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಅಂದಿನ ವಿದೇಶಾಂಗ ಸಚಿವರಾಗಿದ್ದ ಸುಷ್ಮಾ ಸ್ವರಾಜ್ ಅವರು ಆಸಕ್ತಿ ವಹಿಸಿ ಹೌಸ್ಟನ್ನಲ್ಲಿ ಭಾರತೀಯ ರಾಯಭಾರಿ ಕಚೇರಿಗೆ ಸೂಚಿಸಿದ್ದರು.</p>.<p>ಶೆರಿನ್ ಸಾವಿನ ಬಳಿಕ ಭಾರತ ಸರ್ಕಾರ ದತ್ತು ಪಡೆಯುವ ಪ್ರಕ್ರಿಯೆಯನ್ನು ಬಿಗಿಗೊಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
