ಹಾಂಗ್‌ಕಾಂಗ್‌: ಸತತ ಮೂರನೇ ದಿನ ಘರ್ಷಣೆ

ಗುರುವಾರ ಮಧ್ಯಾಹ್ನ ಪ್ರತಿಭಟನಕಾರರು ಮಾಲ್‌ ಒಳಗಡೆ ಸರ್ಕಾರ ಹಾಗೂ ಪೊಲೀಸರ ವಿರುದ್ಧ ಘೋಷಣೆ ಕೂಗುತ್ತಿದ್ದರು. ಪೆಪ್ಪರ್‌ ಸ್ಪ್ರೇ ಹಾಗೂ ನೀಲಿ ಇಂಕ್‌ ಸಿಡಿಸುವ ಮೂಲಕ ಪ್ರತಿಭಟನಕಾರರನ್ನುಗುರುತಿಸಿದ ಪೊಲೀಸರು, ಅವರನ್ನು ಬಂಧಿಸಿದರು. ಇತ್ತೀಚೆಗೆ ಮಾಲ್‌ಗಳೇ ಪ್ರತಿಭಟನೆಗಳಿಗೆ ವೇದಿಕೆಯಾಗುತ್ತಿವೆ. ಈ ಮೂಲಕ ಆರ್ಥಿಕ ಚಟುವಟಿಕೆಯನ್ನು ಅಡ್ಡಿಪಡಿಸಲು ಪ್ರತಿಭಟನಕಾರರು
ಪ್ರಯತ್ನಿಸುತ್ತಿದ್ದಾರೆ.

ಆರು ತಿಂಗಳುಗಳಿಂದ ಹಾಂಗ್‌ಕಾಂಗ್‌ನಲ್ಲಿ ನಿರಂತರವಾಗಿ ಪ್ರತಿಭಟನೆಗಳು ನಡೆಯುತ್ತಿವೆ. ಪ್ರಜಾಪ್ರಭುತ್ವ ಪರ ಸದಸ್ಯರು ಸ್ಥಳೀಯ ಚುನಾವಣೆಗಳಲ್ಲಿ ವಿಜೇತರಾದ ಕಾರಣ, ಕಳೆದಒಂದು ತಿಂಗಳಿನಿಂದ ಈಚೆಗೆ ಪ್ರತಿಭಟನೆಗಳು ಕಡಿಮೆಯಾಗಿವೆ.