ಪ್ರತಿಭಟನಕಾರರ ಆಕ್ರೋಶ: ಸುರಕ್ಷಿತ ತಾಣಕ್ಕೆ ಕೊಲಂಬಸ್‌ ಪ್ರತಿಮೆ ಸ್ಥಳಾಂತರ
ಅಕ್ಷರ ಗಾತ್ರ :ಆ |ಆ |ಆ
ಕೊಲಂಬಿಯಾ: ಅನ್ವೇಷಕ, ನಾವಿಕ ಕ್ರಿಸ್ಟೋಫರ್ ಕೊಲಂಬಸ್‌ ಅವರ ಹೆಸರನ್ನೇ ಇಟ್ಟಿದ್ದ ಈ ನಗರದಲ್ಲಿದ್ದ ಅವರ ಪ್ರತಿಮೆಯನ್ನು ಸುರಕ್ಷತಾ ದೃಷ್ಟಿಯಿಂದ ತೆಗೆದು ಪ್ರತ್ಯೇಕವಾಗಿ ಇರಿಸಲಾಗಿದೆ. ಒಂದು ವಾರದಲ್ಲಿ ಅನೇಕ ಬಾರಿ ಪ್ರತಿಮೆ ಮೇಲೆ ದಾಳಿ ನಡೆದಿದ್ದರಿಂದ ಈ ಕ್ರಮ ತೆಗೆದುಕೊಳ್ಳಲಾಗಿದೆ.
ಸೌತ್‌ ಕರೊಲಿನಾದ ರಿವರ್‌ಫ್ರಂಟ್‌ ಪಾರ್ಕ್‌ನಲ್ಲಿರುವ ಪ್ರತಿಮೆಯನ್ನು ಶುಕ್ರವಾರದ ವೇಳೆಗೆ ಭಾಗಶಃ ಜಖಂಗೊಳಿಸಲಾಗಿತ್ತು. ‘ಪ್ರತಿಮೆಯನ್ನು ತೆಗೆದಿರಿಸಲಾಗಿದೆ. ನಗರಸಭೆ ಸದಸ್ಯರು, ಅಧಿಕಾರಿಗಳು ಮುಂದಿನ ಕ್ರಮದ ಬಗ್ಗೆ ಚರ್ಚಿಸುವರು’ ಎಂದು ಮೇಯರ್‌ ಸ್ಟೀವ್‌ ಬೆಂಜಮಿನ್ ಪ್ರತಿಕ್ರಿಯಿಸಿದ್ದಾರೆ.
‘ಪ್ರತಿಭಟನಕಾರರು ರಾತ್ರಿಯ ಹೊತ್ತು ಪ್ರತಿಮೆಯನ್ನು ಧ್ವಂಸಗೊಳಿಸಬೇಕು ಎಂದು ನಾನು ಬಯಸುವುದಿಲ್ಲ’ ಎಂದು ಅವರು ಹೇಳಿದ್ದಾರೆ.
ಉತ್ತರ ಅಮೆರಿಕಕ್ಕೆ 1492ರಲ್ಲಿ ಕೊಲಂಬಸ್‌ ಬಂದಿದ್ದ. ಅಮೆರಿಕದ ವಿವಿಧ ನಗರಗಳಲ್ಲಿ ಆತನ ಪ್ರತಿಮೆಗಳನ್ನು ಈಗಾಗಲೇ ಪ್ರತಿಭಟನಾಕಾರರು ನಾಶಗೊಳಿಸಿದ್ದಾರೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
