ಭಾರತಕ್ಕೆ ಹಸ್ತಾಂತರ ವಿಜಯ ಮಲ್ಯ ಮನವಿ ತಿರಸ್ಕೃತ

ನ್ಯಾಯಾಲಯದ ಈ ಕ್ರಮದಿಂದ ವಂಚನೆ ಮತ್ತು ಅಕ್ರಮ ಹಣ ವರ್ಗಾವಣೆ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಮಲ್ಯ ಅವರನ್ನು ಭಾರತಕ್ಕೆ ಕರೆತರುವುದು ಸುಗಮವಾಗಲಿದೆ ಎಂದು ವಿಶ್ಲೇಷಿಸಲಾಗಿದೆ. ಹೈಕೋರ್ಟ್‌ ಆದೇಶದ ವಿರುದ್ಧ ಸುಪ್ರೀಂ ಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಲು ಮಲ್ಯ ಅವರಿಗೆ 14 ದಿನಗಳ ಕಾಲಾವಕಾಶವಿದೆ.

ಮಲ್ಯ ಅರ್ಜಿ ಸಲ್ಲಿಸಿದರೆ ಬ್ರಿಟನ್‌ ಗೃಹ ಸಚಿವಾಲಯ ಮುಂದಿನ ಆದೇಶಕ್ಕೆ ಕಾಯಲಿದೆ. ಒಂದು ವೇಳೆ ಅರ್ಜಿ ಸಲ್ಲಿಸದೆ ಇದ್ದರೆ, ಬ್ರಿಟನ್‌ ಮತ್ತು ಭಾರತ ನಡುವೆ ಕೈಗೊಂಡ ಹಸ್ತಾಂತರ ಒಪ್ಪಂದದ ಅನ್ವಯ ನ್ಯಾಯಾಲಯ ಆದೇಶವನ್ನು ಪಾಲಿಸಿ 28
ದಿನಗಳ ಒಳಗೆ ಭಾರತಕ್ಕೆ ಹಸ್ತಾಂತರಿಸಬೇಕಾಗುತ್ತದೆ.