ಯೆಮನ್‌: ಕ್ಷಿಪಣಿ, ಡ್ರೋನ್‌ ದಾಳಿಗೆ 70 ಯೋಧರ ಸಾವು

ಯೆಮನ್‌ ರಾಜಧಾನಿ ಸನಾದ ಪೂರ್ವಕ್ಕೆ ಸುಮಾರು 170 ಕಿ.ಮೀ ದೂರದಲ್ಲಿರುವ ಮಾರಿಬ್‌ನ ಮಿಲಿಟರಿ ಕ್ಯಾಂಪ್‌ನ ಮಸೀದಿ ಮೇಲೆ ಹುತಿಗಳು ಸಂಜೆ ಪ್ರಾರ್ಥನೆಯ ಸಮಯದಲ್ಲಿ ಈ ದಾಳಿ ನಡೆದಿಸಿದ್ದಾರೆ ಎಂದು ಮಿಲಿಟರಿ ಮೂಲಗಳು ಹೇಳಿವೆ.

ಈ ದಾಳಿಯಲ್ಲಿ 70ಕ್ಕೂ ಹೆಚ್ಚು ಯೋಧರು ಸತ್ತಿದ್ದು, 50ಕ್ಕೂ ಹೆಚ್ಚು ಯೋಧರಿಗೆ ಗಾಯಗಳಾಗಿವೆ ಎಂದು ವೈದ್ಯಕೀಯ ಮೂಲಗಳು ಮಾಹಿತಿ ನೀಡಿವೆ. ‌ಮಸೀದಿ ಮೇಲಿನ ಹುತಿ ಬಂಡುಕೋರರ ದಾಳಿಯನ್ನು ತೀವ್ರವಾಗಿ ಖಂಡಿಸಿರುವ ಯೆಮನ್‌ ಅಧ್ಯಕ್ಷ ಅಬೆದ್ರಾಬ್ಬೊ ಮನ್ಸೂರ್ ಹಾಡಿ ಇದು ‘ಹೇಡಿತನ ಮತ್ತು ಭಯೋತ್ಪಾದಕ’ ದಾಳಿ ಎಂದಿದ್ದಾರೆ.