ಅಹಮದಾಬಾದ್‌: ಪಾಕಿಸ್ತಾನದ ಗೂಢಚಾರ ಸಂಸ್ಥೆಯ ಪರವಾಗಿ ಇಲ್ಲಿನ ದೇಶದ ರಕ್ಷಣಾ ವ್ಯವಸ್ಥೆಯನ್ನು ವಿಶೇಷವಾಗಿ ಗಮನಿಸುತ್ತಿದ್ದ ಆರೋಪದ ಮೇಲೆ ಬಾಲಕ ಸೇರಿದಂತೆ ನಾಲ್ವರನ್ನು ಕಛ್‌ ಪೊಲೀಸರು ಬಂಧಿಸಿದ್ದಾರೆ.
ಕಚ್ (ಪಶ್ಚಿಮ) ವಿಭಾಗದ ಪೊಲೀಸ್‌ ವರಿಷ್ಠಾಧಿಕಾರಿ ಸೌರಭ್‌ ತೊಲಂಬಿಯ ಅವರು ಇದನ್ನು ದೃಢಪಡಿಸಿದ್ದು ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದ ಗೌಪ್ಯಮಾಹಿತಿಯನ್ನು ಕಳುಹಿಸಿಸುತ್ತಿದ್ದ ಶಂಕೆಯ ಮೇಲೆ ಬಂಧಿಸಲಾಗಿದೆ ಎಂದರು.
‘ಅವರ ಫೋನ್‌ಗಳಲ್ಲಿ ಕೆಲವೊಂದು ಮಾಹಿತಿ ಗುರುತಿಸಿದ್ದು, ಅದಕ್ಕೆ ಅವರು ಸಕಾರಣ ನೀಡಿಲ್ಲ. ಈ ಎಲ್ಲರ ವಿರುದ್ಧ ಅಧಿಕೃತ ಗೋಪ್ಯತಾ ಕಾಯ್ದೆಯಡಿ ಮೊಕದ್ದಮೆ ದಾಖಲಿಸಲಾಗಿದೆ’ ಎಂದು ತಿಳಿಸಿದರು.
