ಮಹಿಳೆಯಿಂದ ಬಾಂಬ್‌ ಸ್ಫೋಟಿಸುವ ಬೆದರಿಕೆ: ನಿಲ್ದಾಣಕ್ಕೆ ಮರಳಿದ ವಿಮಾನ

ಶನಿವಾರ ರಾತ್ರಿ ಈ ಘಟನೆ ನಡೆದಿದ್ದು, 144 ಪ್ರಯಾಣಿಕರಿದ್ದ ಏರ್‌ಏಷ್ಯಾ ವಿಮಾನ ಟೇಕ್‌ಆಫ್ ಆದ ಕೆಲವೇ ನಿಮಿಷಗಳಲ್ಲಿ ಮೋಹಿನಿ ಮಂಡಲ್ ಎಂಬ ಮಹಿಳಾ ಪ್ರಯಾಣಿಕರೊಬ್ಬರು, ತನ್ನ ಸೊಂಟದಲ್ಲಿ ಬಾಂಬ್ ಪಟ್ಟಿ ಕಟ್ಟಿದ್ದು, ಯಾವುದೇ ಕ್ಷಣದಲ್ಲಿ ವಿಮಾನವನ್ನು ಸ್ಫೋಟಿಸಬಹುದು ಎಂದುಪೈಲೆಟ್‌ಗೆ ಚೀಟಿಯೊಂದನ್ನು ಬರೆದುಕಳಿಸಿದ್ದರು. ಇದರಿಂದ ಭೀತಿಗೀಡಾದ ಪೈಲಟ್ ವಿಮಾನವನ್ನು ಕೋಲ್ಕತ್ತಾ ವಿಮಾನ ನಿಲ್ದಾಣಕ್ಕೆ ವಾಪಸ್ ಇಳಿಸಿದ.

ನಂತರ ಮಹಿಳೆಯನ್ನು ತಪಾಸಣೆ ನಡೆಸಿದಾಗ ಆಕೆಯ ದೇಹದಲ್ಲಿ ಯಾವುದೇ ಸ್ಫೋಟಕ ಪತ್ತೆಯಾಗಲಿಲ್ಲ. ಮಹಿಳೆ ಕೋಲ್ಕತ್ತಕ್ಕೆ ವಾಪಸ್ ಮರಳು ಉದ್ದೇಶದಿಂದ ಈ ರೀತಿ ಬೆದರಿಕೆಯೊಡ್ಡಿದ್ದರು ಎಂದು ತಿಳಿದು ಬಂದಿದೆ.