ದೇಶದಾದ್ಯಂತ 24 ಗಂಟೆಗಳಲ್ಲಿ 957 ಮಂದಿಗೆ ಕೊರೊನಾ, 36 ಸಾವು: ಆರೋಗ್ಯ ಸಚಿವಾಲಯ

ದೇಶದಲ್ಲಿ ಸೋಂಕಿತರ ಸಂಖ್ಯೆ 14,792ಕ್ಕೆ ಏರಿಕೆಯಾಗಿದೆ. ಈವರೆಗೆ ಒಟ್ಟು 488 ಮಂದಿ ಮೃತಪಟ್ಟಿದ್ದು, 2,014 ಜನ ಗುಣಮುಖರಾಗಿದ್ದಾರೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ ಪ್ರಕಟಣೆ ತಿಳಿಸಿದೆ.

ಕೊರೊನಾದಿಂದ ಸಂಭವಿಸುತ್ತಿರುವ ಸಾವಿನ ಪ್ರಮಾಣ ದೇಶದಲ್ಲಿ ಶೇ 3.3ರಷ್ಟಿದೆ ಎಂದು ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲವ ಅಗರ್ವಾಲ್ ತಿಳಿಸಿದ್ದಾರೆ.

ಇದನ್ನೂ ಓದಿ:Explainer | ಕೊರೊನಾ ದ್ವಿಗುಣ ಪ್ರಮಾಣ ವಿದೇಶಗಳಿಗಿಂತ ಭಾರತದಲ್ಲೇ ಕಡಿಮೆ: ಹೇಗೆ?

‘ಶೇ 14.4ರಷ್ಟು ಸಾವು 0–45 ವಯೋಮಾನದವರಲ್ಲಿ ಸಂಭವಿಸಿದೆ. ಶೇ 10.3ರಷ್ಟು ಮಂದಿ 45–60 ವಯಸ್ಸಿನವರು ಮೃತಪಟ್ಟಿದ್ದಾರೆ. 60–75ರ ವಯೋಮಾನದವರ ಸಾವಿನ ಪ್ರಮಾಣ ಶೇ 33.1ರಷ್ಟಿದೆ. 75 ಮತ್ತು ಅದಕ್ಕಿಂತ ಹೆಚ್ಚಿನ ವಯೋಮಾನದವರಲ್ಲಿ ಸಾವಿನ ಪ್ರಮಾಣ ಶೇ 42.2ರಷ್ಟಿದೆ’ ಎಂದು ಅಗರ್ವಾಲ್ ತಿಳಿಸಿದ್ದಾರೆ.